Ezekiyel 28:22 - Bible azumeina

²² Ang dum ala: Salad’a Ma didina mi dala: Ang azì ma Sidon-na, an nga ni durungû, an mba ni subur tan kurungû. Fata an kang sariyad’a kanga, suma a mba wala an ni Ma didina, a mba han ngola kurung mi.

Ezekiyel 28:22 Referans Kwoze

Ezekiyel 39:13

Suma yam andaga ndatina pet a mba tozoziya. Simiyêzi mba mi yi yam zla ndata, kayam ni bur ma an mba ni tagazi subur manda woina. An Salad’a Ma didina ni de na.

Ezekiyel 20:41

Fata an buzugugï woi aduk andjaf suma mba ni togogï yam ambas sa an ndjoyôgi woi kuad’id’a, an mba ni vagi atan d’igi vama ngat buzu ma his ma afufuîna na, agi mba han ngola avok andjaf suma.

Buzuk ka Abud’a 14:17

Wani anu, an nga ni b’al hur suma Ezipte-na kiki tala a tchuk tazi tita kä blogogi kur aluma d’a. An mba ni mbut ni vama subura yam Faron ki azigar mama pet ki pus mam ma dur ayîna ki mam suma djang akulumeina mi.

Buzuk ka Abud’a 14:4

An mba ni b’al hur Faron kiki. Mam mba mi digigi ad’ugiya, wani an mba ni mbut ni vama subura yam Faron ki azigar mama. Hina wani, azi mba wala an ni Ma didina. Israel-lâ a lahle suma Ma didina mi hazi vuna kazina.

Nahum 3:5

Ma didin ma ad’engêm kal petna mi dala: An nga ki zlad’a ki sed’egu, an mba ni yok vun baru maka akulo woi iragu, an mba ni arak gandilad’a woi ir andjaf suma, an mba ni arak zulo ma’â woi ir suma kur leud’ina mi.

Nahum 2:13

Azlona nga mi ve, nga mi kizak vama mi vuma mazlod’a ki grot suma gureina, nga mi oî domi mama ki hliwa vama mam vum mi kizagam mbeina mi.

Nahum 1:6

Ni nge ba, mba mi tchol avorom ata yima hurum zalâ ge? Ni nge ba, mba mi tchol avok ayî mam ma bibiliuna ge? Hur mam ma zala nga mi ngal d’igi akud’a na, nga mi to ahuniyôna woyo.

Ezekiyel 38:23

Hina wani, an mba ni tak tan ndei mandjaf suma pet ala an nAlo ma ngol ma bei tchod’a ba na. Ata yi máma azi mba wala an ni Ma didina.

Ezekiyel 38:3

ang dum ala: Salad’a Ma didina mi dala: Ang Gok amul ma ngolâ hi suma Ros-sâ hi suma Mese’â hi suma Tubal-lâ, an nga ni iza atang á durungû.

Ezekiyel 36:23

An mba ni tin simiyên ma ngol ma agi mbud’um ndjendjed’a aduk andjaf suma ding suma agi igi kuana iram vamu. Fata an tinim iram vam atagi kä irazid’a, azi mba wala an ni Ma didina. An Salad’a Ma didina ni de na.

Ezekiyel 30:19

An mba ni ka sariyad’a yam Ezipte-na. Hina wani, azi mba wala an ni Ma didina.

Ezekiyel 29:10

ni kayam ndata ba, an nga ni mba á durung kalum mangâ, an mba ni b’lak ambas sa Ezipte-d’a, ni mbud’ut djona, tinï ad’ud’a Mikdol dei gak mba Asuwan ir haga d’a Etiyopi-d’a.

Ezekiyel 29:3

Ang dum ala: Salad’a Ma didina mi dala: Ang Faron amul ma Ezipte-na, gola! An nga ni dur ki sed’engû, ang hurum ma ngol ma nga burâ kä kur aluma ma nga dala: Alum ma Nil-lâ ni mana, ni an ba ni lumu na.

