Ezekiyel 20:38 - Bible azumeina

³⁸ An mba ni wal suma a tchol huneîd’a ki suma bei hum vuna woi avoron ki sed’egiya, an mba ni buzuguzï woi kur ambas sa azi nga kaka kuad’a, wani azi mba kal kur ambas sa Israel-la d’i. Hina wani agi mba wagi ala an ni Ma didina.

Ezekiyel 20:38 Referans Kwoze

Ezekiyel 13:9

An mba mi hlabon kan akulo á ngop suma djok vun suma ahle suma hawa ya’â nga nde tazi irazi suma a nga djok vun ma ka zlad’ina. Azi mba kal kur toka hi sum manid’a d’i, a mba b’irizi simiyêzi kä kur mbaktumba hi Israel-lîd’a d’i, a mba hulong yam ambas mazi d’a Israel-la d’uo mi. Hina wani, agi mba wagi ala an ni Salad’a Ma didina.

Sawal la giled’a 95:11

Ni na ba, kur hur man ma zala an gun tan ala: Azi mba kal kur ambas sa an nga hazizi á tuk tazi kuad’a d’i.

Malatchi 3:3

Mba mi kak kä d’igi sama mi yor kawei ma hapma á mbud’ut yed’etna na, mba mi mbut Levi andjavam yed’et, mba mi yorozi d’igi a nga yor lora ki kawei ma hapma na. Azi mba he he d’a hawad’a ata lovod’ot mi Ma didina mi.

Ezekiyel 6:7

Mad’a suma mba mi tchuk kä adigagiya, agi mba wagi ala an ni Ma didina.

Jeremi 44:14

Aduk suma Juda suma a ar suma a mba Ezipte á kak ka hî suma a nga huruzi á hulong yam ambas sa Juda-d’a á kak sä kuana, sa mba hulong ngi, ni suma tutu suma a mba sutna hol.

Ezekiyel 23:49

An mba hulongôzi tcho mazid’a kaziya. Azi mba zi tchod’a hi filei mazi ma tuwalid’a. Hina wani, agi mba wagi ala an ni Salad’a Ma didina.

Ezekiyel 15:7

An mba ni mbut iran ni ngoboziya. A mba djib’er ala a buzuk kei aduk akud’a da’, wani akud’a mba d’i ngalaziya. Fata an mbut iran á ngobozid’a, agi mba wagi ala an ni Ma didina.

Ezekiyel 11:21

Wani suma huruzi ve sun mazi d’a tchod’a ki sun mazi d’a ndjendje d’a lara ge petna, an mba ni hulongôzi sun mazi d’a tcho ndata kaziya. An Salad’a Ma didina ni de na.

Sawal la giled’a 9:16

Andjaf suma bei wAlona a puk kä kur zul la azi tazi djugud’ota, asezi mi tchuk kur dau ma azi tazi ngeyem kä na.

Jude 1:5

Wani ki tchetchemba, agi wagi ahle ndazina tetet, wani an nga ni gagi humagi kua, ni nana ba, Salad’a mi sut Israel-lâ woi kur ambas sa Ezipte-d’a, bugola, mi ba suma a he nga gagazid’a d’uo na woi ge.

Hebre-na 4:6

Suma a hum Zla d’a Djivid’a avo’â a kal nga kua a tuk tazi ki sed’em mbi, kayam a he nga gagazid’a d’i. Wani Alona mi he lovota mi suma hiuna á kal kua.

Hebre-na 4:3

Ei suma hei gagazid’ina, ei nga kalei ata yima tuk ta ma Alona mi de kam ala: An hurun zal ngola, an gun tan ala: Azi mba kal ata yima azi tuk tazi kua ki sed’ena d’uo na. Mi de zla ndata nata yima mi dap sun mam mba avok ka mam le duniyad’ina.

1 Korente-na 10:5

Wani suma ablaud’a adigazi a le nga Alona tam djivi d’i. Kayam ndata, a bo woi kur fulâ.

Matiye 3:12

Mam nga kangot mam ma sira abomu, mba mi sir awu mama woi yuyung, mba mi togom kur avir mama, wani mba mi ngal brad’a woi kaku d’a bei mit tei ba d’a.

Ezekiyel 20:15

Ni an ba ni hlabon akulo hur fulâ, ni gunuzi tan ala an mba ni izi yam ambas sa an hazizi d’a ambira ki mbul ayuma a nga sor kä kua d’a djif fa kal ambas sa ding nga peta d’i.

Ezekiyel 20:16

Kayam azi gol vun man ma hed’a is, a tit nga yam gat manda d’i, kayam azi mbut bur man ma sabatna ndjendjed’a, kayam huruzi mi nga tinda yam filei mazina tua.

Ezekiyel 20:34

An mba ni buzugugï woi aduk andjaf suma, an mba ni togogi kur ambas sa agi ndjoyôgi woi kuad’a kabon ma ad’engâ ki bigan nda zid’a akulo kan zid’a ki hur man ma zal ma gugulu’â mi.

Jeremi 29:32

Ni kayam ndata ba, an Ma didina ni dala: An mba ni mba á ngop Semaya kandjavamu. Sa mam mba mi kak adigagi á we djivi d’a an mba ni lat mi sum manid’a d’i, kayam mam zut sum mana á kak djangûna ki sed’enu.