Ezekiyel 34:28 - Bible azumeina

²⁸ Azi mba mbut ni vama hurumba aduk andjaf suma d’uo d’a, amburei suma abageina a mba mud’uzi d’uo mi. A mba kak ki halasa, sama mba mi b’lagazi djib’er mazid’ina mi nga d’uo mi.

Ezekiyel 34:28 Referans Kwoze

Jeremi 46:27

Ma didina mi dala: Agi suma hi Jakob-ma azungeî mana, agi lagi mandar ri! Agi suma hi Israel-lîna, agi zlagagi d’i! Gola! An mba ni sud’ugï woi kur andaga d’a deid’a, an mba ni sut andjavagi woi kur ambas sa a yozi magomba kuad’a. Agi suma hi Jakob-ma, agi mba hulongôgïya, agi mba kagagi ki halasa ki tchugota bei va mi mbud’ugi mandar ba!

Jeremi 30:10

Ma didina mi dala: Agi suma hi Jakob-ma, azungeî mana, agi lagi mandar ri. Agi suma hi Israel-lîna, agi zlagagi d’i! Gola! An mba ni sud’ugï woi kur andaga d’a deid’a, an mba ni sut andjavagi woi kur ambas sa a yozi magomba kuad’a. Agi suma hi Jakob-ma, agi mba hulongôgïya, agi mba kagagi ki halasa ki tchugota bei va mi mbud’ugi mandar ba!

Ezekiyel 39:26

Bugola, azi mba mar yam zulo mazina, yam tit mazi d’a bei d’ingêra ba d’a avoronda, azi mba kak ki halasa yam andaga mazid’a bei sa mi mbud’uzi mandar ba.

Ezekiyel 36:15

An mba ni aragi agi humugi ngula handjaf suma dingîd’a ki humagi d’i. Suma a mba mbud’ugi zulona d’i, agi mba mbud’ugi vama dap asem andjaf sum magina d’uo mi. An Salad’a Ma didina ni de na.

Ezekiyel 34:29

An mba ni vazi asine ma simiyêm nde yinina, meid’a mba d’i tchazi kur ambasa d’uo d’a, andjaf suma dingâ a mba kragazi ngula d’uo mi.

Ezekiyel 34:8

An Salad’a Ma didin ma bei matna ba na ni dala: Tumiyô mana a nga hurumuziya. Azi mbut ni vama vika hamburei suma abageina yam tchod’a hi suma polid’a. A nga djib’er yam timi man tu d’i, kayam azi polî azi tazid’a gogo, a nga pol tumiyô mana d’i.

Ezekiyel 36:4

Kayam ndata, agi ahuniyô suma Israel-lâ, agi humugi zla d’a an Salad’a Ma didina ni data. An Salad’a Ma didina ni de mahuniyôna, mi yima ndingâ, mi toliyonda, mi hora, mi yima b’lak kei mi mbut djonina, mazì ma nglo ma a aram mbei ma mi mbut vama hurumba ki vama sanda mandjaf suma ding suma a nguyumina ala:

Ezekiyel 34:25

An mba ni djin vun ma halasâ ki sed’eziya, an mba ni dik amburei suma abageina woi kur ambasa. Azi mba kak ki halasa abagei hur fulâ, azi mba bur sena kä aduk agud’a mi.

Jeremi 32:37

Gola! An mba ni togozï kur ambas sa lara ge pet ta an digizi woi kur kayî mana ki hur man ma zal ma gugulu’îd’a, an mba ni hulong mbazi ka hî kur yima wana, an mba ni kagazi kur bei va mi lazi ba.

Ezekiyel 34:5

Gola! Azi b’rau wa woi yayak kayam sama polozina nga d’i, azi mbut vama vika hamburei suma abageina, azi b’rau wa woi yayak.

Wana ni mbaktumba hi Oze-d’a 11:11

An Ma didina nga ni dagiya! A mba tcholï Ezipte d’igi aleina mi pir na, a mba tcholï Asiri d’igi gugud’a ti pir na. An mba ni kagazi yam andaga mazid’a mi.

Amos 9:15

An mba ni hulong pe sum mana yam andaga mazid’a. Sa mba mi pad’azi woi yam andaga d’a an hazizid’a d’uo d’a. Wana ni zla d’a an Ma didina Alo magina ni data.

Wana ni mbaktumba hi Job-pa 11:19

Ang mba bur kä bei sa mi lang va ba, ablaud’a a mba hal ndjunda atangû.

Isai 32:18

Sum mana a mba kak ki b’leng nga halasa, a mba kak bei va lazi ba, a mba kak kur yima kak ma tchugotna mi.

Sofoni 3:13

Israel suma a mba arâ a mba le tchod’a d’i, a mba ka zla d’i, a mba fe zla d’a mbut ira avun sa adigazi d’uo mi. Wani azi mba fe yima te hatna, a mba tuk tazi bei sa mi mbud’uzi mandar ba.

Zakari 8:12

An mba ni mba ki b’leng nga halasa yam andagad’a, guguzlud’a mba d’i vud’a, andagad’a mba d’i wul awuna, akulod’a mba d’i salona ngola, an mba ni le djivi ndata mi man suma a mba arâ.