Biblia Todo Logo
Bib sou entènèt

- Piblisite -




Ezekiyel 31:6 - Bible azumeina

6 Aluwei suma akulona pet a min aziyazi ata abomu, amburei suma abageina pet a vut grozina kä ad’umu, andjaf suma pet a mba a kak kä ad’u anguzamu.

Gade chapit la Kopi




Ezekiyel 31:6
10 Referans Kwoze  

Iram mbi gugureid’a kal ir ahlena pet, wani ata yima mi wul ngolina, mi mbut d’igi aguna na, gak aluweina a mba kak ata abomu, a min aziyazi kua mi.


An mba ni pum akulo yam ahina d’a fiyak ka Israel-la, mba mi ruî abom mbeyo, mba mi vud’a, mba mi mbut nagu sedre ma djivina. Andjaf aluweina pet a mba kak kä ad’umu, a mba kak kä ad’u anguzu abomu, a mba tuk taziya.


Agu máma humam mbi d’uf djifâ heî, mi vut ngola duhû, mi he tena mi suma pet. Ahle suma abageina a kak ad’u anguzumu, aluwei suma akulona a kak ata abom mi.


Humam mbi d’uf djifâ heî, mi vut duhû mi. Nga ni he tena mi suma pet. Ahle suma abageina a nga kaka ad’u anguzumu, aluwei suma akulona a nga kaka ata abomu. Ahle suma arina pet a fe te mazina atamu.


Wani ata yima sana mi gum kä na, mi deyâ, mi wul ngola d’igi aguna na, mi ruî abom mbei ngola, gak aluweina a mba kak ata abomu, a min aziyazi kua mi.


Mi djif ki fiyak mamba heî, abom mi ruî woi ruruî, kayam sideyem mi i kä aduk mbiyo ma pûpûndjîna.


Aluwei suma akulona pet a mba kak ata abom ma kus kä woina, amburei suma abageina pet a ka domina kä ad’u abomu.


Suma a nga kaka kä ad’u anguzam aduk andjaf sumina, a i kä azulei ki sed’em gen suma a tchazi avun ayînina.


Vama nde tam mbei iran kur muzugana ba wana: Ata yima an nga burâ yam azang manina, an wagu ma fiyak ma geremendena mi nga tchola yam andagad’a.


Ni kua ba, aluweina a nga min aziyaziya, alei sïna nga mi min aziyamî hum agu siprena mi.


Swiv nou:

Piblisite


Piblisite