Ezekiyel 30:11 - Bible azumeina

¹¹ Mam ki sum mam suma asa’at mazid’a kal ndrozinina, a mba mba, a mba b’lak ambasa woyo, a mba pat mbigeu mazi d’a fiyaka á tchi suma Ezipte-na, a mba oî ambasa ki mad’a suma.

Ezekiyel 30:11 Referans Kwoze

Ezekiyel 28:7

gola! An nga ni mba kandjaf suma dingâ á durungû. Ni suma asa’at mazid’a kal la hi ndrozinid’a. Azi mba kang ne mang nga kal teglesa woi ki mbigeu mazi d’a fiyaka, a mba mired’eng subur manga kä mi.

Ezekiyel 39:4

Ang ki azigar mangâ pet kandjaf suma pet suma a nga zlapa ki sed’engâ, agi mba pugugi kä yam ahuniyô suma Israel-lâ. An mba ni mbud’ugi ni tena handjaf aluweinina teteng ki ma hambureinina mi.

Ezekiyel 35:8

An mba ni sam matna kä yam ahuniyô ma’â. Suma a tchazi ki mbigeu d’a fiyakina a mba puk kä yam yi mak ma ndingâ akulo, kur hor maka kä, kur b’irlim ma’â pepet mi.

Ezekiyel 32:12

An mba ni sun azigar suma gangrang suma dur suma asa’at mazid’a kal ndrozinina. Azi mba b’lak ad’eng nga Ezipte-na a subur tazi kata woyo, a mba dap ablau mazid’a tchid’a woi mi.

Ezekiyel 31:12

Andjaf suma ding suma asa’at mazid’a kal ndrozinina, a kam a gum mbeyo. Abom mi nde kä yam ahuniyôna kur hor ra lara ge pet, abom mi kus kä woi kur b’irlim ma yam ambasina. Suma yam andagad’ina pet a buzuk kei ad’u anguzamu, a aram mbeyo.

Gat ta a hat á mbàd’id’a 28:50

Ni suma irazi ti d’us hina gugurup suma a nga ge yazi kä avok momorogeina d’uo suma a nga we hohowa gogor ruo mi na.

Ezekiyel 30:24

An mba ni had’enga mamul ma Babilon-na, an mba ni hum mbigeu man nda fiyaka abomu, an mba ni kus bik Faron ndeyo. Mam mba mi zam tam d’igi sama lá matnina na avok amul ma Babilon-na.

Ezekiyel 31:11

Ni kayam ndata ba, an hum abo ma gangrang ma te yam andjaf sumina, mba mi le ki sed’em ngad’a yam asa’at mam mba mi lata, kayam an aram mbei da’.