Ezekiyel 30:25 - Bible azumeina

²⁵ An mba ni had’enga mamul ma Babilon-na. Fata an hum mbigeu man nda fiyaka abom mi mbud’ut vunat á dur ki suma yam ambas sa Ezipte-d’id’a, Faron bigam mba d’i tchuk kä karabatak, azi mba wala an ni Ma didina mi.

Ezekiyel 30:25 Referans Kwoze

Ezekiyel 38:23

Hina wani, an mba ni tak tan ndei mandjaf suma pet ala an nAlo ma ngol ma bei tchod’a ba na. Ata yi máma azi mba wala an ni Ma didina.

Ezekiyel 38:16

Ang mba mba ata man suma Israel-lâ d’igi d’ugul la ti duk yam andagad’id’a na. Bizad’a mba d’i kal ablaud’a, ahle ndazina a mba ndaga. Ang Gok, an mba ni mba ki sed’eng á dur ayîna kambas manda kayambala andjaf suma dingâ a wala an nAlo ma bei tchod’a ba na d’a. Wana ni vama an mba ni lum ki sed’eng kä irazina.

Ezekiyel 32:15

Fata an mba ni mbut ambas sa Ezipte-d’a djona mba ni dap ahle suma kurutna woi pet ni tchi suma kurutna woi pet mi d’a, azi mba wala an ni Ma didina.

Ezekiyel 30:26

An mba ni ndjoî Ezipte-na woi aduk andjaf suma dingâ, an mba ni ndjoyôzi woi yam ambasa teteng mi. Hina wani, azi mba wala an ni Ma didina.

Ezekiyel 30:19

An mba ni ka sariyad’a yam Ezipte-na. Hina wani, azi mba wala an ni Ma didina.

Ezekiyel 29:21

Kur bur máma an mba ni had’enga mi Israel-lâ, an mba ni malang vunang ngei adigazi á dazi zlad’a, kayam azi wala an ni Ma didina.

Ezekiyel 29:16

Israel-lâ a mba hulong tin huruzi kazi d’uo d’a, a mba hulong ata tcho mazi d’a adjeu d’a azi yazi á ndjunuzid’a d’i. Ata yi máma azi mba wala an ni Salad’a Ma didina.

Sawal la giled’a 9:16

Andjaf suma bei wAlona a puk kä kur zul la azi tazi djugud’ota, asezi mi tchuk kur dau ma azi tazi ngeyem kä na.

Josue 8:18

Ma didina mi de mi Josue ala: Ang hle abong akulo kasap pa abonga yam azì ma ngol ma Aï-na, kayam an hangziya wa abongû. Josue mi hlabom akulo kasap pa abomba yam azì ma ngolâ.

1 Sunda Hamuleinid’a 21:16

David mi hle iram akulo, mi we malaikana hi Ma didinina, mi nga tchola aduk andagad’a kakulod’a, mbigeu d’a fiyaka nga pata woi abomu, mi mbut iram yam azì ma Jerusalem-ma. Ata yi máma David ki suma nglo suma a tchuk baru d’a dodora atazina, a grif kä ki irazi andaga.

Isai 5:25

Kayam ndata, Ma didina hurum zal ngola yam sum mama. Mi hlabom akulo, mi toziya, ahuniyôna a giged’a, mad’a suma mi sam kä woi ir palumba d’igi asuna na. Hina pet pî, hurum mi b’leng nga d’i, abom mi ar nga zid’a akulo kamzi.

Ezekiyel 30:24

An mba ni had’enga mamul ma Babilon-na, an mba ni hum mbigeu man nda fiyaka abomu, an mba ni kus bik Faron ndeyo. Mam mba mi zam tam d’igi sama lá matnina na avok amul ma Babilon-na.