Ezekiyel 23:38 - Bible azumeina

³⁸ Vama azi landjina wan d’ei: A mbud’un yi man ma an tinim iram vama ndjendjed’a kur bur máma baba, a mbud’un bur man ma sabatna ndjendjed’a mi.

Ezekiyel 23:38 Referans Kwoze

Ezekiyel 20:13

Wani Israel-lâ a tchol huneîd’a ki sed’en hur fulâ. Azi tit nga yam gat manda d’i. Azi ar vun man ma hed’a woyo. Nahle sumala mbeî sana le mi le sunda kaziya ba, mi kak karid’a na. Azi mbut bur man ma sabatna ndjendjed’a ngola kala. An djib’er ala an mba ni zal hurun kazi gak ni dabazi woi hur fulâ.

Ezekiyel 20:24

kayam azi le nga sunda yam vun man ma hed’a d’i, a ar gat manda woyo, a mbut bur man ma sabatna ndjendjed’a, a tin irazi ni yam fileina habuyozi ngolona mi.

Ezekiyel 7:20

Azi subur tazi yam ahle mazi suma ndjondjoî suma djifâ, a yorozi filei mazi ma ndjendjed’a. Ni kayam ndata ba, an mba ni mbud’uzi ahle suma ndjendjed’a iraziya.

2 Amuleina 21:7

Mi tin alo d’a a yat ala Asera d’a mam minita kur gong nga kud’ora hi Ma didina d’a mam de mi David azi ki goroma Salomon kat ala: Ni kur gong nga avo Jerusalem mba an manat aduk andjafâ hi Israel-lîna peta ba, simiyên mba mi kak kua gak didinu d’a.

Ezekiyel 22:8

Ang nga golon yi man ma an tinim iram vama is, ang nga b’lagan bur man ma sabatna mi.

Jeremi 17:27

Wani le agi humun nga d’uo, le agi tinigi nga bur ma sabatna iram vam mbuo, le agi yogi ahlena kagi á kalagi ki vun agrek ma Jerusalem-ma ni, ata yi máma an mba ni do akud’a atazi ma ngolâ, mba mi ngal azì ma nglo ma djif ma Jerusalem-ma woyo, ti mba d’i mit tei d’i.

2 Amuleina 21:4

Mi min yima ngal ahle suma ngat buzuna teteng á kud’or fileina kur gong nga kud’ora hi Ma didina d’a Ma didina mi de kat ala: Ni kur Jerusalem ba, simiyên mba mi kak kua d’a.

Ezekiyel 5:11

Ni kayam ndata ba, an Salad’a Ma didin ma bei matna nga ni dagiya: Kayamba agi mbud’un yi man ma an tinim iram vama ndjendjed’a ki filei magina pet ki sun magi d’a ndjendjed’id’a, an tanda mba ni hle iran ndei kagi bei ni wagi hohowogiya, an mba ni ngobogi bei ni wagi hohowogi ba mi.

Ezekiyel 20:39

Agi Israel-lâ, Salad’a Ma didina mi dala: Agi igiya, ar nge nge pî mi i tuwal filei mama! Wani bugola, agi mba humunu, agi mba mbud’un simiyên ma bei tchod’a ndjendjed’a ki he d’a hawa d’a agi nga hat mi filei maginid’a d’uo d’a.

Ezekiyel 22:26

Mat suma ngat buzuna a nga tchila yam gat manda, a nga mbut yi man ma an tinim iram vama ndjendjed’a, a nga wal ir vama an tinim iram vama woi ki vama ndjendjed’a d’i, a nga wal ir vama ndjendjed’a woi ki vama yed’etna d’i, a nga djib’er yam bur man ma sabatna d’uo mi. Kayam ndata, a mbud’un ndjendjed’a adigaziya.