Ezekiyel 33:11 - Bible azumeina

¹¹ Ang dazi ala: An Salad’a Ma didin ma bei matna ba na ni dala: An min nga d’ala sama tchona mi mid’a d’a d’i, ar mi mbut hurum yam tcho mamba, ar mi kak karid’a. Agi hulongôgiya, agi hulongôgi woi kur sun magi d’a tchod’a. Agi Israel-lâ, ni kayam me ba, agi tchagi tagi woi ge?

Ezekiyel 33:11 Referans Kwoze

1 Timote 2:4

ni Ma mi min ala suma pet a fe suta a we gagazid’a mi na.

Ezekiyel 18:23

Salad’a Ma didina mi dala: Na ni an min ala ma asa’atna mi mid’a zu? An min ala mi djok tit mamba mi kak karid’a.

2 Pierre 3:9

Salad’a nga mi le lilinga á le vama mam hle vunam kama d’igi suma dingâ a djib’er na d’i. Wani mi ve tamî kagiya, kayam mi min ala sa tu mi ba woi d’i, wani mi min ala suma pet a mbut huruzi yam tcho mazid’a.

Sunda hi suma a sunuzinid’a 3:19

Kayam ndata, agi mbud’ugi hurugi yam tcho magid’a, agi hud’ugi gen Alona mi, kayam mi hazagi tcho magid’a woyo.

Zla d’a d’ogolâ 8:36

Wani sama mi lan tchod’ina, mi le ni tam tchod’a; suma pet suma a noyôna, a min ni matna.

Wana ni mbaktumba hi Oze-d’a 14:1

Agi Israel-lâ, agi hulongôgï gen Ma didina Alo magina, kayam agi pugugi kä yam tcho magid’a.

Zla d’a d’ogolâ 1:23

Agi hulongôgï á hum ngop manda. Gola! An mba ni vogi muzuk mana kagiya, an mba ni tagagi zla manda mi.

Jeremi 3:22

Agi suma bei hum vuna, agi hulongôgïya, an mba ni sud’ugi woi kur tcha tata magid’a. Israel-lâ a hulong dum ala: Ami nga imiza gevengû, kayam angî Ma didina Alo mamina.

Wana ni mbaktumba hi Oze-d’a 11:8

Agi suma Efraim-ma, an ndak á aragi woi zu? Agi Israel-lâ, an ndak á noyôgi woi zu? An ndak á le ki sed’egi d’igi an le ki Atma ki Seboyim na zu? Hurun mi b’lak yam zla ndata, hurun mi zal ngola mi.

Ezekiyel 14:6

Kayam ndata, ang i de mi Israel-lâ ala: Salad’a Ma didina mi dala: Agi mbud’ugi hurugiya, agi hagi azigagi mi filei magina, agi aragi sun magi d’a ndjendje d’a lara ge pet tei mi.

Hor ma tchina 3:33

Nga ni min mamba ba, mi hulong sana yam kä, mi gat grong suma d’uo mi.

2 Samuel 14:14

Gagazi, ei mba boi d’igi mbiyo ma a vom kä ma mi sid’am kä ma sana nga mi fe lovota á gulum mbuo na na. Alona nga mi hulong tchol sama matna akulo d’uo d’a. Wani mi min ala sama a kengêmza woi avoroma, mi arza kaka ata yi máma d’i.

Daniel 9:13

D’igi a b’irit zlat kur gata hi Moise-sa na, ndak ndata ti mba wa kami pet. Hina pet pî, ami hulongômi nga yami kä avorong ang Ma didina Alo mamina d’i. Ami arami nga tcho mamid’a woi d’i, ami kami nga ir gagazi manga woi d’uo mi.

Ezekiyel 5:11

Ni kayam ndata ba, an Salad’a Ma didin ma bei matna nga ni dagiya: Kayamba agi mbud’un yi man ma an tinim iram vama ndjendjed’a ki filei magina pet ki sun magi d’a ndjendjed’id’a, an tanda mba ni hle iran ndei kagi bei ni wagi hohowogiya, an mba ni ngobogi bei ni wagi hohowogi ba mi.

Sunda hi suma a sunuzinid’a 26:20

Wani an tchi wal zla ndata adjeu mi suma Damas-sâ, mi suma Jerusalem-ma, mi suma Jude-na pet kandjaf suma dingâ mi. An tchazi wala kayam azi mbut huruzi yam tcho mazid’a, a hud’ï gen Alona, a le sunda ndak yam mbut hur mazina.

