Ezekiyel 28:21 - Bible azumeina

²¹ Ang gor sana, ang mbut irang yam azì ma ngol ma Sidon-na, ang djogom vuna.

Ezekiyel 28:21 Referans Kwoze

Ezekiyel 6:2

Ang gor sana, ang mbut irang yam ahuniyô suma Israel-lâ, ang djogozi vuna,

Ad’u Tinda 10:15

Kanan mi vut Sidon gorom ma avo’â ki Het.

Ezekiyel 27:8

Suma Sidon-na ki suma Arvat-na ni suma le prau mangâ, suma ne suma a nga kaka kurung ang azì ma Tir-rîna a ni suma a djang bato mangina mi.

Ezekiyel 25:2

Ang gor sana, ang mbut irang yam suma Amon-na, ang djogozi vuna.

Jeremi 25:22

An hum mamulei suma Tir-râ pet, mamulei suma Sidon-na pet kamulei suma a nga kaka yam tila sä abo alum ma ngolâ abo hî na mi.

Zakari 9:2

Ti mba yam suma kur Hamat ta hagad’a ki Damas-sina. Suma Tir-râ ki suma Sidon sumala a ni suma ned’a heyû na pî, ti mba kazi mi.

Ezekiyel 32:30

Gola! Suma nglo suma abo ma norâ pet ki suma Sidon-na pet a nga kua, ni suma a i kä azulei ki suma a tchazina. Azi ni grang suma a mbut suma mandarâ adjeuna pî, ki tchetchemba, suma bei ngat bayâ ndazina a i wa azulei ki zulona, zlapa ki suma ding suma a tchazi avun ayînina.

Ezekiyel 29:2

Ang gor sana, ang mbut irang yam Faron amul ma Ezipte-na, ang djogom vuna ki Ezipte-na pet.

Jeremi 47:4

Kayam bur ma a b’lak suma Filistê-na woi petna mi mba wa. A mba fe sama ndjun Tir ki Sidon-na d’uo d’a, kayam an Ma didina nga ni b’lak suma Filistê suma a arâ woyo. Azi ni suma a tcholï kur til la Kaftor-ra a mba kak kuana.

Jeremi 27:3

ang sun suma wana mamul ma Edom-ma, mamul ma Mowap-ma, mamul ma Amon-na, mamul ma Tir-râ kamul ma Sidon-na abo suma sun suma azi sunuzi Jerusalem gen Sedekiyas amul ma Juda-nina.

Isai 23:12

Mi dala: Ndak gor wei d’a Sidon nda a b’lagaka, ndak nga d’i i avok kur furîd’a d’uo d’a. Le ndak tchol akulo, ndak i yam ambas sa Kitim-mba pî, ndak mba d’i fe lovota á tuk tak ki.

Ad’u Tinda 10:19

Andagad’a hi suma Kanan-nid’a tin ni ad’ud’a ni Sidon go ki Gerar, gak Gaza go ki Sodom ki Gomor ki Atma ki Seboyim, gak Lesa.

Ezekiyel 21:2

Ang gor sana, ang mbut irang abo ma sutna hambasina, ang djok vuna mi suma a nga kaka aduk agud’a abo ma sutnina.

Ezekiyel 28:20

Ma didina mi dala:

Josue 19:28

Ti kal abo ma Ebron-na, Rehop, Hamon ki Kana, ti kal gak ti i Sidon-nda ngola.

Josue 19:29

Ti yoï hagad’a abo ma Rama-na, ti kal gak ti mbaza avun azì ma ngol ma ad’eng ma Tir-râ, ti kal ti i Hosa, ti i dabï avun alum ma ngol ma Mediterane-na hur ful la Aksip-pa.

Josue 19:30

Ti kal gak ti i Uma, Afek ki Rehop. Azì ma nglona ni dok mbà kazì mazi ma gureina mi.