Ezekiyel 20:7 - Bible azumeina

⁷ An dazi ala: Ar nge nge pî mi ar ahle suma ndjendje suma mam nga mi le d’od’oka kazina woyo, ar agi mbud’ugi tagi ndjendjed’a ki filei ma Ezipte-na d’i. An ni Ma didina Alo magina.

Ezekiyel 20:7 Referans Kwoze

Sunda hi suma hi Levi-nid’a 18:3

Ar agi lagi ahle suma suma yam ambas sa Ezipte d’a agi kagagï kata a lazina d’i, d’oze agi lagi ahle suma suma yam ambas sa Kanan nda an nga ni igi kua wanda a nga lazina d’i. Agi tid’igi yam gat mazid’a d’uo mi.

Ezekiyel 20:8

Wani azi tchol huneîd’a ki sed’enu, a humun nga vunan ndi. Sa tu pî, mi ar nga ahle suma ndjendje suma mam le d’od’oka kazina woi d’i, a ar nga filei ma Ezipte-na woi d’uo mi. An djib’er ala an mba ni zal hurun kazi gak ni dap vun ayî mana kazi kur ambas sa Ezipte-d’a.

Ezekiyel 18:31

Agi hagi azigagi mi tcho magi d’a agi lata, agi mbud’ugi hurugi awilid’a, agi mbud’ugi muzugagi awilid’a mi. Agi Israel-lâ, ni kayam me ba, agi tchagi tagi woi ge?

Sunda hi suma hi Levi-nid’a 11:44

An ni Ma didina Alo magina; agi mba mbud’ugi tagi yed’et, agi mba kagagi suma yed’etna, kayam an ni Ma bei tchod’a ba na. Ar agi mbud’ugi tagi ndjendjed’a kahle suma gurei suma a dram kä yam andagad’ina d’i.

Ezekiyel 23:8

Ti nga d’i i avogovok ki gaulang mat ma ti tcholï ki sed’em Ezipte-na, kayam a zlap ki sed’et ni kid’a ndat ki gogorota dei, a lamat apot ni kid’a ndat ki gogorota dei, a le gaulang mazina ki sed’et mi.

Ezekiyel 23:3

A mbut tazi gaulangâ avo Ezipte, a mbut gaulangâ ni ki gugurei tazi d’ei. A lamazi apozi ni kolâ, a dozi apozi ni bei azi ngaf ki mandjuf ba.

Ezekiyel 20:19

An ni Ma didina Alo magina. Agi tid’igi yam vun man ma hed’a, agi ngomogi gat manda, agi lagi sunda kat mi.

Ezekiyel 18:15

le nga mi tahle suma a hazi mi fileina yam ahuniyônina d’uo, le nga mi tin iram yam fileina hi Israel-lîna d’uo, le nga mi lop vun atchad’a hi ndramid’a d’uo,

Ezekiyel 18:6

Sama hina na nga mi tahle suma a hazi mi fileina akulo yam ahuniyônina d’i, nga mi tin iram yam fileina hi Israel-lîna d’i, nga mi lop vun atchad’a hi ndram ma azinid’a d’i, nga mi hut go gen atchad’a ata yima buzuna mi fatna d’i,

Ezekiyel 14:6

Kayam ndata, ang i de mi Israel-lâ ala: Salad’a Ma didina mi dala: Agi mbud’ugi hurugiya, agi hagi azigagi mi filei magina, agi aragi sun magi d’a ndjendje d’a lara ge pet tei mi.

Ezekiyel 6:9

Suma a mba sut tei ndazina a mba djib’er kan aduk andjaf suma a mba izi magomba kuana. A mba djib’er kan ata yi máma, kayam an ni tozi huruzi ma mizeuna ki irazi d’a nga sod’a á le gaulangâ ki filei mazinid’a woyo. Azi tazi mba gol tazi ni suma ndjendjed’a yam sun nda tcho d’a azi lata ki sun mazi d’a ndjendje d’a lara ge pet mi.

Isai 31:7

Kur bur máma nge nge pî adigagi mba mi tchuk filei mam ma kawei ma hapma d’oze filei mam ma lor ma agi lagizi kabogi ma tchi matnina woyo.

2 Sunda Hamuleinid’a 15:8

Ata yima amulâ mi hum zla d’a ma djok vun Alona Azariya Odet goroma mi datina, mi ve tam ad’enga, mi pleî ahle suma ndjendje suma kur ambas sa Juda-d’a ki suma kur ambas sa Benjamin-nda ki suma kur azì ma nglo ma mam hlum yam ahina d’a Efraim-mbina woi pet. Mi hulong min yima ngal ahle suma ngat buzu ma b’lak kei ma nga avun gong nga kud’ora hAlonid’ina akulo mi.

Josue 24:14

Josue mi de kua ala: Ki tchetchemba, agi lagi mandara Ma didina, agi lum sunda ki hur ma tuna, agi kagagi ni suma d’engzengâ avoromu, agi tchugugi alo ma abuyogi ngolo a kud’uromï sä abo aluma abo hî na d’oze alo ma Ezipte-na woyo, agi lagi ni sunda mi Ma didina.

Sunda hi suma hi Levi-nid’a 17:7

Ar azi ngat ahle mazi suma ngat buzuna mi filei ma mi hle tam dedege d’igi mbekmberena na na d’i. Ar azi mbut tazi ndjendjed’a ki sed’em mbi. Gat ndata ti arî gat ta didinda kazi kandjavaziya.

Buzuk ka Abud’a 20:4

Ar ang tchet vama hle tam ki vama akulona d’oze ki vama yam andagad’ina d’oze ki vama aduk mbina kä ad’u andagad’ina d’i.

Buzuk ka Abud’a 20:2

An ni Ma didina Alo mang ma pad’angî woi kur ambas sa Ezipte-d’a ata yima a lang magomba kuana.

Buzuk ka Abud’a 16:12

An hum gureîd’a hi Israel-lîd’a. Ang dazi ala: Ini fladege d’a afata i á nikid’a, agi mba mud’ugi hliuna, avin yorogo agi mba hobogi kavungôna, agi mba wagi ala an ni Ma didina Alo magina.

Sunda hi suma hi Levi-nid’a 20:7

Ar agi kagagi ni suma yed’etna, kayam an ni Ma didina Alo magina.

Buzuk ka Abud’a 20:5

Ar ang grif kä avorozi d’i, ar ang kud’urozi d’i, kayam an Ma didina Alo mangâ nAlo ma yungôrâ. Sama kak djangûna ki sed’ena, an mba ni ngobom kandjavam gak andjavam ma kur atchogoi d’a hindid’ina d’oze ma kur atchogoi d’a fid’id’ina.

Buzuk ka Abud’a 22:20

Sama ar an Ma didina woi ta ba, mi hahle suma ngat buzuna malo ma dingîna, mbeî agi tchum mbeyo.

Ezekiyel 23:7

Ohola ti he tat mi suma gangrang suma Asiri-na. Ata yima lara nga d’i ve sama dingâ adigaziya, nga d’i mbut tat ndjendjed’a á tuwal filei mazina.

Sunda hi suma hi Levi-nid’a 18:2

Ang i de mi Israel-lâ ala: An ni Ma didina Alo magina.

Ezekiyel 34:24

An Ma didina mba ni arî Alo mazina, azong mana David mba mi arî ma ngol ma adigazina mi. An Ma didina ni de na.