Ezekiyel 21:9 - Bible azumeina

⁹ Kayam an min tchi suma d’ingêrâ ki suma asa’atna woi kurugu, an mba ni pat mbigeu man nda fiyaka woi kur aziyat á tchi suma woi pet, tinï ad’ud’a abo ma sutna dei gak ndeza woi abo ma norâ.

Ezekiyel 21:9 Referans Kwoze

Ezekiyel 21:28

Suma Jerusalem suma a gun tazina a gol zlad’a hi vama tak lovot máma ni zla d’a hawad’a iraziya, wani amul ma Babilon-na, mi gazi humazi yam tcho mazid’a ala a mba yozi magomba.

Ezekiyel 21:3

Ang de magu d’a abo ma sutnid’a ala: Ndak hum zlad’a hi Ma didinid’a. Salad’a Ma didina mi dala: An nga gakud’a adigagu, mba d’i ngal agu ma arina ki ma sod’a woi adigagu. Sin aku ndata mba d’i mit tei d’i, mba d’i ngal ahle suma a wazi ki irina, tinï ad’ud’a abo ma sutna dei gak ndeza woi abo ma norâ.

Amos 9:4

Le mazi suma djangûna a yozi a izi avo hatazi pî, an mba ni he vuna a mba tchazi sä kua, an mba ni tin iran kazi ná lazi djivid’a d’i, wani ná lazi tchod’a.

Ezekiyel 21:15

A gurut ná tchi suma, a heget ná wiled’a. Na ni ei mba le furîd’a zu? Ti totogod’a hi goronid’a gol agu ma lara ge pet is.

Jeremi 15:2

Le a djobong ala: Ami imi ni lara ge ni, ang hulong dazi ala: Gola! Ma didina mi dala: Nge nge pî mi nga ki vama a ngamzi kama: Suma a ngazi tugud’ei d’a tchi matna kazina, ti mba d’i tchaziya; suma a ngazi ayî ma durâ kazina, a mba tchazi avun ayî ma durâ; suma a ngazi baktarad’a kazina, mba d’i tchaziya; suma a ngazi magomba kazina, a mba yozi magomba mi.

Jeremi 12:12

Suma b’lak yina a nga djï yam ahuniyô suma fuyogei suma va nga kazi d’uo na, kayam mbigeu d’a fiyaka hi Ma didinid’a nga d’i kizak suma kur ambasina, tinï ad’ud’a avun ambasa abo hî dei gak nde woi avun ambasa abo hî. Sama kak ki halasina nga tu d’i.

Isai 66:16

Ni kakud’a ba, Ma didina nga mi ka sariya mamba, nga mi ngop suma pet ki mbigeu d’a fiyaka. Ablaud’a a mba bo abo Ma didina.

Isai 27:1

Kur bur máma Ma didina mba mi hle mbigeu mam mba ngol la ad’eng nga fiyaka á ngop kambur ma a yum ala Leviyatan gugui ma djang heîna, d’oze Leviyatan gugui ma gunda. Mam mba mi tchi dragon ma nga kä kur alum ma ngol mámina woyo.

Wana ni mbaktumba hi Job-pa 20:25

Nga mi pat yeûd’a woi huyogomu, nga mi ve vama sï ma tchogom adudugama woyo, mandara matna mba mi vum atogo zak mi.

Jeremi 46:4

Agi zlubugi akulumeina! Agi suma djang akulumeina, ngagi kaziya! Azigarâ, agi kulubugi djum magid’a kagiya! Agi gurugi sï asubiyo magina, agi tchugugi kongrongâ atagi mi!

Ezekiyel 21:8

Ang de mambasa hi Israel-lîd’a ala: Ma didina mi dala: Gola! An nga ni ngobogu, an mba ni pat mbigeu man nda fiyaka woi kur aziyad’u, an mba ni tchi suma d’ingêrâ ki suma asa’atna woi kurugu.

Wana ni mbaktumba hi Job-pa 9:22

Ahlena pet a nabo tazi tu. Ni kayam ndata ba, an ve tan á ded’a ala: Mi nga mi tchi sama bei zlad’a kama woi mi na, mi tchi sama zlad’a kama woi mi.

Jeremi 47:7

Ma didina mi dala: Ni nana ba, ti mba d’i tuk tat ke? Ni an Ma didina ba, ni hat vuna á i ata Askalon kabo ma avun alum ma ngolîna d’uo zu?

Ezekiyel 21:4

Suma pet a mba wala ni an Ma didina ba, ni gad’u, mba d’i mit tei d’i.