Ezekiyel 34:27 - Bible azumeina

²⁷ Agu ma abageina mba mi vud’a, andagad’a mba d’i wul ahlena mi. Fata an mba ni kuzuzi djuk ma kelezina woi ni prud’uzi woi abo suma azi nga lazi sun nda magombid’a, azi mba kak ki halasa yam andaga mazid’a, azi mba wala an ni Ma didina mi.

Ezekiyel 34:27 Referans Kwoze

Jeremi 30:8

Ma didin ma ad’engêm kal petna mi dala: Fata yina ndaka, an mba ni kus djuk ma anek ma a gazizi kelezina woyo, an mba ni tchalam ziyom mbei mi. Ata yi máma andjaf ma ding mba mi lazi magomba d’uo d’a.

Sunda hi suma hi Levi-nid’a 26:13

An ni Ma didina Alo magi ma buzugugï woi kur ambas sa Ezipte-d’ina tala agi kagagi magumei mazina d’uo d’a. An kus djuk ma kelegina woyo, an aragi agi tid’igi yagi akulo herengîleng.

Sunda hi suma hi Levi-nid’a 26:4

an mba ni sagi alona ata yamu. Andagad’a mba d’i wulugi awuna, agu magina mba mi vut mi.

Sawal la giled’a 85:12

Gagazid’a mba d’i tcholï ka andaga; d’ingêra hAlonid’a mba d’i tcholï nakulo mi.

Jeremi 2:20

Ma didina mi dala: Agi kuzugi djuk ma kelegina woi nadjeu dei, agi bud’ugi vun ma djin ma adigeina woyo, agi dagi ala: Ami min lang sunda d’uo d’a. Kayam ndata, agi igi akulo yam yima ndingâ, ad’u agu ma lara ma angusâ agi grivigi kä ad’um á mbud’ugi tagi gaulangâ mi.

Isai 4:2

Kur bur máma agu ma hud’ura hi Ma didinina mba mi deî mba mi mbut vama hud’a, vama subura mi. Ahle suma a vut yam andagad’ina, a mba wile ki djifâ yam Israel suma a arâ.

Ezekiyel 47:12

Andjaf agu ma vuta teteng mba mi wul avun toliyonda abo hî abo hî. Humam mba d’i so d’i, mba mi ba bei vuta d’i, mba mi vut ni tilâ ki tilâ, kayam mbiyo ma nga mi djangî woi kur gong nga kud’ora hAlonid’ina, nga mi i kä ad’umu. Vud’um mba d’i mbut ni tena hi sumina, humam mba d’i mbut ni kuma ma sut suma mi.

Ezekiyel 39:28

Azi mba wala an ni Ma didina, Alo mazi ma ni yozi ni izi magomba adjeu aduk andjaf suma ni hulongôzï yam andaga mazid’ina. An mba ni ar sa tu pî adigazi sä hî d’i.

Ezekiyel 34:10

An Salad’a Ma didina ni dala: Gola! An nga ki zlad’a ki suma pola, an mba ni yo tumiyô mana woi aboziya, an mba ni arazi á pol tumiyô mana tala azi polî tazi gogod’a d’uo d’a, an mba ni prut tumiyô mana woi avunaziya, azi mba mbut ni va mazi ma ved’a d’uo d’a.

Ezekiyel 33:29

Fata an mba ni mbut ambasa djona yam sun mazi d’a ndjendje d’a azi latid’a, azi mba wala an ni Ma didina.

Jeremi 27:7

Andjaf suma pet a mba lum sunda, a mba le sunda mi goroma, a mba le sunda mi gorom ngolona gak atchogoi d’a ambas mamba mba d’i le sunda mandjaf ma ablauna, mamulei suma nglona mi d’a.

Jeremi 25:14

Kayam andjaf ma ablauna kamulei suma gangrangâ a mba le suma Babilon ndazina magomba. An mba ni wuragazi yam sun mazid’a, yam sun nda azi lat kabozid’a mi.

Isai 61:3

á b’leng hur suma a nga kur Siyon suma a yor tazina, á hazi avaval la furîd’a balum butna, á hazi mbul ma furîd’a balum b’oud’a, baru ma subura yam huruzi ma b’la’â tala a yazi ala Azi nagu ma Ma didina mi pum kur asinem á suburumu d’a.

Isai 10:27

Kur bur máma Ma didina mba mi hlanek mazid’a woi hîhîngâgiya, mba mi hle djuk mazina kä woi kelegi mi, dju’â mba mi kus sei kelegiya.

Isai 9:4

Kayam atuguru ma lara ma mazi suma djangûna a tchugum azezi á dur ayînina, ki baru d’a nglo d’a tib’ak ki buzunid’a pet, a mba tchuguzi aduk akud’a á ngalazi woyo.

Sawal la giled’a 67:6

Alo mamina, ar andjaf suma a suburungû, ar andjaf suma pet a suburungû.

