Ezekiyel 27:23 - Bible azumeina

²³ Azì ma ngol ma Haran-na, ma Kane-na ki ma Eden-na, suma mbut abozi suma Saba-na ki suma Asiri-na ki suma Kilmat-na a nga mbut abozi ki sed’engû.

Ezekiyel 27:23 Referans Kwoze

2 Amuleina 19:12

Kid’a abuyon suma avorona a b’lak Gozan ki Haran ki Resef ki Telasar azì ma ngolâ hi suma Eden-na, alona handjaf sum ndazina mi sud’uzi woi zu?

Isai 37:12

Kid’a abuyon suma avorona a b’lak Gozan ki Haran ki Resef ki Telasar azì ma ngolâ hi suma Eden-nid’a, alona handjaf sum ndazinina mi sud’uzi woi zu?

Amos 1:5

An mba ni kus kawei ma murguli ma avun azì ma ngol ma Damas-sîna woyo, an mba ni dap suma a nga kaka kä kur hor ra Bikat-Aven-nda ki ma nga mi tamula yam suma hi Bet-Eden-na woi mi. Suma Siri-na a mba yozi magomba izi Kir. An Ma didina ni de na.

Ad’u Tinda 10:22

Sem groma ba wana: Elam, Asur, Arpaksat, Lut ki Aram.

Sunda hi suma a sunuzinid’a 7:4

Ata yi máma, mi ar ambas sa Kalde-d’a, mi i kak kur Haran. Bugol matna habuma, Alona mi djogom kur andaga d’a agi nga kaka kur ki tchetchem wandid’a.

Amos 6:2

Agi igi Kalne, agi gologiya. Ata yi máma agi igi Hamat ta ngola, agi kalagi igi Gat ta Filistê-d’a. Azi nga i avogovok kal leu magid’a djak su? D’oze andaga mazid’a ti bubud’a kal magid’a zu?

Isai 10:9

Azì ma Kalno-na mi ni d’igi azì ma Karkemis-sâ na d’uo zu? Azì ma Hamat-na mi ni d’igi azì ma Arpat-na na mi d’uo zu? Azì ma Samari-na mi ni d’igi azì ma Damas-sâ na mi d’uo zu?

Isai 7:20

Kur bur máma Ma didina mba mi ndeï ki velâ sä abo alum ma Efrat-na woi hî. Ni ngad’a yam amul ma Asiri-na. Mam mba mi welegi yagi woyo, mba mi welegi tumus sa atagid’a ki d’a dudumagid’a woi pet mi.

Isai 7:18

Fata bur máma mbad’a, Ma didina mba mi yi aro ma avun alum ma Nil-lîna taud’a kayum ma yam ambas sa Asiri-d’ina mi.

Sawal la giled’a 83:8

suma Gebal-lâ, suma Amon-na, suma Amale’â, suma Filistê-na ki suma a nga kaka avo Tir-râ mi.

Wana ni mbaktumba hi Job-pa 1:15

Suma Sabe-na a mba nde kaziya, a yoziya, a tchi azungeîna woi ki mbigeu d’a fiyaka. Ni an tu ba, ni sud’a, ni mba á dang wana!

Ndumba 24:22

Wani agi suma Ken-na, fata suma Asiri-na a mba yogi magombid’a, a mba ngalagi aziyagi woyo.

Ad’u Tinda 32:22

Kur andjege ndata Jakob mi tchol mi yo arubuyom suma mbàna ki yugunei mazi suma mbàna ki grom suma dogo yam tuna, mi djak alum ma Jabo’â kasemu.

Ad’u Tinda 25:3

Joksan mi vut Seba ki Dedan; Dedan groma ni suma Asur-râ, suma Letus-sâ ki suma Leuma-na.

Ad’u Tinda 12:4

Abram mi i d’igi Ma didina mi dum na; Lot mi i ki sed’em mi. Ata yima Abram mi ar ambas sa Haran-ndina, bizamî dok kid’iziya yam vahl.

Ad’u Tinda 10:10

Azì ma ngol ma kur leu mambina ni Babel, Erek, Akat ki Kalne; azi pet ni kur ambas sa Sinar-ra.

Ad’u Tinda 2:8

Bugola, Ma didina Alona mi tin asinena kur Eden abo ma yorogona, mi tin sama mi luma kuru.

Ezekiyel 27:24

A nga mba ki baru ma djifâ ki baru ma botlozina ki ma a tchilima ki ma d’udjo mamba tetengâ ki ma d’udjo mamba ndundub’u’â ki ziyo ma par ma ad’engâ mi á mbut abozi ki sed’engû.

Ezekiyel 32:22

Gola! Amul ma Asiri-na mi nga kua ki azigar mama. Asud’a hi azigar mam suma a tchazi avun ayînina pet ti nguyumu.

Ezekiyel 38:13

Suma Seba-na ki suma Dedan-na ki suma mbut abozi suma Tarsis-sâ ki suma a nguyuzina pet a mba djobong ala: Ang mba ná yo ahlena zu? Ang tok azigar ndazina ná hurumba, ná yo kawei ma hapma ki lora ki d’uwar mazina ki ndjondjoî mazid’a á oî ahlena abong ngola zu?

Ad’u Tinda 10:28

Obal, Abimayel, Seba,