Ezekiyel 33:13 - Bible azumeina

¹³ Le an de mi ma d’ingêrâ ala: Ang mba kak karid’a, wani le mi tin hurum yam d’ingêr mam mba mi lat adjeud’a ala: Ti ndaga, mi le tchod’a ni, an mba ni djib’er yam sun mam mba d’ingêr ra mi lat adjeud’a d’i. Mam mba mi mit yam tcho mam mba mi lata.

Ezekiyel 33:13 Referans Kwoze

Ezekiyel 18:24

Wani le sama d’ingêrâ mi ar sun mam mba d’ingêra woi mi le sun nda ndjendje d’a sama asa’atna nga mi lata ni, mam mba mi kak karid’a zu? Sun mam mba d’ingêra pet a mba ndumumzi kam mbi. Wani yam sun nda ata yat tuo d’a ki tcho d’a mam he tam kat á led’id’a, mba mi mit tei kad’u.

Hebre-na 10:38

Sa man ma d’ingêrâ mba mi kak karid’a ni yam he gagazid’a. Wani le mi hulong bugolo ni, tan mba d’i lan djivid’a kam mbi.

Ezekiyel 18:4

Gola! Arid’a hi suma pet ni hur abonu. Arid’a habud’id’a ki d’a hi gorîd’a dja’î hur abonu. Ma nga mi le tchod’ina ni ma mba mi mitna.

Ezekiyel 3:20

Wani le sama d’ingêrâ mi ar sun mam mba d’ingêra woyo, nga mi le sun nda ata yat tuo d’a ni, an mba tinim vama dap asema avoromu, mi mba mid’a. Kayam ang gum nga humam mbuo, mba mi mit kur tcho mamba, an mba ni djib’er yam sun mam mba d’ingêr ra mi lata d’uo d’a, wani an mba ni djobom mad’am natang angû.

1 Jean 2:19

Gagazi, sum ndazina a nga ni meina d’i. Ni kayam ndata ba, azi wal ki sed’ei wana. Ladjï azi nga ni meina ni, azi nga ni kaka ki sed’eya. Wani azi wal wa ki sed’eya, kayam ei wei tetet ala azi nga ni meina d’i.

Filip-ma 3:9

á fan zlapa tu ki mamu. Ni yam d’ingêr manda á ge yan kä ad’u gata d’i, wani ni yam d’ingêr ra an he gagazid’a yam Christ-sa. Ni d’ingêr ra tcholï ata Alona yam he gagazid’id’a.

Romê-na 10:3

Azi we nga d’ala Alona ni sama mi mbut suma d’ingêra d’a d’i. Azi nga hal á tin d’ingêr mazid’a yam taziya. Ni hina ba, azi ge nga yazi kä ad’u minda hAlo ma mbut suma d’ingêra d’i.

Ezekiyel 18:26

Le sama d’ingêrâ mi ar sun mam mba d’ingêra woyo, le mi le sun nda ata yat tuo d’a, le mi mid’a ni, mi mit ni yam sun mam mba ata yat tuo d’a mi lata.

Ezekiyel 33:18

Wani le sama d’ingêrâ mi ar sun mam mba d’ingêra woi mi le tchod’a ni, mba mi mit yam tcho ndata.