Ezekiyel 29:11 - Bible azumeina

¹¹ Asem sa d’oze asem ambur mba mi tchila kua d’i, sa mba mi kak kur ri gak biza d’a dok fid’i.

Ezekiyel 29:11 Referans Kwoze

Ezekiyel 32:13

An mba ni tchi d’uwar mang ma avun mbiyo ma nglonina woi pet, asem sa d’oze asem d’uwar mba mi mbud’um dodopa d’uo mi.

Daniel 9:2

an Daniel ni gol kur mbaktum mba a tinit irat vata. Ata yi máma an wäd’u zla d’a Ma didina mi dat mi mam ma djok vuna Jeremi ala: Jerusalem mba d’i ar djona gak bizad’a dok kid’iziya d’a.

Ezekiyel 36:28

Agi mba kagagi yam ambas sa an hat mabuyogi ngolod’a, agi mba mbud’ugi sum mana, an mba ni arî Alo magina mi.

Ezekiyel 33:28

An mba ni b’lak ambasa woyo, an mba ni mbud’ut hur fulâ. Ad’eng mat ta sum matna a subur tazi kata, mba d’i dap peyo. Ahinad’a hi Israel-lîd’a mba d’i arî djona, sa mba mi kal kua d’uo d’a.

Ezekiyel 31:12

Andjaf suma ding suma asa’at mazid’a kal ndrozinina, a kam a gum mbeyo. Abom mi nde kä yam ahuniyôna kur hor ra lara ge pet, abom mi kus kä woi kur b’irlim ma yam ambasina. Suma yam andagad’ina pet a buzuk kei ad’u anguzamu, a aram mbeyo.

Jeremi 29:10

Gola! Ma didina mi dala: Fata biza d’a dok kid’iziya d’a ngat yam Babilon-nda ndaka, an mba ni mba á d’ugiya, an mba ni ndak vun zla d’a djivi d’a an hlagi vunan kata, an mba ni mbagi ka hî.

Isai 23:17

Kur dabid’a hi biza d’a dok kid’iziyad’id’a, Ma didina mba mi mba á mal lovota mi Tir. Ti mba d’i hulong kur sun mat ta ndjendjed’a, ti mba d’i le gaulangâ ki leu d’a yam andagad’a ka hina pet.

Isai 23:15

Kur bur máma a mba mar yam Tir gak bizad’a dok kid’iziya, ndak yam atchogoid’a hamulîd’a tu. Kur dabid’a hi biza d’a dok kid’iziya ndatid’a, ti mba d’i mbut ni d’igi atcha d’a gaulang nga a dat zlat kur sawalid’a na ala:

2 Sunda Hamuleinid’a 36:21

Ahle ndazina a le ná ndak vun zla d’a Ma didina mi dat avun ma djogom vunama Jeremi-d’a, kayam mi dala: Ambasa mba d’i ar djona gak bizad’a dok kid’iziya, gak ti dap yima ngattchi á tuk tat á ndak vun biza d’a ndat fe nga tuk tad’a kua d’uo d’a mi.

Isai 34:10

Andjege ki faleya ti nga d’i mit tei d’i, andozot mba mi d’uzî hina gak didin. Atchogoid’a katchogoid’a mba d’i mbut ni hur fulâ, sa mba mi kal kua d’uo mi.

Jeremi 9:10

Jeremi mi dala: An mba ni tchi tchi ma hat hurâ akulo yam ahuniyôna, an mba ni hle sawal la horâ hur ful ma d’uwarâ mi te hatna kuana. Kayam azi ngal leyo, sa nga mi kal kua d’i, a nga hum del d’uwar tchi d’i, aluwei suma akulona kambureina kazureina pet a iya.

Jeremi 46:19

Agi suma nga kaka Ezipte-na, agi minigi ahligiyegi á i magomba, kayam Nof mba d’i ar djona. Akud’a mba d’i ngalat teyo, a mba fe sama kak kur ri.