Ezekiyel 28:24 - Bible azumeina

²⁴ Israel-lâ ndrozi suma azì suma a golozi is adjeuna, a mba tchogozi d’igi kekerezeuna mi tchok suma na d’i, a mba tchogozi mbuleina d’igi aweid’a ti tchok suma na d’uo mi. Hina wani, suma a mba wala an ni Ma didina.

Ezekiyel 28:24 Referans Kwoze

Josue 23:13

agi wagi woi ala Ma didina Alo magina mba mi dik andjaf suma wana woi avorogi gagak kuo d’a. Azi mba mbut ni d’igi abeid’a d’oze dauna d’oze blaf ma togi ki fefed’egina d’oze awei d’a tchogogi iragid’a na, gak agi dabagi woi yam andaga d’a djivi d’a Ma didina Alo magina mi hagizid’a.

Ndumba 33:55

Wani le agi digigi nga suma a nga kaka yam ambasina woi d’uo ni, a mba mbut ni d’igi awei d’a tchogogi iragid’a na d’igi leleu ma tchogogi fefed’egina na mi. Azi mba mbut ni magi suma djangûna yam ambas sa agi i kagagi kua wanda.

2 Korente-na 12:7

Kayam an fe lovota á subur tan yam ahle suma kal tegles suma Alona mi simad’andjina d’i, ni kayam ndata ba, mi tinin tugud’ei d’a ndaka atanu, ni ma sunda hi Seitan-na ba, mi ton kiya, kayam an subur tan ndi.

Ezekiyel 2:6

Ang gor sana, ang le mandarâ abo zla mazi d’a ded’a d’i, kayam ang mba kak adigazi ni d’igi sana mi kak aduk kekerezeuna kaweid’a d’oze yam hurd’ud’a na. Wani ang le mandarâ abo zla mazi d’a ded’a d’i, ar vunadigang pat avorozi d’uo mi, kayam azi nandjaf ma bei hum vuna ba na.

Isai 55:13

Agu siprena mba mi deî balum azlupa, agu mirtena mba mi deî balum kekerezeuna mi, a mba mbut vama subura yam Ma didina, ni vama tak ma didin ma bei mi dap pei ba na.

Vama ndum mbeina 21:4

Mba mi sed’ezi simina irazi woi pet. Matna mba tchazi d’i, azi mba yor tazi d’oze a tchi tchi ma hohoud’a d’i, ta d’a ted’a nga d’uo mi, kayam ahle suma adjeuna pet a kal wa woyo.

Mise 7:4

Sama djivi ma adigazina mi ni d’igi kekerezeuna na, sama irat ma adigazi ma kalâ mi tchod’a kal azlupa haweid’id’a. Bur ma a ngobogi kua ma magi suma ndjol suma djok vuna a de zlad’a kama, mi mba wa da’, ki tchetchemba, a nga kur tcha d’a tatad’a.

Ezekiyel 39:28

Azi mba wala an ni Ma didina, Alo mazi ma ni yozi ni izi magomba adjeu aduk andjaf suma ni hulongôzï yam andaga mazid’ina. An mba ni ar sa tu pî adigazi sä hî d’i.

Ezekiyel 28:26

Azi mba kak kurut ki halasa, a mba min gongîyona, a mba pe guguzlud’a. Fata an mba ni ka sariyad’a yam suma pet suma a nguyuzi kä suma a golozi isâ, a mba kak kua ki halasa. Ata yi máma azi mba wala an ni Ma didina Alo mazina.

Ezekiyel 28:23

An mba ni sunï tugud’ei d’a tcho d’a tchi matna kurungû, buzuna mba mi djang kä ir palum manga. Suma a mba durungâ a mba tchi suma ngola kä kurung ki mbigeu d’a fiyak ka tcholï ata yima lara ge peta. Hina wani, suma pet a mba wala an ni Ma didina.

Jeremi 12:14

Ma didina mi dala: An nga ni de zlad’a yam andjaf suma asa’at suma a ngui sum mana suma a do sum mana yam andaga d’a an hat mi man suma Israel-lîd’ina. An mba ni yozi woi yam andaga mazid’a, an mba ni yo suma Juda-na woi adigazi mi.

Isai 35:9

Lovot ndata a mba fazlo kua d’i, ambur ma ayî mba mi hlat ti, sa mba mi ngavam kua d’uo mi. Suma Ma didina mi wurak kazina, a mba tit kua ni aziya.

Suma ka sariyad’a 2:3

Kayam ndata, an nga ni dagiya, an mba ni digizi woi avorogi d’i. Azi mba kak ki sed’egiya, alo mazina mba mi mbut ni dau ma vigigina.