Ezekiyel 31:14 - Bible azumeina

¹⁴ A le hina ni kayambala agu ma avun mbina ma mi tche mbina heîna, mi wul gak yam mbi do d’ugula d’oze mi subur tam yam fiyak mamba d’uo d’a, kayam aguna pet a lum ná matna d’igi suma na, a mba i kä ad’u andagad’a gen suma a i kä azuleina.

Ezekiyel 31:14 Referans Kwoze

2 Pierre 2:6

Alona mi ka sariyad’a yam azì ma Sodom-ma ki ma Gomor-râ, mi ngalam mbei kakud’a, kayam mi arî vama simata mi suma a min le tchod’ina.

1 Korente-na 10:11

Ahle ndazina a mba kazi hina, ni vama taka mi suma dingâ. A b’irizi kur mbaktumba hAlonid’a á gad’ei ei suma atchogoi d’a dabid’a ti mba keina.

Ezekiyel 26:20

An mba ni gang kä kur zul la yiyika gen suma mat suma a nga kä adjeu dedeina. Ang mba ar kaka kä ad’u andagad’a d’igi suma a b’lak kei dedeina na, zlapa ki suma mat suma a bo avorongâ, ang dok djagï akulo á kaka aduk suma a nga ki irazi yam andagad’ina d’uo d’a.

Sawal la giled’a 82:7

Wani agi mba bogi ni d’igi suma na, agi mba pugugi ni d’igi ma ngol ma lara pî hina mi.

Nehemi 13:18

Abuyogi ngolo a le ni hina ba, Alo meina mi mba ki ndak ka wanda kei kazì mei ma ngolâ mi d’uo zu? Agi nga b’lagagi bur ma sabatna á zalam hurum yam Israel-lâ d’ei zu?

Hebre-na 9:27

Alona mi dala sama lara pî mi mit yam tu, bugol mi kam sariyad’a kamu.

Daniel 4:32

A mba diging ngei aduk suma, ang mba kak aduk ahle suma abageina, a mba hang asuna á ted’a d’igi amuzleina na. Ang mba kak hina gak bizad’a kid’iziya, gak ang mba wala Alo ma sä akulo ma kal teglesâ nga mi te yam leu d’a yam andagad’id’a pet, nga mi hat mi sama mam hurum minima.

Ezekiyel 31:18

Ang hle tangî kagu me ma subur ma ngol ma aduk agu ma Eden-na ge? A mba zud’ung kä kagu ma Eden-na kä ad’u andagad’a. Ang mba bur kä aduk suma bei ngat bayâd’a zlapa ki suma a tchazi avun ayînina. Wana nahle suma a mba yam Faron kablau mambina. An Salad’a Ma didina ni de na.

Gat ta a hat á mbàd’id’a 21:21

Ata yi máma suma kur azì mam ma ngolîna pet a durum kahinad’a, a tchum mbeyo. Hina wani, agi mba d’elegi tcho d’a led’a woi adigagi kayambala Israel-lîna pet a huma, a le mandarâ d’a.

Gat ta a hat á mbàd’id’a 13:11

Hina wani, agi Israel-lâ pet, agi mba hum zla ndata, agi mba lagi mandarâ; sa mba mi le andjaf tcho d’a hina d’a adigagi d’uo d’a.

Matiye 11:23

Agi suma Kapernayum-ma, agi djib’eregi kurugi ala a mba yogi gak igi akulo zu? Alona mba mi tchugugi kä woi azul leyo. Kayam an ladjï le sun nda ndandala aduk suma Sodom-ma d’igi an lat adigagi na ni, Sodom mbi nga gak ini tua.

Efes-sâ 4:9

Wani zla d’ala mi tup akulod’a, ad’ut nana ge? Nala, mi surop kä kur yima yiyik ma handagad’ina avok tua.

Ndumba 16:30

Wani le Ma didina mi le vama sana humum nga zlam yam tu d’uo na, le andagad’a ti mal vunat ti ligizi kahle mazina pet a i azulei kä karid’a ni, ata yi máma agi mba wagi ala sum ndazina a golî Ma didina is.

Ndumba 16:33

Sum ndazina a i azulei kä ki irazi arid’a kahle mazina pet. Andagad’a ti tchine woi kaziya; a vit tei aduk ablaud’a hi Israel-lîd’a.

Amos 9:2

Le azi kal kä ata yima azuleina pî, an mba ni i kua ni yoziya; le azi dja’î akulo pî, an mba ni tchuguzi asezi kä.

Jonas 2:2

Jonas mi nga kur kulufâ, mi tchen Ma didina Alo mama.

Jonas 2:6

Mbina mi mban kelen ta, alum ma ngolâ mi hlubunu, tchereuna mi heben yan kä mi.

Isai 14:15

Wani a zud’ung wa kä ata yima azuleina ad’u zula ad’ut ta dabi d’a yiyika.