Ezekiyel 27:15 - Bible azumeina

¹⁵ Suma Dedan-na a mbut abozi ni ki sed’engû, suma kur tilina ablaud’a a mbut ni suk mangâ, a nga mbang ki sï ahlo’â kagu ebena á gus ahle mangâ.

Ezekiyel 27:15 Referans Kwoze

Vama ndum mbeina 18:12

Lora, kawei ma hapma, ahina d’a guzut kal teglesa ki hed’eu ma ngal wiwili’â ki baru ma hap ma luluîna ki baru d’a hleu d’a kekenga kagu ma tchet ma guzum kal teglesâ ki kawei ma hleuna ki kawei ma ged’a kahina d’a hleud’a,

1 Amuleina 10:22

Amulâ mi nga ki batod’a ablaud’a kur alum ma ngolâ d’a nga d’i i Tarsis-sa zlapa ki d’a hamulâ Hiram-mba. Kur bizad’a hindi bato ndata nga d’i mba ki lora ki kawei ma hapma ki sï ahlo’â ki virâ kalei pawona mi.

Ad’u Tinda 10:7

Kus groma ba wana: Saba, Havila, Sapta, Rayema ki Sapteka. Rayema groma ba wana: Seba ki Dedan.

Ezekiyel 27:20

Suma Dedan-na a nga mbut abozi ki sed’eng ki borogo ma a zlubum huyok akulumeinina.

Jeremi 25:23

An hum mi suma Dedan-na, mi suma Tema-na, mi suma Bus-sâ ki suma pet suma a nga wel tumus sa dudumazid’a woi abo tutuna mi.

Ezekiyel 25:13

Ni kayam ndata ba, an Salad’a Ma didina ni dala: An nga ni hlabon kan akulo á dur suma Edom-ma, an nga ni tchi suma woi ki d’uwarâ, an nga ni b’lagat teyo, ni tinï ad’ud’a Teman dei gak mba Dedan, a mba tchazi woi ki mbigeu d’a fiyaka.

Jeremi 49:8

Agi suma nga kaka Dedan-na, agi mbud’ugi iragi agi ringîgiya, agi i ngeyegi kur zul ahinad’a, kayam an nga ni mba ki b’laka yam agi andjafâ hi Esau-na, kayam yima a ngam á lagi ndaka kuana, mi mba wa.

1 Sunda Hamuleinid’a 1:32

Abraham amam mba gora Ketura grotna ba wana: Ti vut Zimran, Joksan, Medan, Madiyan, Jisbak ki Suwa. Joksan groma ba wana: Seba ki Dedan.

1 Sunda Hamuleinid’a 1:9

Kus groma ba wana: Saba, Havila, Sapta, Rayema ki Sapteka. Rayema groma ba wana: Seba ki Dedan.

Ad’u Tinda 25:3

Joksan mi vut Seba ki Dedan; Dedan groma ni suma Asur-râ, suma Letus-sâ ki suma Leuma-na.

Isai 21:13

Wana ni zla d’a a dat yam Arabi-d’a: Agi suma Dedan suma tid’igi ki djambalina, agi mba burugi sä woi abagei Arabi.

Ezekiyel 38:13

Suma Seba-na ki suma Dedan-na ki suma mbut abozi suma Tarsis-sâ ki suma a nguyuzina pet a mba djobong ala: Ang mba ná yo ahlena zu? Ang tok azigar ndazina ná hurumba, ná yo kawei ma hapma ki lora ki d’uwar mazina ki ndjondjoî mazid’a á oî ahlena abong ngola zu?

2 Sunda Hamuleinid’a 9:21

Amulâ mi nga ki batod’a ablaud’a nga d’i i Tarsis zlapa kazungeîna hi Hiram-ma. Kur bizad’a hindi bato ndata nga d’i mba ki lora ki kawei ma hapma ki sï ahlo’â ki virâ kalei pawona mi.