Ezekiyel 33:31 - Bible azumeina

³¹ Azi mba tok geveng ablaud’a. Sum mana a mba kak kä avorongû. Azi mba hum zla manga, wani azi mba le sunda kat ti, kayam azi nga de zla d’a djivid’a ni ki vunazi abua, wani huruzi ni tinda yam fe mazid’a.

Ezekiyel 33:31 Referans Kwoze

Matiye 13:22

Ma mi nde aduk aweid’ina ni sama hum zlad’a, wani djib’era hi duniyad’id’a ki d’od’oka hi beged’id’a a hep zla d’a a yagat kurumba akulo ped’et bei le irâ.

Wana ni Zla d’a Djivi d’a Luc mi b’irita 11:28

Wani Jesus mi hulong dat ala: Suma a nga hum zlad’a hAlonid’a a nga ge yazi kä ad’utna, a mba le furîd’a kala.

Isai 29:13

Salad’a mi dala: Ata yima sum ndazina a nga hud’ï gevena, a suburun ni ki vunaziya. Wani huruzi ni woi dei ki sed’enu. Le d’a a nga lan mandaranda ni yam vun ma hed’a hi suma ma a had’azizina.

Ezekiyel 8:1

Kur biza d’a karagayad’a bugol la a yomi magombid’a, kur bur ma vahlâ hi til ma karagayana, ata yima an nga kaka kä hur aziyana, suma nglo suma Juda-na a nga kaka kä avoron mi. Salad’a Ma didina mi tin abom kanu.

Jeremi 44:16

Ami min hum zla d’a ang nga damizi ki simiyê Ma didinid’a d’i.

Isai 28:13

Zlad’a hi Ma didinid’a mba d’i mbut atazi ni hina: Vun ma hed’a yam ndram vun ma hed’a, vun ma hed’a yam ndram vun ma hed’a; gata yam ndrat gata, gata yam ndrat gata; ka hî nde, sä hî nde mi. Kayambala kur tit mazid’a a puk kazigazi a kuza d’a tala a nde kur dauna mi vazi kä ndindingû d’a mi.

Wana ni Zla d’a Djivi d’a Luc mi b’irita 10:39

Wiyeta nga, simiyêt ala Marie. Marie ti kak kä asem Salad’a á hum zla mamba.

Wana ni Zla d’a Djivi d’a Luc mi b’irita 8:21

Wani Jesus mi dazi ala: Asun azi ki b’oziyona ni suma a nga hum zlad’a hAlonid’a, a nga ge yazi kä ad’utna mi.

Efes-sâ 5:5

Agi wagi woi tetet ala sama mizeuna, sama le sun nda ndjendjed’a, sama le d’od’oka yam beged’ina, nala ma tuwal fileina, suma hina na a mba te leud’a hi Christ-sa kAlona d’i.

Sunda hi suma a sunuzinid’a 10:33

Ata yi máma na wat, an sundja kang wana, ang le djivid’a ang mba wa. Ki tchetchemba, ami pet nga ka hî avok Alona á hum ahlena pet suma Salad’a mi hang vuna kazi á ded’ina.

Wana ni Zla d’a Djivi d’a Luc mi b’irita 16:14

Fariziyêna a hum zla ndata pet, a ngulumu, kayam azi ni suma a le yam beged’ina.

Matiye 19:22

Wani kid’a azong máma mi hum zla ndatid’a, mi i ki hur ma zala, kayam mam mi sama ndjondjoîna.

Matiye 6:24

Jesus mi had’azi kua ala: Azong ma tuna mi ndak á le sunda mi suliyod’a mbà d’i, wani mba mi noî ma tuna, mba mi le yam ma dingâ mi, d’oze mba mi kak ki ma tuna, mba mi ar ma dingâ woi mi. Agi ndagagi á lagi sunda mAlona ki beged’a djak ki.

Ezekiyel 22:27

Mat suma nglo suma kurutna a ni d’igi ngû ma nga mi kizak vama mi vuma na. A nga tchi suma woi á ndak vun mbiyo mazi ma a nga fum ki lovod’om mbuo na.

Ezekiyel 14:1

Bur tu suma nglo suma Israel suma hiuna a mba gevenu, a kak kä avoronu.

Sawal la giled’a 119:36

Ang tinin hurun yam ahle suma fed’a d’i, wani ang tinin hurun ni yam vun mang ma hed’a.

Jeremi 12:2

Ang pazi ni angû. Sideyezi nga mi sir kä, a nga wula, a nga vud’a, a nga yang simiyêng ki vunazi burâ ki burâ, wani huruzi woi dei ki sed’engû.

Ezekiyel 22:13

Gola! An nga ni tchabon yam mbiyo ma tcho ma ang fuma ki mat ma ang tchum kurungâ.

Esdras 4:14

Kayam ndata, ami suma djinimi vunami ki sed’engâ, ami minimi d’ala sum ndazina a golong is zu d’a d’i. Ni kayam ndata ba, ami b’iring ki mbaktumba wana,

Isai 42:20

Ang wahlena ngola, wani ang djib’er nga kazi d’i; ang tin humang á humba, wani ang nga hum mbi.

Jeremi 42:21

Wani an nga ni vagizi ad’uzi ini, wani agi nga humugi dela hi Ma didina Alo maginid’a d’oze ahlena pet suma mam han vuna kazi á dagizina d’uo mi.