Ezekiyel 21:21 - Bible azumeina

²¹ Ndak mbigeu d’a fiyak ka tena heîd’a, ndak ka irak abo ma ndjufâ, ndak ka irak abo ma gulana, ata yima lara ma ndak nga avogok kuana.

Ezekiyel 21:21 Referans Kwoze

Zla d’a d’ogolâ 16:33

Suma a nga le togina á we vama nga mi mbana, wani ni Ma didina ba, mi ndak vun zla ndata.

Suma ka sariyad’a 18:20

Ma ngat buzuna tam lum djivid’a heî, mi hle filei ma a yum ala efona ki ma a yum ala terafima kagu ma tcheta, mi ge tam aduk ablaud’a.

Suma ka sariyad’a 17:5

Ni hina ba, Mika mi nga ki gong nga kud’ora avo hatamu. Mi yor filei ma a yum ala efona ki ma a yum ala terafima. Mi tin gorom ma dingâ á lum sun nda ngat buzuna.

Ad’u Tinda 31:30

Ki tchetchemba, ang iya kayam hurung vazina habungâ, wani ni kayam me ba, ang kulï filei mana ge?

Ad’u Tinda 31:19

Ata yima Laban mi i á tchau tumiyô mamina, Rachel ti kul filei mama.

Sunda hi suma a sunuzinid’a 16:16

Kid’a ami nga imi ata yima tchendid’a, gor ra sunda djop fileina ti ngavamiya, ni d’a suliyotna a nga fe beged’a yam filei mat ma djopa heîd’a.

Zakari 10:2

Filei ma agi nga djoboma nga mi dagi ni zla d’a kad’a, suma djopa, ahle suma a nde tazi irazina, nahle suma hawa ya’â. Adï d’a azi vagizi ad’uta, ni zla d’a hawa yaka mi. B’leng hur ma azi nga b’lengêgi ki hurugina, ni mbut ira. Kayam ndata, azi nga kur hohoud’a d’igi d’uwar ma salam ma pola nga d’uo na na.

Wana ni mbaktumba hi Oze-d’a 4:12

Sum mana a nga djop zlad’a nata filei agu mazina. Totogo mazid’a nga d’i hulongôzi zla d’a ded’a! Djib’era hi gaulangîd’a ti vid’izi woyo, a nga le gaulangâ, a wal lei dei ki an Alo mazina mi.

Wana ni mbaktumba hi Oze-d’a 3:4

Kayam Israel-lâ a mba kak ngola tatâ bei amulâ, bei ma te kazina, bei ma ngat buzuna, bei ahina d’a ge humba, bei filei ma a yum ala efona, bei ma a yum ala terafima mi.

Zla d’a d’ogolâ 21:1

Hur amulâ ni d’igi mbiyo ma djangâ na abo Ma didina, nga mi pred’em ata yima lara ma mam i kuana.

Zla d’a d’ogolâ 16:10

Zla d’a amulâ mi data ti tcholï nata Alona, ata yima nga mi ka sariyad’ina, mbeî mi de zla d’a irata.

2 Amuleina 23:24

Wani Josiyas mi b’lak suma a nga djop ki suma azuleina ki suma a nga de zlad’a yam vama nga mbana ki filei mazi ma a yum ala terafima ki filei ma tetengâ kahle suma ndjendje suma a nga kur ambas sa Juda-d’a ki suma avo Jerusalem-ma woi pet. Ni hina ba, mi ge yam kä ad’u zlad’a hi Gata d’a a b’irit kur mbaktum mba ma ngol ma ngat buzuna Hilkiya mi fat kur gong nga kud’ora hi Ma didinid’id’a.

1 Samuel 15:23

So vuna ni tcho d’a ngola d’igi ang djop mi fileina na; yam mba ad’enga ni tcho d’a ngola d’igi ang tuwalî fileina na mi. Kayamba ang ge vun Ma didina woi d’a, Ma didina nga mi gang ngei mi; ang mba kak amula yam sum mama d’uo d’a.

Suma ka sariyad’a 18:24

Mika mi hulong dazi ala: Filei man ma an luma, agi yom zlapa ki ma ngat buzuna pet, agi igi ki sed’eziya! Ni me mana mi ar nga d’ei ge? Ni nana ba, agi dan ala: Ni zla me ge ge?

Suma ka sariyad’a 18:18

Kid’a sum ndazina a kal avo hi Mika, a hlägu ma tcheta ki filei ma a yum ala efona ki ma a yum ala terafima kagu ma tchet ma a gulud’um ki kawei ma yorina mi d’a, ma ngat buzuna mi dazi ala: Agi lagi ni me na ge?

Suma ka sariyad’a 18:14

Ata yi máma suma vahl suma a i á d’u ambas sa Layis-sina a de zlad’a mi b’oziyozina ala: Agi wagi nga ala kur azì ma wana filei ma a yum ala efona ki ma a yum ala terafima kagu ma tcheta ki ma a gulud’um ki kaweina mi na a nga kua mi d’uo zu? Ni zla magid’a á wagi vama agi luma.

Gat ta a hat á mbàd’id’a 18:10

Ar a fe sama he goroma d’oze goromba á ngala kakud’ina, d’oze sama djop fileina, d’oze sama djop ki tchitchiud’ina, d’oze sama kuma ma mbut ir suma, d’oze sama ve kumana,

Ndumba 23:28

Balak mi i ki Baläm akulo yam ahina d’a Peyor-ra yat ta ked’iwurenga ata yima gol sä hur fulâ woina.

Ndumba 23:23

Kumana nga mi landjafâ hi Jakob-ma va d’i. Sama djop fileina nga mi le Israel-lâ va d’uo mi. Ata atchogoi d’a a ngata a mba de mandjafâ hi Jakob-ma nala Israel-lâ ala: Wana ni sunda hAlonid’a!

Ndumba 22:7

Suma nglo suma Mowap-ma ki suma nglo suma Madiyan-na a iya, a yo he d’a hawad’a abozi mi sama djopa, a mbaza gen Baläm, a dum zlad’a hi Balak-ka.

Matiye 22:9

Kayam ndata, agi igi grak lovota; suma agi fazina, agi yazï pet yam te ma tela.

Suma ka sariyad’a 18:17

Kid’a ma ngat buzuna mi nga tchola woi abu avun agre’â ki suma kikisa karagaya suma a nga kahle suma dur ayî mazina abozinid’a, suma vahl suma a i á d’u ambasina a kal avo, a hlägu ma tcheta ki filei ma a yum ala efona ki ma a yum ala terafima kagu ma tchet ma a gulud’um ki kawei ma yorina mi.