Ezekiyel 26:3

Gola! An nga ni dur ki agi suma Tir-râ, an nga ni mba kandjaf suma ablaud’a atagi á durâ d’igi alum ma ngolâ mi sulul abil mama na.

Ezekiyel 21:3

Ang de magu d’a abo ma sutnid’a ala: Ndak hum zlad’a hi Ma didinid’a. Salad’a Ma didina mi dala: An nga gakud’a adigagu, mba d’i ngal agu ma arina ki ma sod’a woi adigagu. Sin aku ndata mba d’i mit tei d’i, mba d’i ngal ahle suma a wazi ki irina, tinï ad’ud’a abo ma sutna dei gak ndeza woi abo ma norâ.

Ezekiyel 5:8

Ni kayam ndata ba, an nga ni dagiya: An nga ni kak djangûna ki sed’egiya, an nga ni kagi sariyad’a kagi kä ir andjaf suma dingâ.

Jeremi 50:31

Salad’a Ma didin ma ad’engêm kal petna mi dala: Gola! Ndak Babilon nda subur tak heîd’a, gola! An nga ni iza atagu, kayam bur ma’â mi mba da’, ni yima an ngobok kuana.

Jeremi 21:13

Ma didina mi dala: Agi suma Jerusalem suma nga kaka akulo yam ahina d’a yat papana d’a kal hora akulod’ina, an nga ni dur ki sed’egiya. Agi suma nga dagi ala: Ni nge mba mi tchugï asem kä á duri d’oze mi kal ata yi mei ma domina ge na, an nga ni dur ki sed’egiya.

Isai 37:20

Wani ki tchetchemba, ang Ma didina Alo mamina, ang sud’umi woi abo Sanakerip. Hina wani, Ma didina, suma yam andagad’ina pet a mba wala ang tu nAlona.

Sawal la giled’a 83:17

Ma didina, ang mangâzi woyo, kayam azi hulongî gevengû.

Sawal la giled’a 9:16

Andjaf suma bei wAlona a puk kä kur zul la azi tazi djugud’ota, asezi mi tchuk kur dau ma azi tazi ngeyem kä na.

Sunda hi suma hi Levi-nid’a 10:3

Ata yi máma Moise mi de mi Aron ala: Wana ni zla d’a Ma didina mi data: Suma a mba go ki sed’en á lan sundina, mbeî a tak kak man nda yed’eta woi abua, mbeî a suburun avok suma pet mi. Wani Aron mi kak ki vunam ma du’â.

Buzuk ka Abud’a 15:21

Miriyam ti hulong dazi ala: Agi hlagi sawala á gilegi Ma didina, kayam me mi tak ad’eng mam mba kal teglesa woi abua, mi tchuk akulumeina ki suliyozina kä kur alum ma ngolâ.

Buzuk ka Abud’a 9:16

Wani an arang nga kaka ini ni yambala ang wad’eng manda ar suma a yan simiyên ndei yam andagad’a ped’u d’a.

Isai 23:4

Agi suma Sidon suma kur azì ma ad’eng ma ngungu ma avun alum ma ngolîna, ar zulona mi lagiya, kayam alum ma ngolâ mi dala: Ndak ka vut tan nga d’i, an vut nga gor ri, an wul nga gro andjof foze gro arop puo mi.

Ezekiyel 38:16

Ang mba mba ata man suma Israel-lâ d’igi d’ugul la ti duk yam andagad’id’a na. Bizad’a mba d’i kal ablaud’a, ahle ndazina a mba ndaga. Ang Gok, an mba ni mba ki sed’eng á dur ayîna kambas manda kayambala andjaf suma dingâ a wala an nAlo ma bei tchod’a ba na d’a. Wana ni vama an mba ni lum ki sed’eng kä irazina.

Buzuk ka Abud’a 14:18

Ata yima an mba ni mbut vama subura yam Faron ki pus mama ki mam suma djang akulumeinina, Ezipte-na a mba wala an ni Ma didina.