Ezekiyel 21:32 - Bible azumeina

³² An mba ni to kä woyo, an mba ni to Jerusalem kä woyo. Ahlena pet a mbut wa á djup mbad’a hi sama an mba ni hum sariya d’a kad’a aboma.

Ezekiyel 21:32 Referans Kwoze

Ezekiyel 25:10

An mba ni mal lovota mi suma abo ma yorogona á kus yam suma Mowap-ma d’igi a kus wa suma Amon-na tala sa mi djib’er yam suma Mowap-ma aduk suma d’uo d’angû d’a.

Matiye 24:35

Akulod’a kandagad’a a mba kal leyo, wani zla manda mba d’i kal lei d’i.

Matiye 3:12

Mam nga kangot mam ma sira abomu, mba mi sir awu mama woi yuyung, mba mi togom kur avir mama, wani mba mi ngal brad’a woi kaku d’a bei mit tei ba d’a.

Matiye 3:10

Ki tchetchemba, andjetna mi ged’a kä ad’u aguna. Agu ma lara ge pet ma nga mi vut vut ta djivid’a d’uo na, a mba kam mbeyo, a mba gum aduk akud’a.

Sofoni 2:9

Kayam ndata, an ma bei matna Ma didin ma ad’engên kal petna, Alona hi Israel-lîna, ni dala: Mowap mba d’i mbut ni d’igi Sodom na, Amon mba d’i mbut ni d’igi Gomor na. Yazi mba mi se kekerezeuna, mba mi mbut ni zul la a djugot ndjuvuna kuad’a, mba mi arî djona ki iram fafat. Sum mana ad’uzi d’a ara a mba hurumuziya, andjaf man suma a mba ar nde na a mba hlambas mazid’a mi.

Ezekiyel 21:30

Wani ang amul ma Israel ma tcho ma mbut ira, burâ nga mi mba, ni bur ma sun mang nga tchod’a dap kuana.

Ndumba 23:19

Alona mi nga ni sana á ka zlad’a d’i, mi nga ni sana á mbut djib’er mamba kä d’uo mi. Vama mi duma, mba mi lum mbuo zu? Vama mi de kama, mba mi ndagam vunam mbuo zu?

Ezekiyel 22:1

Ma didina mi dan ala:

Ezekiyel 25:7

Ni kayam ndata ba, an nga ni hlabon kan akulo á ngobogiya, an nga ni hagi abo andjaf suma dingâ á mbut va mazi ma ved’a, an nga ni yogi woi aduk suma, an nga ni ndjoyôgi woi yam ambasa, an nga ni b’lagagi woyo. Hina wani, agi mba wagi ala an ni Ma didina.

Ad’u Tinda 49:10

Juda, totogo d’a amula mba d’i prut abong ngi; totogo d’a te leud’a mba d’i wal ki sed’eng nguo mi, gak mbad’a hi Sala totogo ndata. Ni ma suma a mba ge yazi kä avoroma.

Mise 5:1

Ang azì ma Betelehem ma Efrat-na, ang ma akid’eid’a aduk azì ma dudubu ma Juda-nina, man ma mba mi te yam Israel-lîna mba mi ndeï ni kurungû, ni ma andjavam tcholï adjeu dedeina.

Zakari 9:9

Agi suma Jerusalem-ma, agi eregi ad’ugi akulo ki furîd’a! Agi suma Siyon-na, agi eregi ad’ugi akulo, agi lagi hur ma hapma! Gola! Amul magina nga mi djïya. Ni ma d’ingêrâ, ni ma kus ayîna, ni ma lulumana, ni ma nga nga yam korona, ni ma nga nga yam koro ma gorâ yam gor korod’ina.