Ezekiyel 28:16 - Bible azumeina

¹⁶ Yam abo mang ma mbut ma kal teglesâ, ang mbut sama asa’atna, ang le tchod’a. An nga ni zud’ung kä woi yam ahina manda. Ang tcherebê ma ngom yina, an nga ni vid’ing ngei aduk ahina d’a akud’a.

Ezekiyel 28:16 Referans Kwoze

Habakuk 2:17

Kayam ang ka agu d’a Liban-nda woyo, ki tchetchemba, Alona mba mi kang ngei mi. Ang tchazi d’uwar mazina, Alona mba mi tchang mangâ mi; kayam ang tchi suma, ang b’lak ambasa kazì ma nglona ki suma kuruma mi.

Habakuk 2:8

Kayam ang hurum andjaf suma ablaud’a heî, ad’uzi d’a ar pet wanda a mba hurumung ang mi. Ni kayam tchi d’a ang tchi sumid’a, ni kayam b’lak ka ang b’lak ambasa kazì ma ngolâ ki suma a nga kuruma mi d’a.

Jean 2:16

Mi de mi suma gus gugud’a woina ala: Agi yogi ahle ndazina sä woyo. Ar agi mbud’ugi gonga hAbunda ni gong nga mbut abona d’i.

Ezekiyel 8:17

Mi dan ala: Ang gor sana, ang we d’ang zu? Na ni ndjendje d’a Israel-lâ a nga lat ka hid’a ti ndagazi nga d’uo tua zu? A nga oî yam ambasa ki murud’umba á djiu hur man ma zala akulo, a nga hud’ï abo aguna atchinazi mi.

Ad’u Tinda 3:24

Kid’a mi digim mbei dad’a, mi tin tcherebêna abo ma yorogona hasine ma Eden-na ki mbigeu d’a fiyak ka siyat ngal d’igi sïna akud’a na d’a á ngom lovot ta i ata agu ma he arid’ina.

Vama ndum mbeina 12:9

Dragon máma a gumï kä, ni gugui ma mamar ma a yum ala Diable d’oze Seitan na na, ni ma nga mi lop suma yam andagad’a petna. A gumï kä yam andagad’a, a tchugï malaika mama kä woi zlapa ki sed’em mi.

Sofoni 1:9

Kur bur máma an mba ni ngop suma a nga pir yam agu ma avun gongina ki suma a nga oî azina hi salazina ki ndjondjoî d’a murud’umba ki d’a mbut irina.

Mise 6:12

Suma ndjondjoî suma kur azì mámina huruzi mi ni oîd’a ki murud’umba, suma a nga kaka kuruma a ni suma ka zlad’a, sinazi ti de ni zla d’a mbut ira.

Mise 2:10

Agi tchologi akulo, agi igiya! Nga ni yima tuk tad’a d’i! Kayam tcho magid’a, b’lak ka ngola nga d’i mba kagiya, ni b’lak ka kal teglesa.

Mise 2:2

A nga le d’od’oka yam asinena hi sumina, a hlumu, a nga le d’od’oka yam azina hi sumina, a hlum mi. A nga hurum suma ki sum mazina, a nga le sana murud’umba á hle djo mama mi.

Amos 3:9

Agi tchagi wala akulo yam azì ma amul ma Asdot-na, yam azì ma amul ma Ezipte-na ala: Agi togogi tagi akulo yam yima nding ma Samari-na, agi gologi siwel la gandjaud’a ki murud’um mba a nga lat ata tazid’a.

Wana ni mbaktumba hi Oze-d’a 12:7

mi de mi Jakob ala: Ang hulongî gen an Alo mangâ mbeî, ang le djivid’a, ang tit yam d’ingêra, ang tin hurung kan an Alo mangâ burâ ki burâ mi.

Ezekiyel 28:14

Adjeu angî tcherebê ma ngom yina ma gigingâm nga b’era woina. An tiningî anu. Ang nga akulo yam ahina man nda an tinit irat vata, ang ngui tita aduk ahina d’a akud’a.

Isai 23:9

Ni Ma didin ma ad’engêm kal petna ba, mi nga hurum hina á hulong yam suma yam mba ad’eng suma a nga subur tazina kä, á hulong yam suma pet suma a nga hazi ngola ka hî yam andagad’ina yazi kä mi.

Isai 22:19

Ma didina mi dang ala: An mba ni diging ngei kur sun manga, an mba ni pad’ang ngei ata yang ma kaka mi.

Ad’u Tinda 6:11

Alona mi we suma yam andagad’ina a mbut vama b’laka avoromu, arî asa’at ta led’a sasak,

Abdiyas 1:3

Yam mba ad’eng magid’a ti vid’igi wa woyo. Agi suma nga kak aduk ahuniyôna ata yima sana ndak á lagi va kua d’uo na, agi nga dagi ala: Ni nge ba, mba mi digimi woi kua ge?