Ezekiyel 31:11 - Bible azumeina

¹¹ Ni kayam ndata ba, an hum abo ma gangrang ma te yam andjaf sumina, mba mi le ki sed’em ngad’a yam asa’at mam mba mi lata, kayam an aram mbei da’.

Ezekiyel 31:11 Referans Kwoze

Nahum 3:18

Ang amul ma Asiri-na, mang suma nglo suma avok sumina a bo wa, grang mang suma durâ a bur wa sena ki irazi fafat. Sum mangâ a ndjoî wa woi yam ahuniyôna, sama mi togozina nga d’i.

Gat ta a hat á mbàd’id’a 18:12

Kayam suma lahle suma hina na ni suma ndjendjed’a avok Ma didina. Ni kayam ahle suma ndjendje suma hina na ba, Ma didina Alo magina nga mi dik andjaf sum ndazina woi avorogi wana.

Jacques 2:13

Sama we nga hohowa ndrama d’uo na, fata Alona mi kam sariyad’a kamba, mba mi wum hohowom mbuo mi. Wani we hohoud’a ti kus yam sariya d’a kad’a.

1 Timote 1:20

Himene ki Alezandre a nga aduk sum ndazina. An hazi wa abo Seitan kayam mi gad’aziya, kayam azi las Alona d’i.

Ezekiyel 23:28

Salad’a Ma didina mi dala: Gola! An nga ni hak abo suma ndak noyôzi suma ndak wal tak kei ki sed’ezina.

Ezekiyel 21:31

Salad’a Ma didina mi dala: A mba fogong djum manga woyo, a mba fogong kadamul manga woyo. Ahlena pet a mba mbud’a. Sama ge yam kä na a mba hlum yam akulo, sama hle yam akulona a mba hulongôm yam kä mi.

Ezekiyel 11:9

An mba ni digigi woi kur azì máma, an mba ni hagi woi abo andjaf suma dingâ, an mba ni ndak vun zla manda, an mba ni kagi sariyad’a kagi mi.

Hor ma tchina 1:21

A hum zam ta manda, wani sama b’lengên huruna nga d’i. Man suma djangûna pet a hum zla hohou manda, a le furîd’a yam vama ang luma. Ar ang hulongî ki bur ma ang dum zlam adjeuna, ar azi mbut d’igi an na mi.

Jeremi 25:9

An nga ni tchuk sunda, ni halï suma abo ma norâ ki Nebukanezar azong mana, amul ma Babilon-na. An mba ni mba ki sed’ezi á dur ambas sa wanda ki suma a nga kaka kurutna kandjaf suma a nguyutna pet á b’lagazi woi kakazeî, á mbud’uzi vama atchapma, vama sanda ki vama b’lak ma gak didina.

Suma ka sariyad’a 16:23

Wani bur tu amulei suma Filistê-na a tok tazi á hahle suma ngat buzuna malo mazina Dagon, a le furîd’a, a dala: Alo meina mi hei wa Samson mei ma djangûna aboya.

Suma ka sariyad’a 1:7

Adoni-Bezek mi dala: Amulei suma dok kid’iziya suma an ngad’azi tchitchid’azi d’a mudugunei d’a abozid’a ki d’a asezid’a woina, a yo bubuk te ma yak kä ad’u tabul manina. Alona mi hulongôn ni wuraka yam sun man nda an lata. Azi vum a i ki sed’em sä Jerusalem; mi mit sä kua.

Ad’u Tinda 3:24

Kid’a mi digim mbei dad’a, mi tin tcherebêna abo ma yorogona hasine ma Eden-na ki mbigeu d’a fiyak ka siyat ngal d’igi sïna akud’a na d’a á ngom lovot ta i ata agu ma he arid’ina.

Sawal la giled’a 119:126

Ma didina, yina ndak wa ang le va, kayam suma a nga tchila yam gat manga.

Jeremi 50:18

Ni kayam ndata ba, Ma didin ma ad’engêm kal petna, Alona hi Israel-lîna, mi dala: Gola! An nga ni mba á ngop amul ma Babilon-na kambas mamba d’igi an mba adjeu ni ngop amul ma Asiri-na na mi.

Ezekiyel 30:10

Salad’a Ma didina mi dala: An mba ni sun Nebukanezar amul ma Babilon-na, mam mba mi dap suma ablau suma Ezipte-na woyo.

Ezekiyel 30:11

Mam ki sum mam suma asa’at mazid’a kal ndrozinina, a mba mba, a mba b’lak ambasa woyo, a mba pat mbigeu mazi d’a fiyaka á tchi suma Ezipte-na, a mba oî ambasa ki mad’a suma.