Ezekiyel 23:42 - Bible azumeina

⁴² Suma ablaud’a a mba avo hataziya. Suma a nga hum siwel la furîd’a hi suma ablau suma a tcholï hur fulâ abom ma lara ge petna avo hataziya, a tchuk wulaka del abo b’oziyo d’a mbà ndata, a d’ud’uzi kadamul la djifâ kazi mi.

Ezekiyel 23:42 Referans Kwoze

Vama ndum mbeina 12:3

Vama simat ma dingâ mi tcholï akulo. Gol wani, nambur dragon ma hleuna mi nga ki yamba kid’iziya kadifa dogo, avavala ti nga ata yam tutu pet mi.

Joel 3:8

An mba ni guzugi grogi suma andjofâ ki grogi suma aropma woi abo suma Juda-na. Azi mba hulong guzuzi woi abo suma Sabe suma sä deina mi. Wana ni zla d’a Ma didina mi data.

Wana ni mbaktumba hi Oze-d’a 13:6

Ata yima an hagi tena ndak yam mei magid’ina, agi hobogiya, agi hlagi yagi akulo. Ni kayam ndata ba, agi maragi kanu.

Wana ni mbaktumba hi Job-pa 1:15

Suma Sabe-na a mba nde kaziya, a yoziya, a tchi azungeîna woi ki mbigeu d’a fiyaka. Ni an tu ba, ni sud’a, ni mba á dang wana!

Buzuk ka Abud’a 32:6

Tcha ndjivin yorogo tcholol, azi tchol a hahle suma ngat buzu suma ngala kahle suma ngat buzu suma zlap darigïd’a, a kak kä á ted’a, á tched’a. Bugola, a tchol akulo á luna.

Ad’u Tinda 24:30

Kayam mi we ngangama ki wulaka abo wiyemba, mi hum zla d’a wiyemba Rebeka dumzi ala: Sa máma mi dan na, mi dan na d’a, mi i gen sama nga tchola ki djambala avun golongina.

Sawal la giled’a 73:12

Wana ni suma asa’atna sun mazid’a: Azi nga kur halasa burâ teteu, bege mazid’a nga d’i zul avogovok mi.

Jeremi 51:7

Adjeu Babilon ni kop ma lor ma mi nga ved’a abo Ma didinina, ni ma mi gurut suma yam andaga woi petna. Andjaf suma a tche süm guguzlu mata. Ni kayam ndata ba, andjaf suma yazi d’i b’lak ki wana!

Ezekiyel 16:49

Wana ni tcho d’a wiyeka Sodom ti lata: Ti le yam mba ad’enga, ti kak kur duzîd’a, ti kak bei djib’era ba. Azi ki grot suma aropma a ndjun nga suma hohoud’a ki suma houd’a d’i.

Ezekiyel 27:22

Suma mbut abozi suma Saba-na ki suma Rama-na a nga mbut abozi ki sed’engû. A nga mba kandjaf mbul ma his ma afufuî ma kal teglesâ, andjaf ahina d’a guzut kal teglesa ki lora mi.