Ezekiyel 20:44 - Bible azumeina

⁴⁴ Agi Israel-lâ, an mba ni le ki sed’egi yam tit magi d’a tchod’a ki sun magi d’a ndjendje d’a agi lata d’i, wani an mba ni le ki sed’egi ni yam simiyênu. Ata yi máma agi mba wagi ala an ni Ma didina. Wana ni zla d’a an Salad’a Ma didina ni data.

Ezekiyel 20:44 Referans Kwoze

Ezekiyel 24:24

Ezekiyel mba mi mbut ni vama taka kagiya. Agi mba lagi ni d’igi mam le hina. Fata ahle ndazina a led’a, ata yi máma agi mba wagi ala an ni Ma didina.

Ezekiyel 20:22

Wani an hulong ni gabon kä, ni le nga hina d’i, kayambala ar azi mbud’un simiyên vama ndjendjed’a ir andjaf suma an buzuguzï woi yam ambas sa Ezipte-d’a avorozina d’uo d’a.

Ezekiyel 20:14

Wani an le nga hina d’i, kayambala ar azi mbud’un simiyên vama ndjendjed’a ir andjaf suma an buzuguzï woi yam ambas sa Ezipte-d’a avorozina d’uo d’a.

Ezekiyel 20:9

Wani an le nga hina d’i, kayambala ar azi mbud’un simiyên vama ndjendjed’a ir andjaf suma azi nga kaka adigazina d’uo d’a, azi sumala ni glangâsâ yam vun ma hle ma an hlum ala an mba ni buzuguzï woi kur ambas sa Ezipte-d’a na.

Sawal la giled’a 115:1

Ma didina, subura nga ni mamid’a d’i, subura nga ni mi ami d’i, wani ni manga, yam o mang nga didinda, yam gagazi manga mi.

1 Timote 1:16

wani Alona mi wan hohowonu. Kayam an ni ma ngolâ aduk suma tchona, Jesus Christ mi tagan ve ta mamba pet, kayam an mbut ni vama taka mi suma a mba hum gagazid’a á fe ari d’a didindina.

Efes-sâ 1:6

Ar ei gilei Alona yam subura hi suma mam mba mi veizi hawa zlapa tu ki Gorom ma hurum vum heînid’a.

Ezekiyel 20:38

An mba ni wal suma a tchol huneîd’a ki suma bei hum vuna woi avoron ki sed’egiya, an mba ni buzuguzï woi kur ambas sa azi nga kaka kuad’a, wani azi mba kal kur ambas sa Israel-la d’i. Hina wani agi mba wagi ala an ni Ma didina.

Sawal la giled’a 79:9

Alo mami ma suta, yam subur manga, ang mbeï ndjunumiya; yam simiyêngû, ang prud’umi woyo, ang vat hurung ngei yam tcho mamid’a mi.

Ezekiyel 16:62

Wani an mba ni hulong djin vunan ki sed’egu. Ndak mba d’i wala an ni Ma didina.