Ezekiyel 33:26 - Bible azumeina

²⁶ Agi dengêgi tagi ni yam ahle magi suma sïna, agi nga lagi sun nda ndjendjed’a, agi nga lagi mizeuna karopma hi ndroginina mi. Ni nana ba, agi mba hlagi ambasa djona ge?

Ezekiyel 33:26 Referans Kwoze

Sofoni 3:3

Suma nglo suma kuruma a ni d’igi azlo ma nga mi to breîd’ina na, mam suma ka sariyad’a a ni d’igi ngû ma mi nduwan fladege ma nga mi ar va akulo gak yorogo d’uo na na.

Ad’u Tinda 27:40

Ang mba te vunangî ki mbigeu mang nga fiyaka, ang mba le ni sunda mi wiyengâ, wani ata yima ang mba iya abo hî yang ngei vangâ, ang mba kus djuk mama woi kelengû.

Vama ndum mbeina 21:27

Wani vama ndjendjed’a d’oze sama le sun nda ndjendjed’a d’oze ma ka zlad’a, mba mi kal kur azì máma d’i, wani ni suma a b’irizi simiyêzi kur mbaktum mba arid’a hi Gor timinid’a hol.

Vama ndum mbeina 21:8

Wani suma mandarâ ki suma bei he gagazid’ina ki suma a le sun nda ndjendjed’ina ki suma tchi matna ki suma mizeuna ki suma ve kumana ki suma kud’or fileina ki suma ka zlad’a pet, yi mazi ma kaka ni kur apo d’a aku d’a bibiliu d’a ngal ki sufred’id’a, nala ni mat ma mbàna.

1 Pierre 4:3

Kayam atchogoi d’a kala, agi lagi nahle suma suma bei wAlona a minizina. Wani ndagagi wa da’, nala, gaulangâ, djib’er ra tchod’a, gurut ki süma, lü ma batranga, tche süma kahle suma ndjendje suma tuwal fileinina mi.

Ezekiyel 18:15

le nga mi tahle suma a hazi mi fileina yam ahuniyônina d’uo, le nga mi tin iram yam fileina hi Israel-lîna d’uo, le nga mi lop vun atchad’a hi ndramid’a d’uo,

Ezekiyel 18:6

Sama hina na nga mi tahle suma a hazi mi fileina akulo yam ahuniyônina d’i, nga mi tin iram yam fileina hi Israel-lîna d’i, nga mi lop vun atchad’a hi ndram ma azinid’a d’i, nga mi hut go gen atchad’a ata yima buzuna mi fatna d’i,

1 Samuel 2:30

Kayam ndata, an Ma didina Alona hi Israel-lîna an nga ni dangû: An hle vunan adjeu mi suma habungâ ki sum mangâ ala: Agi mba kagagi ni man suma ngat buzuna gak didin. Wani ki tchetchemba, an nga ni dang ngei mbak ala: Nga na d’uo d’a! An nga ni he ngola mi suma a nga han ngolina; wani suma a nga golon isâ, an mba ni golozi is mi.

Sunda hi suma hi Levi-nid’a 20:22

Ar agi ngomogi gat manda pet ki vun man ma he ma tetengâ mi, agi lagi sunda kamu, kayam ambas sa an hagizi á kaka kua wanda, ti noyôgi woi d’i.

Sunda hi suma hi Levi-nid’a 20:13

Le sana mi bur ki mandjufâ d’igi a bur katchad’ina ni, a le nahle suma ndjendjed’a; a tchazi woyo. Buzuwazi mba mi hulong kaziya.

Zla d’a d’ogolâ 6:29

Sama mi kal ad’u atchad’a hi ndramid’a, mi hle tamî hina dedege; sama lara ma mi dotna, zlad’a nga d’i ba bei vum mbi.

Jeremi 41:7

Wani ata yima a mbaza hur azì ma ngolîna, Ismael Netaniya goroma ki suma zlapa ki sed’ema a tchaziya, a tchuguzi mad’azi kur golong nga adjeud’a.

Ndumba 5:13

le sama dingâ mi le mizeuna ki sed’et gumun bei ndjuvut mi we ti mbut tat ndjendjed’a bei sa wad’u, le sana mi vat nga kua d’uo,

Ndumba 5:29

Wana ni gat ta yam djib’er ra mbàmbàd’id’a, ata yima atchad’a ti b’lak tat ti bur ki sama dingîna,

Jeremi 7:9

Ni me na ge? Agi nga kulugiya, agi nga tchagi matna, agi nga lagi mizeuna, agi nga gunugi tagi ir gurzula, agi nga hagi dubang ma his djivid’ina mi Bäl, agi nga zlabagi kalo ma ding ma agi wum nga d’uo na.