Ezekiyel 32:2 - Bible azumeina

² Ang gor sana, ang tchi horâ yam Faron amul ma Ezipte-na, ang dum ala: Ang hle tangî d’igi gor azlona na aduk andjaf suma, angî d’igi hurum ma nga kä kur alum ma ngolîna na. Ang nga djang kä kur alum mangâ, ang nga mbut mbina dodopa kasengû, ang nga sulul abil mama akulo.

Ezekiyel 32:2 Referans Kwoze

Ezekiyel 29:3

Ang dum ala: Salad’a Ma didina mi dala: Ang Faron amul ma Ezipte-na, gola! An nga ni dur ki sed’engû, ang hurum ma ngol ma nga burâ kä kur aluma ma nga dala: Alum ma Nil-lâ ni mana, ni an ba ni lumu na.

Ezekiyel 27:2

Ang gor sana, ang ge horâ yam azì ma ngol ma Tir

Ezekiyel 38:13

Suma Seba-na ki suma Dedan-na ki suma mbut abozi suma Tarsis-sâ ki suma a nguyuzina pet a mba djobong ala: Ang mba ná yo ahlena zu? Ang tok azigar ndazina ná hurumba, ná yo kawei ma hapma ki lora ki d’uwar mazina ki ndjondjoî mazid’a á oî ahlena abong ngola zu?

Ezekiyel 34:18

Na ni ni vama yâna iragi á te hatna ata yima te hat ma djivina ba, agi i mired’egi hat magina ad’um mba ara kä kasegi zu? Ni vama yâna iragi á tche mbiyo ma d’igila ba, agi i mbud’ugi ma arâ dodopa kasegi zu?

Ezekiyel 32:16

Salad’a Ma didina mi dala: Wana ni hor ma tchi ma gro aropma handjaf suma a mba tchim yam Ezipte-na kablau mazid’a petna.

Ezekiyel 28:12

Ang gor sana, ang tchi horâ yam amul ma Tir-râ, ang dum ala: Salad’a Ma didina mi dala: Angî vama taka yam ndak ka memeta ki ne mang nga kal heîd’a, sama djif d’igi ang na na nga d’uo mi.

Jeremi 4:7

Gola! Azlona mi nde woi kur domi mama. Ma b’lak andjaf suma mi nde wa woi avo hatam á b’lak suma, nga mi djï á b’lak ambas magid’a woyo, á to azì magi ma nglona kä woi ndjandjap, a mba fe sama kak kur ri.

Isai 27:1

Kur bur máma Ma didina mba mi hle mbigeu mam mba ngol la ad’eng nga fiyaka á ngop kambur ma a yum ala Leviyatan gugui ma djang heîna, d’oze Leviyatan gugui ma gunda. Mam mba mi tchi dragon ma nga kä kur alum ma ngol mámina woyo.

Ezekiyel 32:18

Ang gor sana, ang tchi yam suma ablau suma Ezipte-na, ang zud’uzi kä, zlapa ki gro aropma handjaf suma ad’engîna kä ad’u andagad’a, zlapa ki suma a i kä azuleina.

Ezekiyel 27:32

Kur ndak mazid’a a mba yor tazi kangû, a mba tchi kang ala: Ni nge mi hle tam d’igi Tir azì ma ngol ma mi b’lak kei kur alum ma ngolâ wana na ge?

Jeremi 46:8

Ni suma Ezipte-na ba, a nga hop akulo d’igi mbiyo alum ma Nil ma nga mi sulul lei d’igi alum ma djangâ na na. A nga dala: Ami mba hobomi akulo, ami mba hlubumi andagad’a kä, ami mba b’lagami azì ma nglona woi ki suma kuruma mi.

Jeremi 9:18

Ar a b’at tazi á tchi horâ ki delezi akulo keya, ar simina mi djang ireya, ar bizei ma ireina mi lap ki simina.

Isai 51:9

Ma didina, ang zlit akulo atogo zak kad’eng manga, ang zlit akulo d’igi ang zlit adjeu kur atchogoi d’a kal lei dedeid’a na. Ni ang ba, tchi ambur ma Ezipte-na, ang tchok ambur ma a yum ala Dragon ma kur alum ma ngolîna mbilâ mi d’uo zu?

Zla d’a d’ogolâ 28:15

Sama asa’at ma nga mi te yam suma kid’akina, mi ni d’igi azlo ma nga mi tchina d’oze ambur urs ma nga mi hal tena abo meid’ina na.

Ndumba 24:9

A grif a bur kä d’igi azlona na d’igi azlod’a na mi. Ni nge ba, mba mi tcholozi akulo ge? B’e vuna nga yam sama b’e vuna kangâ, vun ma ged’a nga yam sama gang vunina mi.

Ad’u Tinda 49:9

Ang Juda gorona, angî d’igi azlo ma azong ma tcholï ata yima nduwandina na. Mi tchuk guguvam mi bur kä; sama mba mi tcholom akulo ni nge ge?

Matiye 7:24

Jesus mi had’azi kua ala: Kayam ndata, sama lara ma hum zla man nda an data ma le sunda katna, mi hle tamî d’igi sama ne ma mi min aziyam yam ahinad’ina na.

Wana ni mbaktumba hi Job-pa 7:12

An nalum ma ngolâ d’oze ambur ma aduk mbina ba, ang tinin suma ndjola kan ndju?

Zla d’a d’ogolâ 25:26

Sama d’ingêr ma zlak avok sama asa’atnina, mi ni d’igi golong nga lau d’a ti mbut dodopid’a na, d’oze d’igi ir mbiyo ma lau ma mbut hisîna na mi.

Jeremi 46:7

Ni nge ba, mi hop akulo d’igi alum ma Nil ma mbiyom nga mi sulul lei d’igi alum ma djangâ na na ge?

Ezekiyel 26:17

A mba ge horâ kang ala: Ni me ba, ang b’lak kei hina ge? Ang azì ma suma djang kur alum ma ngolîna a nga kaka kurungâ, ang azì ma ngol ma simiyêng nde yina ma nga kad’enga yam alum ma ngolîna, ang ma suma a nga kaka kurung suma a nguyuzina a nga le mandarâ abozina.

Ezekiyel 29:15

Leu mazid’a mba d’i hulong yat kä ad’u leu d’a dinga, a mba hle yazi akulo yam andjaf suma d’uo d’a, an mba ni feyêzi kayambala azi te yam andjaf suma ding nguo d’a.

Wana ni mbaktumba hi Job-pa 41:23

Ata yima nga mi djang akulo yam mbinina, nga mi ngo lovota blogomu, ti wile mi. Mbiyo máma nga mi wile hapa d’igi abusa na.

Zla d’a d’ogolâ 30:30

Azlo ma ni ngola hahle suma abageina ma nga mi didak kazigam abo va d’uo na;