Ndumba 14:21

Wani gagazi, an ni Ma bei matna, subur manda mba d’i oî yam andagad’a pet mi.

Isai 49:18

Ndak hle irak akulo, ndak gol lei kengêk hina. Suma pet a toga, a nga djï gevegu. An Ma didin ma bei matna, ni de na. Ndak mba tchuguzi atak pet d’igi sana mi tchuk ahlena atam na. Ndak mba djinizi atak d’igi gor wei d’a a kata nga d’i tchuk ahlena atat na.

Jeremi 46:18

An amul ma simiyên ala Ma didin ma ad’engên kal petna na ni dala: An gun tan ki an ma bei matna ala: Ma djangûna nga djï d’igi Tabor ri nga akulo aduk ahuniyôna na, d’igi Karmel li nga akulo avun alum ma ngolâ na mi.

Jeremi 22:24

Ma didina mi dala: Ang i de mi Jekoniya Jojakim goroma amul ma Juda-na ala: An gun tan ki an Ma bei matna ba na. Ang ladjï ni d’igi ngangam ma nga ata abon ma ndjufîna hina pî, an mba ni pad’ang ngeyo.

Ndumba 14:28

Agi dazi ala: Ma didina mi dala: Gagazi, an ni Ma bei matna, an mba ni lagi d’igi agi guruyôgi human na.

Sofoni 2:9

Kayam ndata, an ma bei matna Ma didin ma ad’engên kal petna, Alona hi Israel-lîna, ni dala: Mowap mba d’i mbut ni d’igi Sodom na, Amon mba d’i mbut ni d’igi Gomor na. Yazi mba mi se kekerezeuna, mba mi mbut ni zul la a djugot ndjuvuna kuad’a, mba mi arî djona ki iram fafat. Sum mana ad’uzi d’a ara a mba hurumuziya, andjaf man suma a mba ar nde na a mba hlambas mazid’a mi.

Romê-na 14:11

Kayam mbaktumba hAlonid’a ti dala: Ma didina mi dala: An ni Ma bei matna. Kayam ndata, suma pet a mba tchuk guguvazi kä avoronu, a mba de woi ala an nAlona mi.

Ezekiyel 16:48

An Salad’a Ma didin ma bei matna nga ni dagu: Wiyeka Sodom ki grot suma aropma a le nga tcho d’a ndak ki grok suma aropma lagizid’a d’i.

Wana ni mbaktumba hi Job-pa 37:23

Ei ndak á tchei sä ata Ma ad’engêm kal petna d’i; ad’eng mamba ti kal heî, d’ingêr mamba ti kal heî mi, wani hina pet pî nga mi le ir sa d’i.

Jeremi 3:12

Ang i de woi yam zla ndata ki deleng akulo abo ma norâ ala: Ma didina mi dala: Agi Israel suma tchagi tatana, agi hulongôgïya. An mba ni d’us iran atagi d’i, kayam an ni sama od’a, an mba ni vagi kurun baba d’i. An Ma didina ni de na.

Jeremi 44:7

Jeremi mi de kua ala: Ki tchetchemba, Ma didina Alo ma ad’engêm kal petna, Alona hi Israel-lîna, mi dala: Ni kayam me ba, agi lagi tagi tchod’a ngola á dabagi andjofâ, aropma, kemba ki gugurei suma tchapona woi kur Juda tala sa adigagi tu pî mi ar ruo d’a ge?

Joel 2:12

Ma didina mi dala: Ki tchetchemba, agi hulongôgï geven ki hur ma tuna, agi d’elegi tagi bei te tena, agi tchigiya, agi gagi horâ mi.

Sawal la giled’a 51:15

An mba ni hat zla manga mi suma a tchila yam gatina, suma tchona a mba hulongî gevengû.

Isai 21:12

Ma ndjola mi hulong humba ala: Yorogod’a nga d’i mba, wani andjeged’a ti nga tua. Le agi min humba ni, agi mbeyegï bur ma dingâ.

Jeremi 44:8

Ni kayam me ba, agi zalan hurun ki sun nda agi lat kabogid’a á ngalagi dubang ma his djivid’ina malo ma ding ma yam ambas sa Ezipte d’a agi mba á kagagi kua á dabagi tagi woi á mbud’ugi tagi vama ge vuna ki vama zulona aduk andjaf suma yam andagad’ina ge?