Ezekiyel 23:24 - Bible azumeina

²⁴ Azi nga djï atak durâ kahle suma sïna ki pus ma dur ayîna ki pus ma dingâ teteng mi. Suma ablaud’a mimiyâk a nga min tazi kak á durâ ki mbarei d’a nglod’a ki mbarei d’a gureid’a ki djumba. An mba ni hazi sariyad’a aboziya, azi mba kak sariyad’a kak yam gat mazid’a.

Ezekiyel 23:24 Referans Kwoze

Ezekiyel 26:10

Ablaud’a hakulumei mamid’a mba d’i kulubugi kä ki gugumaziya. Gulumun magina mba mi giget abo siwela hi suma djang akulumei mama, abo pusâ ki pus ma dur ayîna ata yima mam mba mi kal avun agrek magina d’igi sana mi kal kur azì ma ngol ma a hluma na na.

Ezekiyel 23:45

Wani suma d’ingêrâ a mba ka sariyad’a kazi d’igi a ka sariyad’a yam arop suma mizeuna na, d’igi arop suma tchi matna na mi, kayam a le mizeuna, a tchi suma mi.

Ezekiyel 16:38

An mba ni kak sariyad’a kak d’igi a ka sariyad’a yam arop suma mizeuna karop suma tchi matna na, an mba ni arak ndak bulul kä aduk buzuwak yam hur man ma zala ki yungôr mana.

Jeremi 47:3

A hum siwela hasem akulumei mam suma sib’ika, a hum siwela hasem pus mam ma dur ayîna. Abuyod’a nga d’i mbut irat ir grod’a d’i, kayam a mbut amangeîd’a.

2 Samuel 24:14

David mi de mi Gat ala: An nga kur ndak ka ngola! An min ndabo Ma didina, kayam we hohou mamba ti ngola heî. Ar an ndabo suma d’i.

Ezekiyel 21:23

Ma didina mi dan ala:

Ezekiyel 26:7

Kayam Salad’a Ma didina mi dala: Gola! An nga ni mba ki suma abo ma norâ á dur ki agi suma Tir-râ, nala, Nebukanezar amul ma Babilon-na amulâ hamuleinina kakulumeina ki pus ma dur ayîna ki suma djang akulumeina ki suma ablaud’a mimiyâk mi.

Jeremi 52:9

Suma Babilon-na a vumu, a im mamul ma Babilon-na avo Ribla yam ambas sa Hamat-ta. Nebukanezar mi kam sariyad’a kam ata yi máma.

Jeremi 52:11

Bugola, mi tcho ir Sedekiyas seyo, mi gum alei ma kawei ma hleuna asem mi im Babilon, mi gum dangeina gak mat mama.