Ezekiyel 29:21 - Bible azumeina

²¹ Kur bur máma an mba ni had’enga mi Israel-lâ, an mba ni malang vunang ngei adigazi á dazi zlad’a, kayam azi wala an ni Ma didina.

Ezekiyel 29:21 Referans Kwoze

1 Samuel 2:10

Ma didin ma sä akulona nga mi ngop mam suma djangûna; a nga zlak avoromu, kayam mam mi sama ka sariyad’a yam suma yam andagad’a petna. Nga mi had’eng mamba mamul mama, nga mi i ad’enga hamul ma mam manama avogovok mi.

Wana ni Zla d’a Djivi d’a Luc mi b’irita 21:15

Kayam an mba ni hagi zla d’a ded’a ki ned’a, tala magi suma djangûna pî a ndak á tchol á tchi tuguyod’a ki sed’egi d’uo d’a.

Sawal la giled’a 132:17

An mba ni tin amul ma ad’engâ ad’u andjafâ hi David-na kur Siyon, an mba ni min lovota avok ma an mba ni vragam balum ma an manam tinim amulina.

Ezekiyel 33:22

Ki fladege d’a ma sud’ï woi avun ayînina mi nga bei mbad’a tua d’a, Ma didina mi tin abom kanu. Tcha yorogo d’a mi mba gevenda, vunan mi mal leyo, mi ar nga ngrufa d’uo d’a.

Ezekiyel 24:27

Kur bur máma vunang mba mi mal á de zlad’a mi ma sutna, ang mba ar ngela gak kuo d’a. Ang mba mbut ni vama taka kaziya, azi mba wala an ni Ma didina.

Sawal la giled’a 92:10

Ma didina, gola! Mang suma djangûna pet a mba ba woyo, suma bei d’ingêra a mba b’rau woi yayak mi.

Wana ni Zla d’a Djivi d’a Luc mi b’irita 1:69

Mi tcholei Ma Sut ma ad’engâ adigei ad’u andjafâ hazong mama David-na

Ezekiyel 29:16

Israel-lâ a mba hulong tin huruzi kazi d’uo d’a, a mba hulong ata tcho mazi d’a adjeu d’a azi yazi á ndjunuzid’a d’i. Ata yi máma azi mba wala an ni Salad’a Ma didina.

Ezekiyel 29:9

Ambas sa Ezipte-d’a mba d’i ar djona, mba d’i b’lak keyo. Suma a mba wala an ni Ma didina. Kayam ang dala: Alum ma Nil-lâ ni mana, ni an ba ni lumu,

Ezekiyel 29:6

Ezipte-na pet a mba wala an ni Ma didina. Israel-lâ a deng tazi ni kangû, wani angî d’igi tchereu ma amangeîna na.

Ezekiyel 3:26

An mba ni b’alang sinang akulo ata d’id’igang tala ang kak sama ndumîd’a bei de zlad’a d’a, tala ang fe lovota á ngobozi d’uo d’a, kayam azi nandjaf ma bei hum vuna ba na.

Jeremi 23:5

Ma didina mi dala: An mba ni tchol ki sama d’ingêrâ ad’u andjafâ hi David-na. Mba mi tamula, mba mi i avogovogo, mba mi ka sariya d’a d’ingêra, mba mi le sun nda irata kur ambasa mi.

Isai 27:6

Kur atchogoi d’a nga d’i mbad’a, suma hi Jakob-ma sideyezi mba mi sir kä, Israel-lâ a mba tchuk grona a mba b’o, a mba oî yam andagad’a ki vud’uziya.

Sawal la giled’a 148:14

Mi hulong hle yam mam suma Israel suma go ki sed’ema akulo. Kayam ndata, mam suma d’engzeng ndazina pet a gilemu. Agi gilegi Ma didina!

Sawal la giled’a 112:9

Nga mi b’rau ahligiyem mi suma houd’a; djivi mam mba led’a nga d’i dap puo mi. Mba mi mbut ngola, a mba suburum mi.

Sawal la giled’a 51:15

An mba ni hat zla manga mi suma a tchila yam gatina, suma tchona a mba hulongî gevengû.

Ezekiyel 3:27

Fata an dang zlad’id’a, an mba ni malang vunang ngeyo, ang dazi ala: Wana ni zla d’a ded’a hi Salad’a Ma didinid’a. Sama mi min huma, ar mi huma. Sama mi min hum mbuo na, ar mi hum mbuo mi, kayam azi nandjaf ma bei hum vuna ba na.

Ezekiyel 30:1

Ma didina mi dan kua ala: