Ezekiyel 33:27 - Bible azumeina

²⁷ Wana ni zla d’a ang dazizid’a: Ang dazi ala: An Salad’a Ma didin ma bei matna ba na ni dala: Suma a ar kaka kur azì ma ngol ma b’lak keina, a mba tchaziya. Suma a nga kaka abagei kelâ, ambureina a mba vigiziya. Suma a nga kaka aduk agud’a kangra ahuniyônina, tugud’ei d’a tcho d’a tchi matna mba d’i tchazi mi.

Ezekiyel 33:27 Referans Kwoze

Jeremi 42:22

Ki tchetchemba, agi wagi woi tetet ala a mba tchagi avun ayî ma durâ, baktarad’a mba d’i tchagiya, tugud’ei d’a tcho d’a tchi matna mba d’i tchagi kur yima agi min á i kagagi kua máma!

1 Samuel 13:6

Israel-lâ a wala azi navun bad’a, kayam suma Filistê-na a hebezi ped’et. Kayam ndata, nge nge pî mi hal yi mam ma ngei tama, suma dingâ aduk ahuniyôna, suma dingâ aduk azlupa, suma dingâ kur golongeî suma adjeuna, suma dingâ kur yima ngeid’a teteng mi.

Ezekiyel 39:4

Ang ki azigar mangâ pet kandjaf suma pet suma a nga zlapa ki sed’engâ, agi mba pugugi kä yam ahuniyô suma Israel-lâ. An mba ni mbud’ugi ni tena handjaf aluweinina teteng ki ma hambureinina mi.

Ezekiyel 33:24

Ang gor sana, gola! Suma a ar kaka kur andaga d’a Israel la b’lak keid’a a nga dala: Abraham ni vam tu. Mi hlambasa djona. Ei suma ablau suma wana d’o d’a, a mba hei ambasa djona d’uo zu?

Jeremi 44:12

An mba ni yo suma Juda suma a ar suma a nga huruzi á i yam ambas sa Ezipte-d’a á kak sä kuana, an mba ni dabazi woyo. A mba puk kä kur ambas sa Ezipte-d’a, a mba tchazi avun ayîna, baktarad’a mba d’i tchaziya, a mba dap peyo, tin ad’ud’a ata gugureina gak mba yam suma nglona. A mba tchazi avun ayîna, baktarad’a mba d’i tchazi mi. A mba mbut ni vama ge vuna, vama atchapma, vama a golom isâ ki vama ngula mi.

Jeremi 41:9

Golong nga adjeu d’a Ismael mi tchuk mad’a suma mi tchazina kua gen Gedaliya-d’a, ni golong nga amulâ Asa mi kat ata yima mi dur ayîna ki Bäsa amul ma Israel-lîna. Ismael Netaniya goroma mi oyôt tei ki mad’a suma.

Isai 2:19

Suma a mba tchuk kur zul ahuniyôna, a tos tazi aduk andaga d’a gugud’upa kä dei á ring ngei dei abo mandarâ hi Ma didinina, abo wiled’a hi ngol mambid’a fata mi tchol akulo á mbut suma yam andagad’ina mandarîd’a!

1 Samuel 24:3

Saul mi yo suma a we durâ aduk Israel-lîna 3000, mi i á hal David ki sum mama gak ad’u ahina d’a ahu abeid’a nga d’i te kuad’a.

1 Samuel 23:14

David mi ar kaka ngeid’a abagei ata yima ngeid’a yam ahina d’a Zif-fa. Saul nga mi halam burâ ki burâ, wani Alona mi humzi nga abom mbi.

1 Samuel 22:1

David mi tchol Gat, mi i ngei tam kur zul ahina d’a Adulam-mba. B’oziyoma ki suma avo habuma pet a huma, a i gevemu.

Suma ka sariyad’a 6:2

Suma Madiyan-na a nga djop vun Israel-lâ ngola. Kayam ndata, Israel-lâ a i ngei tazi angra ahuniyôna, kur zul ahuniyôna akulo yam ahuniyô suma fuyogeina abo suma Madiyan-na.

Ezekiyel 14:21

Salad’a Ma didina mi de kua ala: Ladjï an sunï ngop man nda fid’id’a, nala, ayî ma durâ ki baktarad’a kamburei suma ayîna ki tugud’ei d’a tcho d’a tchi matna á ngop Jerusalem, á tchi suma woi ki d’uwarâ ni,

Sofoni 1:2

Ma didina mi dala: An mba ni b’lak ahle suma yam andagad’ina woi pet.