Ezekiyel 25:13 - Bible azumeina

¹³ Ni kayam ndata ba, an Salad’a Ma didina ni dala: An nga ni hlabon kan akulo á dur suma Edom-ma, an nga ni tchi suma woi ki d’uwarâ, an nga ni b’lagat teyo, ni tinï ad’ud’a Teman dei gak mba Dedan, a mba tchazi woi ki mbigeu d’a fiyaka.

Ezekiyel 25:13 Referans Kwoze

Ezekiyel 29:8

Ni kayam ndata ba, an Salad’a Ma didina ni dala: Gola! An nga ni mba ki mbigeu d’a fiyaka kang á durungû, an mba ni dap suma woi ki d’uwarâ kur ambas manga.

Jeremi 25:23

An hum mi suma Dedan-na, mi suma Tema-na, mi suma Bus-sâ ki suma pet suma a nga wel tumus sa dudumazid’a woi abo tutuna mi.

Habakuk 3:3

Alona mi tcholï Teman; Ma bei tchod’a ba na mi tcholï yam ahina d’a Paran-nda. Tchol ndjö Ngol mamba ti duk ir akulod’a, subur mamba ti oî yam andagad’a.

Abdiyas 1:9

Agi suma Teman-na, mandarâ mba mi ve grang magi suma durâ, azigar suma kur ambasina pet, a mba tchazi woi mi.

Amos 1:12

an mba ni do akud’a ata azì ma Teman-na, ti mba d’i ngal azì ma ad’eng ma ngungu ma Bosra-na woi mi.

Ezekiyel 25:16

An nga ni hlabon kan akulo á dur suma Filistê-na, á tchi suma Filistê suma Keret suma a mba ar avun alum ma ngolîna, á dabazi woi mi.

Ezekiyel 25:7

Ni kayam ndata ba, an nga ni hlabon kan akulo á ngobogiya, an nga ni hagi abo andjaf suma dingâ á mbut va mazi ma ved’a, an nga ni yogi woi aduk suma, an nga ni ndjoyôgi woi yam ambasa, an nga ni b’lagagi woyo. Hina wani, agi mba wagi ala an ni Ma didina.

Ezekiyel 14:17

D’oze le an mba kayî ma durâ yam ambas ndata, le an ni dala: Ar ayî ma durâ mi b’rau woi hurud’u, le an tchi suma woi ki d’uwarâ,

Ezekiyel 14:13

Ang gor sana, le suma kur ambasa a le tchod’a avoronu, le a he tazi á le sun nda batranga, le an zi abon kazi akulo, le an yo te mazina woyo, le an sun baktarad’a kaziya, le an tchi suma woi ki d’uwarâ adigaziya,

Ezekiyel 14:8

An mba ni mbut iran ni ngop sa máma, an mba ni mbud’umî vama taka ki vama ndala, an mba ni pad’am mbei aduk sum mana. Hina wani, agi mba wagi ala an ni Ma didina.

Jeremi 49:20

Kayam ndata, agi humugi zla d’a Ma didina mi ngat kurum yam suma Edom-mid’a, agi humugi nga hur ma mi ngam kurum yam suma a nga kaka Teman-na mi. Gagazi, a mba tanazi d’igi suma a tan d’uwar ma gureina na. Gagazi, a mba b’lagazi yazi ma kaka woi mi.

Jeremi 7:20

Kayam ndata, Salad’a Ma didina mi dala: Gola! An tchol kayîna ki hur ma zala yam yima wana, yam suma, yam d’uwarâ, yam agu ma abageina, yam ahle suma a nga vut yam andagad’ina mi. Ayî mana mba mi ngalazi woi d’igi akud’a na bei mit tei ba.

Ad’u Tinda 36:11

Elifas groma ba wana: Teman, Omar, Sefo, Gatam ki Kenas.

Ad’u Tinda 6:7

mi de kurum ala: An mba ni dap ahle suma an lazi yam andagad’ina woyo, nala, suma, azureina, ambureina, ahle suma a dram kä na kaluweina, kayam an hurun hat ngola yam le d’a an lazid’a.

Ad’u Tinda 36:34

Jobap mi mid’a; Husam ma yam andaga d’a Teman-ndina, mi vrak tamula blangâmu.

Sawal la giled’a 138:7

Le an i avok kur ndaka ni, ang nga ndjununu, ang nga ngop man suma djangûna kur ayî mazina, ang nga mad’ï abong ma ndjufâ á sud’unu.

Jeremi 49:13

An Ma didina, ni gun tan ki an tanda ala azì magi ma ngol ma Bosra-na mba mi mbut ni vama hohoud’a, vama ngula, vama b’laka ki vama ge vuna. Azì mam ma nglo ma nguyuma pet mba mi b’la’î b’lak ka didinda.

Ezekiyel 27:15

Suma Dedan-na a mbut abozi ni ki sed’engû, suma kur tilina ablaud’a a mbut ni suk mangâ, a nga mbang ki sï ahlo’â kagu ebena á gus ahle mangâ.

Ezekiyel 32:29

Gola! Suma Edom-ma kamulei mazina ki mazi suma nglona a nga kua mi. Wani kad’eng mazid’a hina pet pî, a tozozi zlapa ki suma a tchazi avun ayînina, a tozozi zlapa ki suma bei ngat bayâ suma a i kä azuleina.

Ezekiyel 35:3

Ang dat ala: Salad’a Ma didina mi dala: Gola! Ndak ahina d’a Seir-ra, an nga ni iza atagu, abon nga zid’a akulo kan atagu, an nga ni arak vak wiwir ni mbud’uk fula.

Ezekiyel 35:9

An mba ni mbud’uk djona ki irak fafat. Sa mba mi kak kur azì mak ma nglona d’uo d’a. Hina wani, ndak mba d’i wala an ni Ma didina.

Ezekiyel 38:13

Suma Seba-na ki suma Dedan-na ki suma mbut abozi suma Tarsis-sâ ki suma a nguyuzina pet a mba djobong ala: Ang mba ná yo ahlena zu? Ang tok azigar ndazina ná hurumba, ná yo kawei ma hapma ki lora ki d’uwar mazina ki ndjondjoî mazid’a á oî ahlena abong ngola zu?

Ezekiyel 27:20

Suma Dedan-na a nga mbut abozi ki sed’eng ki borogo ma a zlubum huyok akulumeinina.