Ezekiyel 31:8 - Bible azumeina

⁸ Agu sedre ma kur asinena hi an Alonina pî ma mi kalama nga d’i, agu sipre ma nga tam kaboma nga d’i, agu platan ma nga d’igi abom hina na nga d’uo mi. Agu ma kur asinena hi an Alona ma mi nga tam ki sed’em ki djifîna mi nga d’uo.

Ezekiyel 31:8 Referans Kwoze

Ezekiyel 28:13

Ang nga kur Eden asinena hi an Alonina, ang tchuk ahina d’a guzut kal tegles sa lara ge atangû, nala, d’a sarduwanda, d’a topasa, d’a diyamanda, d’a krisolita, d’a onisa, d’a jasped’a, d’a safira, d’a eskarbukled’a, d’a emerota ki lora. Daliyâd’a ki taulâd’a a nga lang sunda. A minizi kangî kur bur ma a langâ dei.

Isai 51:3

Ma didina mi we hohowa Siyon, mi we hohowa yi mat ma b’lak keina, mba mi min asine ma djivi ma kalâ ata yi mat ma mi mbut d’igi fulâ na na, mba mi min asine ma d’igi Eden na na ata yi mat ma so ma gangras máma. Ni kua ba, a mba hum del la sor ra furî d’a kal lei nded’a ki sawal la giled’a ki del la hle sawala mi.

Sawal la giled’a 80:10

Ang minit yina avorod’u; sideyet mi sir kä, ti hle ambasa pet.

Ad’u Tinda 13:10

Lot mi hle iram akulo, mi gol yam andaga d’a Jurdê-d’a gak Sowar, mi wat mbina nga kua ngola. Ti ni d’igi asinena hi Ma didinina na, ni d’igi andaga d’a Ezipte-d’a na, kayam Ma didina nga bei b’lak Sodom ki Gomor rei tua.

Ezekiyel 31:18

Ang hle tangî kagu me ma subur ma ngol ma aduk agu ma Eden-na ge? A mba zud’ung kä kagu ma Eden-na kä ad’u andagad’a. Ang mba bur kä aduk suma bei ngat bayâd’a zlapa ki suma a tchazi avun ayînina. Wana nahle suma a mba yam Faron kablau mambina. An Salad’a Ma didina ni de na.

Ezekiyel 31:16

Ata yima an zud’um kä na, andjaf suma mi zlak abo tchi máma. Ata yima an ni im kä azulei zlapa ki suma a i kä azuleina, agu ma kur Eden-na pet, ma djifâ ki ma djivi ma kal tegles ma Liban-na kaguna pet ma nga mi tche mbinina, huruzi mi b’leng kä ad’u andagad’a.

Sawal la giled’a 37:35

An we sama asa’atna mi nga tchola ad’enga, nga mi ruî woi d’igi agu ma ngulom ma nga tchola ata yima mi deî kuana na.

Vama ndum mbeina 2:7

Sama nga ki humbina, ar mi hum vama Muzu’â hAlonina nga mi dum mi Tokina. Suma a mba kus ayînina, an mba tinizi á te vud’agu ma he ari ma nga kur asinena hAlonina.

Sawal la kal teglesa 5:15

Asemî d’igi agu ma murgulina hahina d’a a yat ala marbre d’a hapa ma a nigim kä kur lor ra kal teglesid’a na. Iram mba gola ni d’igi ahuniyô suma Liban-na na, ti vat zenen d’igi agu sedrena na mi.

Ezekiyel 31:3

Gola! Suma Asiri-na ni d’igi agu sedre ma Liban ma abom mi djif heî ma d’ufa gugulî ma wul fiyaka gak yam mbi do d’ugulina na.

Ezekiyel 31:7

Mi djif ki fiyak mamba heî, abom mi ruî woi ruruî, kayam sideyem mi i kä aduk mbiyo ma pûpûndjîna.