Ezekiyel 29:14 - Bible azumeina

¹⁴ An mba mi hulongî Ezipte suma a yozi magombina, an mba ni mbazi yam ambas sa Patros sa a vud’uzi kuad’a. Ni kua ba, a mba tin ad’u leu d’a gora.

Ezekiyel 29:14 Referans Kwoze

Ezekiyel 30:14

An mba ni ar azì ma Patros-sâ djona, an mba ni do akud’a ata azì ma Sowan-na, an mba ni ka sariyad’a yam azì ma No-na mi.

Isai 11:11

Kur bur máma Ma didina mba mi mat abom kua yam á mbàd’a á prut mam suma ad’uzi mba d’i ar abo suma Asiri-na, abo suma Ezipte-na, abo suma Patros-sâ, abo suma Etiyopi-na, abo suma Elam-ma, abo suma Sinar-râ, abo suma Hamat-na, abo suma a nga kaka yam tila halum ma ngolîd’a woi mi.

Jeremi 44:1

Ma didina mi de zlad’a mi Jeremi yam Juif-fâ pet suma a nga kaka yam ambas sa Ezipte-d’a suma a nga kaka kur azì ma nglo ma Mikdol ki Tapanes ki Nof ki ma Patros-sâ, mi dala:

1 Sunda Hamuleinid’a 1:12

suma Patrus-sâ, suma Kaslu-na ki suma Kaftor-râ. Ni suma suma Filistê-na a buzugï atazina.

Ad’u Tinda 10:14

suma Patrus-sâ, suma Kaslu-na ki suma Kaftor-râ. Suma Filistê-na a buzugï nataziya.

Jeremi 44:15

Suma pet suma a wala amiyôzina a ngal dubang ma his djivid’ina malo ma dingâ na karopma pet suma a nga tchola kur tok ka ngolina ki suma pet suma a nga kaka yam ambas sa Patros-sîna, a hulong de mi Jeremi ala:

Ezekiyel 17:14

kayambala suma kur leu ndatina a hulong yazi kä, a hle yazi akulo d’uo, a ngom vun mam ma djinda ki d’engzenga d’a.

Zakari 10:11

A mba djak alum ma ndaka, a mba wat abilâ halum ma ngolîna, galilei ma yiyi’â halum ma Nil-lîna pet mba mi so woyo. Subur tad’a hi Asiri-nid’a mba d’i hulong kä, ad’enga hi suma Ezipte-nid’a mba d’i dap peyo.