Ezekiyel 22:11 - Bible azumeina

¹¹ Nge nge pî nga mi le sun nda ndjendjed’a katchad’a hi ndramid’a kurungû, nge nge pî nga mi le sun nda ndjendje d’a ata yat tuo d’a kakunom mba goroma amambid’a kurungû, nge nge pî nga mi b’lak wiyem mba abum gorombid’a kurungû.

Ezekiyel 22:11 Referans Kwoze

2 Samuel 13:14

Wani Amnon mi min hum zla mata d’i. Mi vad’u, mi bur ki sed’et kad’enga.

Sunda hi suma hi Levi-nid’a 20:17

Le sana mi ve wiyem mba abum gorombid’a d’oze wiyem mba asum gorotid’a atchad’a ni, azi le ni vama ndjendjed’a. A mba digizi woi aduk sum mazina. Mi mba mi hlaneka hi tcho mambid’a kayam mi ve ni wiyemba.

Sunda hi suma hi Levi-nid’a 18:15

Ar ang bur kakunong nga gorongâ amambid’a d’i, kayam ndat natchad’a hi gorongîd’a. Ar ang bur ki sed’et ti.

Sunda hi suma hi Levi-nid’a 18:9

Ar ang bur ki wiyeng nga abunga d’oze wiyeng nga asung nga a vud’ut kä avod’a d’oze d’a a vud’ud’ï woi yam andagad’a dingid’a d’uo mi.

Ezekiyel 18:11

le mi hle nga balum asem abum mbuo, le nga mi tahle suma a hazi mi fileina akulo yam ahuniyônina, le nga mi lop vun atchad’a hi ndramid’a, le nga mi b’at ahlena abo sama hohoud’a ki ma houd’a kad’enga, le nga mi kula,

Sunda hi suma hi Levi-nid’a 20:12

Le sana mi bur kakunom mba goroma amambid’a ni, azi djak, a tchazi woyo, kayam a le ni vama zulona. Buzuwazi mba mi hulong kaziya.

Sunda hi suma hi Levi-nid’a 20:10

Le sana mi le mizeuna katchad’a hi ndramid’a ni, mandjufâ katcha ndata djak, a tchazi woyo.

Sunda hi suma hi Levi-nid’a 18:20

Ar ang bur katchad’a hi ndrangâ á mbut tang ndjendjed’a ki sed’et ti.

Hebre-na 13:4

Ar tela ti ka’î vama hud’a avok suma pet. Ar atchad’a ki ndjuvut a ka’î suma d’engzengâ aduk taziya, kayam Alona mba mi ka sariyad’a yam suma e’eûd’a ki suma mizeuna.

Galat-na 5:19

Wani sunda hi sa mei ma adjeunid’a ti ni woi abu pid’agï, nala, mizeuna, ndjendjed’a, gaulangâ,

1 Korente-na 6:9

Agi wagi tetet ala suma a lahle suma ata yazi d’uo na a mba kal kur leud’a hAlonid’a d’uo d’uo zu? Ar agi lobogi tagi d’i. Suma mizeuna, suma tuwal fileina, suma e’eûd’a, suma a bur ki ndrozi andjofîna,

Malatchi 3:5

Ma didin ma ad’engêm kal petna mi dala: An mba ni hud’ï atagi go á ka sariyad’a, mba ni b’at tan á le glangâsa yam suma kuma suma fileina ki suma mizeuna, yam suma a nga gun tazi ir gurzulina, yam suma a nga he wuraka d’uo mi suma a nga lazi sundina, yam suma a nga le ir arop suma modonod’a ki suma hokuyod’ina, yam suma a nga we angoyogeina tchet tuo na, yam suma a nga ringîn mandaran nduo na mi.

Jeremi 29:23

Kayam azi le sun nda tchod’a aduk Israel-lâ, a le mizeuna karopma hi ndrozinina, a de zla d’a ka d’a an hazi nga vuna kat tuo d’a ki simiyênu. An ni we, an ni glangâsâ. An Ma didina ni de na.

Jeremi 9:2

Ladjï an mbut ni yima kaka abagei hur fulâ yam suma tita ni, an mba ni ar sum mana woyo, an mba ni wal lei dei ki sed’ezi mi, kayam azi pet ni suma le mizeuna, a nades ma mbut ira mi.

2 Samuel 13:1

Bugol ahle ndazina, ahle suma lena ba wana: Apsalom David goroma wiyemba nga, ti djif heî, a yat ala Tamar. Amnon David gorom ma dingâ hurum vat heî.

Gat ta a hat á mbàd’id’a 27:22

Sama mi bur ki wiyem mba abumba d’oze wiyem mba asumbina, Ma didina mi gum vuna! Ablau suma petna a hulong ded’a ala: Amin!

Gat ta a hat á mbàd’id’a 22:22

Le a ve sana mi bur katcha d’a a telet tei dad’a ni, mandjufâ katchad’a djak, agi tchazi woyo. Hina wani, agi mba d’elegi tcho d’a led’a woi aduk Israel-lâ.

2 Samuel 13:11

Ata yima nga d’i hum tenina, mi vat del abod’u, mi dat ala: Wiyenda, ndak mbeï an bur ki sed’egu!

Ezekiyel 18:6

Sama hina na nga mi tahle suma a hazi mi fileina akulo yam ahuniyônina d’i, nga mi tin iram yam fileina hi Israel-lîna d’i, nga mi lop vun atchad’a hi ndram ma azinid’a d’i, nga mi hut go gen atchad’a ata yima buzuna mi fatna d’i,

Ezekiyel 33:26

Agi dengêgi tagi ni yam ahle magi suma sïna, agi nga lagi sun nda ndjendjed’a, agi nga lagi mizeuna karopma hi ndroginina mi. Ni nana ba, agi mba hlagi ambasa djona ge?

Sunda hi suma hi Levi-nid’a 18:6

Ar sa adigagi mi bur ki sumamamba d’i, kayam an ni Ma didina.