Ezekiyel 33:21 - Bible azumeina

²¹ Kur biza d’a dogo yam mbàd’a bugol la a yomi magombid’a, kur bur ma vahlâ hi til ma dogonina, sama mi sud’ï woi avun ayîna kid’a a hle Jerusalem-mbina mi mba mi dan ala: Azì ma ngolâ a hlum wa!

Ezekiyel 33:21 Referans Kwoze

Ezekiyel 1:2

Ni kur bur ma vahlâ hi tilîna, ni biza d’a vahl hla a i kamulâ Jojakin magombid’a.

Ezekiyel 40:1

Kur biza d’a dok mbà yam vahla bugol la a yomi magombid’a, kur bur ma dogona hi til ma avo’îna, Ma didina mi tin abom kanu. Ni kur biza d’a dogo yam fid’id’a bugol b’lak ka a b’lak Jerusalem mbeid’a.

Ezekiyel 32:1

Kur biza d’a dogo yam mbàd’a bugol la a yomi magombid’a, kur bur ma avo’â hi til ma dogo yam mbànina, Ma didina mi dan ala:

2 Amuleina 25:10

Azigar suma Babilon-na pet suma a nga zlapa ki ma ngolâ hi suma a ngom yinina, a hô gulumun ma ngui Jerusalem-ma kä woi ki zla tam pepet.

2 Amuleina 25:4

Azigar suma Babilon-na a tcho ir gulumuna hazì ma ngolîna. Suma Juda suma dur ayîna a ring pet, a buzuk kei kur azì ma ngolâ kandjege dangâla ki lovot ta avun agrek ma aduk gulumun ma mbànina, go kasinena hamulîna, a hle lovot ta i Araba-d’a. Ata yi máma azigar suma Babilon-na a nga nguid’a yam azina.

Jeremi 40:1

Bugol la Nebuzaradan ma ngolâ hi suma a ngom yinina mi ge Jeremi akulo woi avo Rama-d’a, Ma didina mi de zlad’a mi Jeremi. Ata yima Nebuzaradan mi gum akulona, mi fumï ni djinda kä ki kindjingâ aduk suma Jerusalem-ma ki suma Juda-na pet suma a nga i ki sed’ezi Babilon-na.

Ezekiyel 24:1

Kur biza d’a zlengîd’a bugol la a yomi magombid’a, kur bur ma dogona hi til ma dogonina, Ma didina mi dan ala:

Ezekiyel 24:2

Ang gor sana, ang b’ir bur ma inina kä. Amul ma Babilon-na nga mi ngui Jerusalem ini baba.

Ezekiyel 31:1

Kur biza d’a dogo yam tud’a bugol la a yomi magombid’a, kur bur ma tuna hi til ma hindinina, Ma didina mi dan ala:

Ezekiyel 32:17

Kur biza d’a dogo yam mbàd’a bugol la a yomi magombid’a, kur bur ma dogo yam vahlâ hi til ma dogo yam mbànina, Salad’a mi dan ala: