Ezekiyel 33:4 - Bible azumeina

⁴ le sama mi hum adif fa bud’a ko ba, mi gol tam ta, suma djangûna a mba tchumu ni, mi tchi tamî kabomu.

Ezekiyel 33:4 Referans Kwoze

Ezekiyel 18:13

le nga mi he va mi sa ki mbina, le nga mi hal mbina abo sana ni, gor máma mba mi kak karid’a zu? Mba mi kak karid’a d’i. Le nga mi le sun nda ndjendje d’a hina d’a ped’u ni, gagazi, a mba tchumu. Mi tchi tamî vamu.

Sunda hi suma a sunuzinid’a 18:6

Wani Juif-fâ a nga hum zla mamba d’i, a nga ngulumu. Kayam ndata, mi gas baru mama woyo, mi dazi ala: Le agi bagi woyo ni, ni tcho magid’a; zla nga kan ndi. Ki tchetchemba, an nga ni i ata andjaf suma dingâ.

Ezekiyel 33:9

Wani le ang ge hum ma asa’at máma á mbut hurum yam tit mamba ba, mi mbut nga hurum mbuo ni, mba mi mit kur sun mam mba ata yat tuo d’a, wani ang tang mba sut tangû.

Jeremi 6:17

An tin suma ndjola gevegi go. Agi tinigi humagi humugi tchina hadifina. Wani azi hulong dala: Ami min tin humami á humba d’i.

2 Sunda Hamuleinid’a 25:16

Kid’a mi nga mi de zlad’a tua d’a, Amasiya mi djobom ala: Na ni ni ami ba, tining á de d’alâ mi an amulâ zu? Ang ba vunangû! Ni kayam me ba, ang min ala a tong nge? Ma djok vun Alona mi ba vunamu. Bugol mi dum kua ala: An wala Alona mi nga hurum á tchang ngei kayamba ang le hina d’a. Ni kayam ndata ba, ang nga hum d’al ma an nga ni dangzina d’uo wana!

Ezekiyel 33:5

Mi mit ni yam tcho mamba, kayam mi hum adif fa ge humba, mi golot is. Ladjï mi golot is suo ni, mi sut ni tamu.

Jacques 1:22

Wani agi lagi sunda yam zlad’a hAlona d’a a dagizid’a, ar agi lobogi tagi á humba hawa go d’i.

Sunda hi suma a sunuzinid’a 20:26

Kayam ndata, an nga ni lagi glangâsâ ini, le sa adigagi ba woyo ni, zla nga kan ndi.

Zla d’a d’ogolâ 29:1

Sama suma a ngobom yazi ablaud’a nga mi hum vun nduo na, mba mi b’lak kei atogo zak. Kuma ma a mbud’um ki djivid’ina mi nga d’uo d’a.

1 Amuleina 2:37

An nga ni dang ngei avogo, bur tu le ang nde woi kur Jerusalem, ang djak toliyon nda Kedron-nda ni, an mba ni tchangû. Zla ndata ni kang angû.

Sunda hi suma hi Levi-nid’a 20:9

Sama lara ma yahlena yam abum azi kasuma, a tchum mbeyo. Buzuwam mba mi hulong kamu, kayam mi yahlena yam abum azi kasumu.

Jeremi 25:3

Tinï ad’ud’a kur biza d’a dogo yam hindi d’a Josiyas Amon goroma amul ma Juda-na nga mi tamulid’a dei gak ini, nda’î bizad’a dok mbà yam hindi, an ar nga bei ni dagi zla d’a Ma didina mi handji abonda d’i. Wani agi min humut ti.