Ezekiyel 3:21 - Bible azumeina

²¹ Wani le ang ge sama d’ingêrâ humam ala ar mi le tchod’a d’uo, le mi le nga tchod’a d’uo ni, gagazi, mba mi kak karid’a. Kayam ang gum humamu, ang tang mba sut tangû.

Ezekiyel 3:21 Referans Kwoze

1 Timote 4:16

Ang gol tang djivi ki hat manga mi, ang ve tang kur ahle ndazina. Le ang le na ni, ang mba sut tang ki suma a nga hum zla mangina mi.

Jacques 5:20

ar agi wagi ala sama hulongî sama tchona woi kur lovot mam mba tchod’ina, mi sut ni sa máma woi kur matna. Tcho mam mba ablau ndata, Alona hurum mba vat tei kat mi.

Wana ni mbaktum mba Paul mi b’irit mi Tit-ta 2:15

Ang had’azi ahle ndazina, ang gigid’ezi mi. Ang ngobozi ki vun ma hed’a. Ar sa mi golong is si.

1 Korente-na 4:14

An nga ni b’irigi ahle ndazina ná mbud’ugi zulona d’i, wani ná had’agi d’igi gron suma an hurun vazi heîna na.

Zla d’a d’ogolâ 9:9

Ang hat sama ned’a, mba mi mbut sama ned’a kala; ang hat wed’a mi sama d’ingêrâ, mba mi i avogovok kur we mamba.

Sunda hi suma a sunuzinid’a 20:31

Kayam ndata, ar agi kagagi ki ndjola. Agi djib’eregiya, kur bizad’a hindi, andjege ki faleya, an gat nge nge pî adigagi ki simina iranu.

Sawal la giled’a 19:11

Djivi mamba kal lora, kal lor ra a yorot kakud’id’a woi dei; adjib’et mamba ti kal mbul ayuma, ti kal mbul ayum ma nga mi djang kä ir sëma.

Vama ndum mbeina 3:19

Suma an nga ni le kazina pet, an nga ni ngoboziya, an nga ni gad’azi mi. Kayam ndata, ar ang b’at tang á mbut hurung yam tcho manga.

1 Tasaloni’â 5:14

B’oziyomina, ami nga gigid’egiya, ar agi ngobogi suma azulomba, agi b’lengêgi hur suma mandarâ, agi ndjunugi suma amangeîna, agi vagi tagi yam suma pet mi.

Zla d’a d’ogolâ 17:10

Ngop pa a ngop sama ned’id’a ti le sunda kurum kal to d’a a to sama lilid’a blafâ kisa.

Kolos-sâ 1:28

Ni Christ ma ami nga tchum walam mbei mi suma petna. Ami nga gad’ami suma, ami nga had’ami suma pet ki ned’a pet mi, kayam ami tagazi woi avok Alona suma djengâ zlapa tu ki Christ.

1 Korente-na 10:12

Kayam ndata, le sa mi djib’er ala mi ni tchola ni, mi gol tam djiviya ar mi puk kä d’i.

Ezekiyel 33:9

Wani le ang ge hum ma asa’at máma á mbut hurum yam tit mamba ba, mi mbut nga hurum mbuo ni, mba mi mit kur sun mam mba ata yat tuo d’a, wani ang tang mba sut tangû.