Ezekiyel 28:17 - Bible azumeina

¹⁷ Kayam djif mangâ ang hle yang akulo, ang b’lak ne manga woi ki wile manga. An nga ni zud’ung kä andaga, an nga ni mbud’ung vama amuleina a golom isâ.

Ezekiyel 28:17 Referans Kwoze

Ezekiyel 28:5

Yam we mang nga kal heîd’a ki mbut abo mangâ, ang tok ndjondjoîd’a ngola; yam ndjondjoî manga, ang hle yang akulo.

Jacques 4:6

Wani nga mi vei suma d’a kala, kayam mbaktumba hAlonid’a ti dala: Alona nga mi noî suma a nga le yam mba ad’engina woyo, wani nga mi ve suma lulumana sumad’a.

Ezekiyel 31:10

Ni kayam ndata ba, Ma didina mi dala: Mi wul fiyaka gak yam mbi do d’ugula, mi hle yam akulo yam fiyak mamba.

Ezekiyel 28:2

Ang gor sana, ang de mamul ma Tir-râ ala: Salad’a Ma didina mi dala: Ang hle yang akulo, ang dala: An nAlona! An nga ni kak yam zlamba hAlonid’a kä kur alum ma ngolâ. Ang mbut tang d’igi Alona na! Wani angî sana, ang nga nAlona d’i!

Wana ni Zla d’a Djivi d’a Luc mi b’irita 14:11

Kayam nge nge pî ma mi hle yam akulona, a mba hulongôm yam kä, sama ge yam kä na, a mba hlum yam akulo mi.

Ezekiyel 32:10

An mba ni tinizi á zlak kangû. Fata an hle mbigeu man nda fiyaka akulo avorozid’a, amulei mazina mandarâ mba mi lazi kangû. Fata an ni gang kä d’a, nge nge pî adigazi mba mi zlak abo mandarâ yam ari mamba ata yima lara ge pet.

Ezekiyel 28:7

gola! An nga ni mba kandjaf suma dingâ á durungû. Ni suma asa’at mazid’a kal la hi ndrozinid’a. Azi mba kang ne mang nga kal teglesa woi ki mbigeu mazi d’a fiyaka, a mba mired’eng subur manga kä mi.

Ezekiyel 23:48

An mba ni d’el tcho d’a led’a kur ambasa. Aropma pet a mba had’a, a mba le tcho d’a b’oziyo d’a mbà ndata a lata d’uo d’a.

Ezekiyel 16:41

Azi mba ngalak aziyak ma tetengâ woi kakud’a, a mba kak sariyad’a kak kä ir aropma ablaud’a. An mba ni d’elek bei le gaulangâ, ndak mba d’i wurak sa bugol luo d’a.

Jeremi 8:9

Gola! Suma ned’a a mbut zulona, mandarâ mi vaziya, a ve wa ki dauna. A gol zlad’a hi an Ma didinid’a is, ne mazid’a djivi mata ni me kazi ge?

Zla d’a d’ogolâ 16:18

Yam mba ad’enga ti mba navok b’laka, subur tad’a ti mba navok puka mi.

Zla d’a d’ogolâ 11:2

Ata yima yam mba ad’enga ti mbana, zulona mi mba mi, wani ned’a ti mba ni ki lulumad’a.

Sawal la giled’a 147:6

Ma didina nga mi ndjun suma lulumana, nga mi hulong yam suma asa’atna kä gak andaga mi.

Sawal la giled’a 73:18

Gagazi, ang tinizi ata yima azlard’eina, ang zud’uzi kä kur yima b’laka.

Ezekiyel 19:12

Wani a pad’at tei ki hur ma zala, a gat kä woi andaga. Simet ma abo ma yorogona mi sot vud’ut teyo, abot ma ad’engâ mi kus mi so woyo, akud’a ti ngalam mbei mi.

Ezekiyel 26:16

Amulei suma avun alum ma ngolîna pet a mba tchuk asezi kä woi yam zlumiyô mazi suma amula, a mba fok baru mazi d’a nglod’a woyo, a mba ar baru mazi ma d’udjod’a woi mi, a mba tchu’î mandarâ atazi d’igi baruna na, a mba ka’î kä andaga. Ata yima lara pî a mba zlaga, a mba mbut hohoud’a kang mi.

Ezekiyel 27:3

ma nga kaka avun alum ma ngolâ ma nga mi mbut abom ki suma ablau suma a nga kaka avun alum ma ngolîna, ang dum ala: Salad’a Ma didina mi dala: Ang azì ma Tir ma nga subur tang yam djif mangîna!

Ezekiyel 27:4

Hagad’a hi leu mangid’a ti ni tinï hur alum ma ngolâ. Suma a miningâ a mining djifâ heî.

Ezekiyel 28:15

Angî sama iratna kur tit manga, kur bur ma a langâ dei gak bur ma tchod’a ti nde tat tei atangâ.

Isai 25:12

Mba mi togi gulumun magi ma fiyak ma ad’eng ma ngunguna woyo, mba mi tom kä woi andaga ndjandjap mi.

Isai 26:5

Mi zut suma a nga kaka akulo ata yima ndingîna kä, mi zut azì ma ngol ma akulo ata yima ndingîna kä andaga, mi tom kä woi andaga ndjandjam mi.

Daniel 11:12

Amul ma abo ma sutna mba mi hle yam akulo ngola yam kus ndata. Azigar suma ablau suma dudubu ndazina mam mba mi tchaziya. Hina pet pî, mam tam mba mi kus ayîna d’i.