Biblia Todo Logo
Bib sou entènèt

- Piblisite -




Ezekiyel 34:24 - Bible azumeina

24 An Ma didina mba ni arî Alo mazina, azong mana David mba mi arî ma ngol ma adigazina mi. An Ma didina ni de na.

Gade chapit la Kopi




Ezekiyel 34:24
41 Referans Kwoze  

Agi mba kagagi yam ambas sa an hat mabuyogi ngolod’a, agi mba mbud’ugi sum mana, an mba ni arî Alo magina mi.


Ma didina mi de kua ala: Wana ni vun ma djin ma an mba ni djinim ki Israel-lâ bugol bur mámina: An mba ni tin gat manda kuruziya, an mba ni b’irit krovo kur mugulazi mi. An mba ni ka’î Alo mazina, azi mba ka’î sum mana mi.


An hum del la ngola ti tcholï akulo ata yima zlam mba amula ti dala: Ki tchetchemba, yima kaka hAlonina mi nga aduk suma, mba mi kak ki sed’eziya, azi mba mbut sum mama. Alona tamba mba mi kak ki sed’eziya, mam mba arî Alo mazina.


An mba ni min yan ma kaka nadigaziya. An mba ni ka’î Alo mazina, azi mba ka’î sum mana mi.


Jesus mi mba, mi dazi ala: Ad’eng nga akulod’a ki d’a yam andagad’id’a pet, Alona mi handjiya.


Azi mba mbut tazi ndjendjed’a ki filei mazi ma tchet ma ndjendjed’a kandjaf tcho mazi d’a tetenga d’uo d’a. An mba ni prud’uzi woi kur yima lara ge ma azi kak kua ma azi le tchod’a kuana, an mba ni mbud’uzi yed’et. Azi mba ka’î sum mana, an mba ni ka’î Alo mazina mi.


Kayam ndata, Christ mba mi te leud’a gak Alona mba mi kus yam mam suma djangûna, mba mi mired’ezi kä kasemu.


Alona mi hlum sä akulo ata bigam mba ndjufa á kak Amul ma sut suma, kayam mi he Israel-lâ lovota á mbut huruzi yam tcho mazid’a, kayam Alona mi vat hurum mbei yam tcho mazid’a mi.


An mba ni tchuk suma kur abo ma hindi mámina akua, an mba ni yorozi d’igi a yor kawei ma hapma na, an mba ni kuguzi d’igi a kuk lora na, a mba tchenenu, an mba ni humuzi mi. An mba ni dala: Sum ndazina a ni sum mana; azi mba dala: Ma didina nAlo meina mi.


Ma didina mba mi ar sum mama woi gak bur ma atcha d’a ti vut gorîd’a ti vud’um tua, suma a mba ar kur magombina a mba hulongî a zlap ki b’oziyozi Israel-lâ.


Kur bur máma Israel-lâ a mba wala an ni Ma didina Alo mazina ki irazi fafat.


Azi mba mbut sum mana, an mba ni arî Alo mazina mi.


Ma didina mi dala: Fata yina ndaka, an mba ni arî Alona handjafâ hi Israel-lîna pet, azi tazid’a a mba mbut ni sum mana mi.


Wani a mba le sunda mi an Ma didina Alo mazina, a mba le sunda mi David ma an mba ni tinim amula tua na mi.


Mi dala: Ni an ba ni man amul ma an tinim iram vama yam ahina man nda Siyon nda a tinit irat vata.


Agi tinigi humagiya, agi mbeyegi gevenu; agi humugiya, agi mba kagagi karid’a. An mba ni djin vun ma didina ki sed’egiya. Ni vun ma djin ma d’engzeng ma an djinim ki David-na.


Gola! An tinimî ma glangâsâ yam suma, ma tak lovota mi suma, ma te yam suma mi.


Ma didina mi dala: Ni sama adigagina ba, mba mi kak amul magina. Gagazi, ni sa magina ba, mba mi tagagi lovota. An mba ni hum lovota á hud’ï gevenu, kayam sama ding ma mba mi ve tam ad’enga á he tam mbei á hud’ï geven ma bei an yumina nga d’i.


