Ezekiyel 23:3 - Bible azumeina

³ A mbut tazi gaulangâ avo Ezipte, a mbut gaulangâ ni ki gugurei tazi d’ei. A lamazi apozi ni kolâ, a dozi apozi ni bei azi ngaf ki mandjuf ba.

Ezekiyel 23:3 Referans Kwoze

Sunda hi suma hi Levi-nid’a 17:7

Ar azi ngat ahle mazi suma ngat buzuna mi filei ma mi hle tam dedege d’igi mbekmberena na na d’i. Ar azi mbut tazi ndjendjed’a ki sed’em mbi. Gat ndata ti arî gat ta didinda kazi kandjavaziya.

Ezekiyel 16:22

Ndak kur ndjendje maka hina pet, kur gaulang ma’â, ndak djib’er nga yam yima ndak ki gogorok ata yima ndak nga gandilad’a kezigineû ndak nga d’i bulul kä aduk buzuwa’â d’i.

Josue 24:14

Josue mi de kua ala: Ki tchetchemba, agi lagi mandara Ma didina, agi lum sunda ki hur ma tuna, agi kagagi ni suma d’engzengâ avoromu, agi tchugugi alo ma abuyogi ngolo a kud’uromï sä abo aluma abo hî na d’oze alo ma Ezipte-na woyo, agi lagi ni sunda mi Ma didina.

Wana ni mbaktumba hi Oze-d’a 2:15

An Ma didina ni dala: An mba ni wuragat yam bur ma ndat ti ngal dubang ma his djivid’ina mi Bäl ti nik ngangama atchinat ti tchuk hed’euna kelet ti ring bugol buniyôtna ti maran ndei na.

Ezekiyel 23:21

Ndak Oholiba, ndak nga d’i djib’er yam tcho mak ka ki gogorok ka ndak nga avo Ezipte kid’a a lamak apok a dok apok ki gogoroka.

Ezekiyel 23:19

Wani ti nga d’i i avogovok ki gaulang matna, nga d’i djib’er yam bur ma ndat nga ki gogorot kid’a ndat nga d’i le gaulangâ avo Ezipte-d’a.

Ezekiyel 23:8

Ti nga d’i i avogovok ki gaulang mat ma ti tcholï ki sed’em Ezipte-na, kayam a zlap ki sed’et ni kid’a ndat ki gogorota dei, a lamat apot ni kid’a ndat ki gogorota dei, a le gaulang mazina ki sed’et mi.

Ezekiyel 20:8

Wani azi tchol huneîd’a ki sed’enu, a humun nga vunan ndi. Sa tu pî, mi ar nga ahle suma ndjendje suma mam le d’od’oka kazina woi d’i, a ar nga filei ma Ezipte-na woi d’uo mi. An djib’er ala an mba ni zal hurun kazi gak ni dap vun ayî mana kazi kur ambas sa Ezipte-d’a.

Gat ta a hat á mbàd’id’a 29:16

Agi djib’eregi yam kak meid’a avo Ezipte-d’a, ki kal la ei kalei aduk andjaf ma dingâ, ei kalei woi yam andaga mazid’a mi d’a.

Vama ndum mbeina 11:8

Mad’azi mba mi ar akulo hur azì ma ngolâ, ata yima a b’al Salazina akulo ata aguna kuana. Azì máma a yum ki d’ogolâ ala Sodom mboze Ezipte.

Jeremi 3:9

Israel-lâ kur djib’er mazi d’a afefeta a mbut ambasa ndjendjed’a, a le mizeuna kahinad’a kaguna mi.

Ezekiyel 23:4

Ta ngola a yat ala Ohola, ta gora a yat ala Oholiba. Azi ni mana, a vut gro andjofâ ki gro aropma. Ohola ni Samari, Oholiba ni Jerusalem mi.

Ezekiyel 23:43

Ata yi máma an de zlad’a yam mba ti mbut tat mamara ki mizeunid’a ala ki tchetchemba, a mba le gaulangâ ki sed’et avogovok kang zu?

Wana ni mbaktumba hi Oze-d’a 1:2

Wana ni zla d’a Ma didina mi dat avok mi Oze-d’a: Mi dum ala: Ang i veï atcha d’a nga d’i le gaulangîd’a. Gro suma ang mba vud’uzi ki sed’etna a mba le ni gaulangâ hina mi. Kayam suma kur ambasina a he tazi á le gaulangâ, a hazigazi mi an Ma didina.

Ezekiyel 16:15

Ma didina mi de kua ala: Wani ndak tin huru’î yam djif ma’â, ndak mbut tak gaulangâ yam simiyêk ma nde yinina, ndak nga le gaulangâ ki sama lara ma nga mi kalâ, ndak hum tak mi.

Ezekiyel 20:7

An dazi ala: Ar nge nge pî mi ar ahle suma ndjendje suma mam nga mi le d’od’oka kazina woyo, ar agi mbud’ugi tagi ndjendjed’a ki filei ma Ezipte-na d’i. An ni Ma didina Alo magina.

Ezekiyel 23:34

Ndak mba d’i tchum gak dabam mbeyo, ndak mba d’i to kop máma woi ki siyagu, ndak mba d’i dap apok mbuleina kazlung mamba mi. Ni an Salad’a Ma didina ba, ni de na!