Biblia Todo Logo
Bib sou entènèt

- Piblisite -




Ezekiyel 29:10 - Bible azumeina

10 ni kayam ndata ba, an nga ni mba á durung kalum mangâ, an mba ni b’lak ambas sa Ezipte-d’a, ni mbud’ut djona, tinï ad’ud’a Mikdol dei gak mba Asuwan ir haga d’a Etiyopi-d’a.

Gade chapit la Kopi




Ezekiyel 29:10
12 Referans Kwoze  

An mba ni so abo alum ma Nil ma tetengâ woyo, an mba ni hambasa woi abo suma asa’atna, an mba ni zut ambasa abo suma dingâ a mba arat djona kahle suma kurutna. An Ma didina ni de na.


Na ni Ma didina, ang hurung zalî yam toliyonda zu? Na ni ang hurung zalî yam aluma zu? Ang nga djulul kayîna ata yima ang ful yam akulumeina, ang ful kur pus mang ma kus ayînina ni yam alum ma ngolâ zu?


Asem sa d’oze asem ambur mba mi tchila kua d’i, sa mba mi kak kur ri gak biza d’a dok fid’i.


Agi tchagi wal zla ndata mi Ezipte-na, ar a tagat tei mi suma Mikdol-lâ, mi suma Memfis-sâ, mi suma Tapanes-sâ mi. Agi dazi ala: Agi tchologi akulo minigi tagiya, kayam ayî ma durâ mi nguyugi wa d’uhl!


Ma didina mi de zlad’a mi Jeremi yam Juif-fâ pet suma a nga kaka yam ambas sa Ezipte-d’a suma a nga kaka kur azì ma nglo ma Mikdol ki Tapanes ki Nof ki ma Patros-sâ, mi dala:


Ang de mi Israel-lâ, a hulong a vanguvora avok Pi-Hahirot aduk Mikdol kalum ma ngolâ ngagad’a yam Bäl-Sefon d’ar. Nata yi máma ba, agi vagi anguvora kua go kalum ma ngolâ.


Ni kayam ndata ba, an Salad’a Ma didina ni dala: Kayamba zla magid’a ni zla d’a hawa yaka, ahle suma a nde tazi iragina ni zla d’a kad’a mi d’a, an nga ni ngobogiya. Ni an Salad’a Ma didina ba, ni de na.


Ang de magu d’a abo ma sutnid’a ala: Ndak hum zlad’a hi Ma didinid’a. Salad’a Ma didina mi dala: An nga gakud’a adigagu, mba d’i ngal agu ma arina ki ma sod’a woi adigagu. Sin aku ndata mba d’i mit tei d’i, mba d’i ngal ahle suma a wazi ki irina, tinï ad’ud’a abo ma sutna dei gak ndeza woi abo ma norâ.


Gola! An nga ni dur ki agi suma Tir-râ, an nga ni mba kandjaf suma ablaud’a atagi á durâ d’igi alum ma ngolâ mi sulul abil mama na.


Ang dum ala: Salad’a Ma didina mi dala: Ang Faron amul ma Ezipte-na, gola! An nga ni dur ki sed’engû, ang hurum ma ngol ma nga burâ kä kur aluma ma nga dala: Alum ma Nil-lâ ni mana, ni an ba ni lumu na.


Ambas sa Ezipte-d’a mba d’i ar djona, mba d’i b’lak keyo. Suma a mba wala an ni Ma didina. Kayam ang dala: Alum ma Nil-lâ ni mana, ni an ba ni lumu,


Swiv nou:

Piblisite


Piblisite