Vama tagam lovota yam Jerusalem-ma mi nga ved’a abom ma ndjufâ. Mba mi he vuna mi suma tchi suma á tchi wulula, á min vama to gulumuna kä woina, á ndjar vama to gulumuna avun agre’â, á mbu andagad’a akulo ad’u azina, á ka azigar suma ayîna woi dudup mi.


An mba ni mbud’uzi andjaf ma tuna yam andaga mazid’a yam ahuniyô suma Israel-lâ, amul ma mba mi te kazina ni tu. Azi mba kak andjafâ mbà d’uo d’a, azi mba wal leud’a kä mbà d’uo mi.


Azong mana David mba mi kak amul mazina, azi pet a mba kak ki ma pola tu mi. Azi mba tit ad’u gat manda, azi mba ge yazi kä ad’u vun man ma hed’a, azi mba le sunda kazi mi.


Azi mba kak yam andaga d’a an hat mazong mana Jakob pa abuyozi ngolo a kak kuad’a. Azi tazid’a, grozina ki grozi ngolona a mba kak kua ki irazi fafat. Azong mana David mba mi tamula kazi gak didin mi.


Wani amulâ ni sama ngolâ, mi ndak á mba á te te ma a tinim iram vama avoronu. Mam mba mi kalï krovo ni ki vun agrek ma abo ma yorogona hi gong nga ngolina hol, mba mi nde woi ni ki vun agrek máma mi.


A mba he yina avun andaga d’a a tinit irat vat mi an Ma didinid’a kandaga d’a a mba min azì ma ngolâ hi Israel-lîna kuad’a mamulâ abo ma fladegena kabo ma yorogona mi. Andaga mam mba abo ma fladegenid’a mba d’i i gak ti dabï avun alum ma ngol ma Mediterane-na, andaga mam mba abo ma yorogonid’a mba d’i i gak ti dabï avun hagad’a hi Israel-lâ d’a avun alum ma Jurdê-nid’a. Fiyak mata nabo tat tu kandagad’a handjaf Israel suma dingîd’a.


Andagad’a ad’ut ta ara mba d’i arî mamulâ. Andaga mamba mba d’i yo hagad’a ni kandaga d’a a tinit irat vat mi Ma didinid’a ki yina hazì ma ngolîna abo hî abo hî mi. Abot ma tuna bubuwamî kilometred’a dogo yam mbà ki nusa, fiyagam mbi i gak tinï avun haga d’a abo ma yorogonid’a. Abot ma hina bubuwamî kilometred’a dogo yam mbà ki nusa, fiyagam mbi i gak tinï avun alum ma ngol ma Mediterane-na abo ma fladegena. Hina wani, andaga d’a a tinit irat vat mi Ma didinid’a ki gong mam mba kud’ora a mba ka’î aduk yi máma d’ad’ar.


Bugola, Israel-lâ a mba hulongî gen Ma didina Alo mazina, gen andjafâ hi David ma amul mazinina. Bur ma danana a mba mbeï avok Ma didina ki mandarâ yam djivi mam mba mi lata.


Ma didin ma ad’engêm kal petna mi dala: Ndak mbigeu d’a fiyaka, ndak ka man ma pola, ndak ka ndrana mi. Ndak ka ma pola, ar tumiyôna a b’rau woi yayak, an mba ni mbut iran yam suma gureina.


Ang dazi ala: Salad’a Ma didina mi dala: Kur bur ma adjeuna an man Israel-lâ, an hlabon akulo ni gun tan mandjafâ hi Jakob-ma, an tagazi tan ndei yam ambas sa Ezipte-d’a. An hlabon akulo ni gunuzi tan ala: An ni Ma didina Alo magina.


An dazi ala: Ar nge nge pî mi ar ahle suma ndjendje suma mam nga mi le d’od’oka kazina woyo, ar agi mbud’ugi tagi ndjendjed’a ki filei ma Ezipte-na d’i. An ni Ma didina Alo magina.


Swiv nou:

Piblisite


Piblisite