Ezekiyel 34:29 - Bible azumeina

²⁹ An mba ni vazi asine ma simiyêm nde yinina, meid’a mba d’i tchazi kur ambasa d’uo d’a, andjaf suma dingâ a mba kragazi ngula d’uo mi.

Ezekiyel 34:29 Referans Kwoze

Ezekiyel 36:29

An mba ni mbud’ugi woi yed’et kur ndjendje magi d’a lara ge pet, an mba ni hagi gemena, an mba ni wulumu, an mba ni ar baktarad’a ti nde kagi d’uo d’a.

Ezekiyel 36:15

An mba ni aragi agi humugi ngula handjaf suma dingîd’a ki humagi d’i. Suma a mba mbud’ugi zulona d’i, agi mba mbud’ugi vama dap asem andjaf sum magina d’uo mi. An Salad’a Ma didina ni de na.

Isai 4:2

Kur bur máma agu ma hud’ura hi Ma didinina mba mi deî mba mi mbut vama hud’a, vama subura mi. Ahle suma a vut yam andagad’ina, a mba wile ki djifâ yam Israel suma a arâ.

Isai 60:21

Sum ma’â pet a mba mbut ni suma d’ingêra, a mba kak kur ambasa gak didin. Azi nagu ma an puma, ni sun nda an lat kabon á le sun nda yam subur mandid’a mi.

Isai 53:2

Mi wul avoromî d’igi agu ma mi deî awilina na, d’igi agu ma mi deî yam andaga d’a sod’ina na mi. Mi nga ki djif foze mi wile tala ei golomu d’a d’i, iram mbi nga djivid’a á togei irei kam á gola d’uo mi.

Isai 9:6

Leu mam mba ted’a mba d’i i avogovok ki b’leng nga halas sa bei dabid’id’a. Mba mi kak yam zlam mba amula hi David-ta, mba mi te yam leu mamba, mba mi tin d’ingêra ki gagazid’a hAlonid’a ki tchetchemba gak didin. Wana ni vama Ma didin ma ad’engêm kal petna mba mi lum ki zlezleû mambina.

Sawal la giled’a 72:17

Ar simiyêm mi yï didin, ar simiyêm mi yï yam andagad’a gak dabid’a hatchogoid’id’a. Ar suma a b’e vuna yam tazi ni ki simiyêmu, ar andjaf suma pet a yum ala amul ma furîd’a!

Vama ndum mbeina 7:16

Meid’a d’oze vun ma sod’a mba mi lazi d’i, afata d’oze zumal la huwaka mba d’i lazi d’uo mi.

Zakari 6:12

Ang dum ala: Ma didin ma ad’engêm kal petna mi dala: Sana simiyêm ala Agu ma hud’ura mba mi hud’urï ata yamu, mba mi min gong nga kud’ora hi an Ma didinid’a akulo.

Zakari 3:8

Ang ma ngol ma ngat buzuna Josue, ang ki ndrong suma nga kaka avorong wana, agi humugiya, agi sumala ni vama taka yam sut ta nga d’i mbad’a na. An nga ni mba kazong man ma a yum ala Agu ma hud’ura na.

Jeremi 33:15

Kur bur máma, ata yi máma, an mba ni ndeï ki sama d’ingêrâ ad’u andjafâ hi David-na. Mi mba mi tak d’ingêra ki gagazid’a mi suma kur ambas sa wandina.

Jeremi 23:5

Ma didina mi dala: An mba ni tchol ki sama d’ingêrâ ad’u andjafâ hi David-na. Mba mi tamula, mba mi i avogovogo, mba mi ka sariya d’a d’ingêra, mba mi le sun nda irata kur ambasa mi.

Isai 61:3

á b’leng hur suma a nga kur Siyon suma a yor tazina, á hazi avaval la furîd’a balum butna, á hazi mbul ma furîd’a balum b’oud’a, baru ma subura yam huruzi ma b’la’â tala a yazi ala Azi nagu ma Ma didina mi pum kur asinem á suburumu d’a.

Joel 2:19

Ma didina mi hulongôzi humba, mi de mi sum mama ala: Gola! An nga ni sunugi gemena, süm guguzlu d’a awilid’a ki mbulâ. Agi mba hobogiya. An mba ni aragi á mbut zulona aduk andjaf suma dingâ d’uo d’a.