Ezekiyel 28:25

Salad’a Ma didina mi dala: Fata an mba ni togï Israel-lâ aduk suma an ndjoyôzi woi kuanid’a, an mba ni tak tan ndei mandjaf suma ala an nAlo ma bei tchod’a ba na. Israel-lâ a mba kak yam andaga mazi d’a an hat mazong mana Jakob-pa.

Ezekiyel 30:18

Fata an kus ad’enga hi Ezipte-nid’a woi ni d’el ad’eng nga azi subur tazi kata woid’a, afata mba d’i mbut nduvunda yam Tapanes. D’ugula mba d’i duk yam suma Tapanes-sâ, a mba yo yugunei mazina magomba mi.

Ezekiyel 34:25

An mba ni djin vun ma halasâ ki sed’eziya, an mba ni dik amburei suma abageina woi kur ambasa. Azi mba kak ki halasa abagei hur fulâ, azi mba bur sena kä aduk agud’a mi.

Ezekiyel 34:29

An mba ni vazi asine ma simiyêm nde yinina, meid’a mba d’i tchazi kur ambasa d’uo d’a, andjaf suma dingâ a mba kragazi ngula d’uo mi.

Ezekiyel 36:29

An mba ni mbud’ugi woi yed’et kur ndjendje magi d’a lara ge pet, an mba ni hagi gemena, an mba ni wulumu, an mba ni ar baktarad’a ti nde kagi d’uo d’a.

Ezekiyel 36:30

An mba ni ar agu magina mi vut ngola, asine magina mba mi wul ahlena ngola tala agi mbud’ugi zulona aduk andjaf suma dingâ abo baktarad’a d’uo d’angû d’a.

Ezekiyel 38:8

Bugol bizad’a ablaud’a, an mba ni sirang kur sun mang nga led’a. Kur atchogoi ndata ang mba kal kur ambas sa Israel-la. Suma a nga kaka kuana ni suma a sud’ï woi avun ayî ma durîna, ni suma a buzugï woi aduk andjaf suma tetengâ, ni suma a tok a hulong kaka yam ahuniyô suma Israel suma a mbut djona adjeuna, ni suma a nga kaka kua ki halasina mi.

Ezekiyel 38:11

Ang mba dala: An i ni nde suma a nga kaka ki halasa ki tchugota kur ambas sa azì mat ma nglona gulumun nga kam mbi, vun agrek mam nga duka ki kawei ma murgulina d’uo mi na durâ.

Wana ni mbaktumba hi Oze-d’a 11:11

An Ma didina nga ni dagiya! A mba tcholï Ezipte d’igi aleina mi pir na, a mba tcholï Asiri d’igi gugud’a ti pir na. An mba ni kagazi yam andaga mazid’a mi.

Sunda hi suma hi Levi-nid’a 26:6

An mba ni mba ki b’lenga halasa kagiya; agi mba burugi sena bei va mbud’ugi mandarâ ba. An mba ni dap amburei suma ayîna woi kur ambas magid’a; sa mba mi mba á dur ayîna kur ambas magid’a d’i.

Wana ni mbaktumba hi Job-pa 5:23

Ang mba djin vunang kahuniyô suma abageina, amburei suma abageina a mba lang va d’uo mi.

Zla d’a d’ogolâ 3:24

Ata yima ang bur kä na, mandarâ mba mi lang ngi; ata yima ang bur kä na, ang mba nde sena d’angzang.

Isai 35:9

Lovot ndata a mba fazlo kua d’i, ambur ma ayî mba mi hlat ti, sa mba mi ngavam kua d’uo mi. Suma Ma didina mi wurak kazina, a mba tit kua ni aziya.

Jeremi 23:4

An mba ni tin suma pol suma dingâ kazi á poloziya. Tumiyô mana a mba le mandar roze a mba zlak kuo mi, tu mba mi ba woi adigazi d’uo mi. An Ma didina ni de na.

Ezekiyel 36:8

Agi ahuniyô suma Israel-lâ, ar agu ma kagina mi ruyâ, ar mi vut mi man suma Israel-lâ, kayam azi ar go á hulong avo.

Ezekiyel 39:26

Bugola, azi mba mar yam zulo mazina, yam tit mazi d’a bei d’ingêra ba d’a avoronda, azi mba kak ki halasa yam andaga mazid’a bei sa mi mbud’uzi mandar ba.

Wana ni mbaktumba hi Oze-d’a 2:20

Kur bur máma an mba ni djin vunan ki sum mana kahle suma abageina kaluwei suma akulona kahle suma a dram kä yam andagad’ina mi, an mba ni kus yeûd’a ki mbigeu d’a fiyaka kahle suma dur ayîna woi pet kur ambasa, an mba ni arazi á tuk tazi ki halasa.

Zakari 8:12

An mba ni mba ki b’leng nga halasa yam andagad’a, guguzlud’a mba d’i vud’a, andagad’a mba d’i wul awuna, akulod’a mba d’i salona ngola, an mba ni le djivi ndata mi man suma a mba arâ.