Ezekiyel 31:12 - Bible azumeina

¹² Andjaf suma ding suma asa’at mazid’a kal ndrozinina, a kam a gum mbeyo. Abom mi nde kä yam ahuniyôna kur hor ra lara ge pet, abom mi kus kä woi kur b’irlim ma yam ambasina. Suma yam andagad’ina pet a buzuk kei ad’u anguzamu, a aram mbeyo.

Ezekiyel 31:12 Referans Kwoze

Ezekiyel 28:7

gola! An nga ni mba kandjaf suma dingâ á durungû. Ni suma asa’at mazid’a kal la hi ndrozinid’a. Azi mba kang ne mang nga kal teglesa woi ki mbigeu mazi d’a fiyaka, a mba mired’eng subur manga kä mi.

Ezekiyel 35:8

An mba ni sam matna kä yam ahuniyô ma’â. Suma a tchazi ki mbigeu d’a fiyakina a mba puk kä yam yi mak ma ndingâ akulo, kur hor maka kä, kur b’irlim ma’â pepet mi.

Habakuk 1:6

Gola! An nga ni yï suma Babilon-na á te yam suma; ni suma asa’at suma lahlena bei djib’era ba na, ni suma a nga bine abozi yam ambasa á yo ambas sa nga ni mazid’a d’uo d’a.

Ezekiyel 30:11

Mam ki sum mam suma asa’at mazid’a kal ndrozinina, a mba mba, a mba b’lak ambasa woyo, a mba pat mbigeu mazi d’a fiyaka á tchi suma Ezipte-na, a mba oî ambasa ki mad’a suma.

Vama ndum mbeina 17:16

Adif ma dogo ma ang wuma kambur máma a mba noî atcha d’a gaulang ndata. A mba yo ahle matna pet, a mba arat gandilad’a, a mba mud’ut hliwid’u, a mba ngalat tei kakud’a mi.

Habakuk 1:11

Ad’engêzi nga d’i i avogovogo, nga d’i kal d’igi simetna na; ad’engêzi nalo mazina.

Ezekiyel 39:4

Ang ki azigar mangâ pet kandjaf suma pet suma a nga zlapa ki sed’engâ, agi mba pugugi kä yam ahuniyô suma Israel-lâ. An mba ni mbud’ugi ni tena handjaf aluweinina teteng ki ma hambureinina mi.

Ezekiyel 35:5

Kayam ndak nga d’i i ki d’ugur maka avogovogo, kayam ndak tchi Israel-lâ ki mbigeu d’a fiyaka kur bur ma azi nga kur ndaka ata yima tcho mazid’a ti oî tchetchepma,

Ezekiyel 32:12

An mba ni sun azigar suma gangrang suma dur suma asa’at mazid’a kal ndrozinina. Azi mba b’lak ad’eng nga Ezipte-na a subur tazi kata woyo, a mba dap ablau mazid’a tchid’a woi mi.

Ezekiyel 7:21

An mba ni he ndjondjoî mazid’a mandjaf ma dingâ á hurumba, an mba ni hat tei d’igi vama a hlumî avun ayînina na mi suma le tcho suma a nga yam ambas ndatina kayam azi mbud’ut vama ndjendjed’a.

Ezekiyel 30:12

An mba ni so abo alum ma Nil ma tetengâ woyo, an mba ni hambasa woi abo suma asa’atna, an mba ni zut ambasa abo suma dingâ a mba arat djona kahle suma kurutna. An Ma didina ni de na.

Ezekiyel 31:17

Suma a nga kaka kä ad’u anguzam aduk andjaf sumina, a i kä azulei ki sed’em gen suma a tchazi avun ayînina.

Daniel 4:11

Agu máma mi ngola, mad’enga mi. Yam mba akulo teleweta ti do hur alona. Suma avun dabid’a handagad’ina pet a wumu.