Ezekiyel 20:35 - Bible azumeina

³⁵ An mba ni i ki sed’egi hur fulâ handjaf suma dingîna; ni kua ba, an mba ni togogi avoron á kagi sariyad’a kagiya.

Ezekiyel 20:35 Referans Kwoze

Wana ni mbaktumba hi Oze-d’a 2:14

An mba ni kizagat guguzlu mata ki tulumei mat suma ndat nga d’i dala: Wana ni wurak ka buniyôna a handji á ted’a d’a woyo. An mba ni ndjoyôzi woi aduk agud’a, azurei suma abageina a mba taziya.

Ezekiyel 20:36

An mba ni kagi sariyad’a kagi d’igi an ka sariyad’a yam abuyogi ngolo hur ful ma yam ambas sa Ezipte-d’ina na. An Salad’a Ma didina ni de na.

Ezekiyel 19:13

Ki tchetchemba, a pat wa abagei hur fulâ, yam andaga d’a so d’a gangras sa nga d’i hal mbinid’a.

Ezekiyel 17:20

An mba ni gun dau mana kä avoromu; mba mi ve ki dau mana, an mba ni im Babilon, an mba ni kam sariyad’a kam sä kua yam sun nda tcho d’a mi landjid’a.

Jeremi 2:35

Hina pet pî, agi dagi ala: Ami ni suma bei zlad’a kamina. Ayî mama mi nga kami d’i. Gola! An nga ni kal ata yima ka sariyad’a ki sed’egiya, kayam agi dagi ala: Ami lami nga tcho d’i.

Vama ndum mbeina 12:14

Wani a he atcha ndata giging agigilau ma ngolâ, kayam ti pir ti i ata yi mat ma abageina, ata yima a hat tena kua bizad’a hindi ki nusina kayam dragon máma mi fat ti.

Mise 4:10

Agi tchagi tata abo ndaka, agi zamagi tagi d’igi atcha d’a ti nde vutid’a na, agi buzugugi woi kur azì ma ngolâ, agi i kagagi sä abageya, agi igi gak Babilon. Ata yi máma Ma didina mba mi prud’ugi woyo, mba mi prud’ugi woi kua abo magi suma djangûna.

Wana ni mbaktumba hi Oze-d’a 4:1

Agi Israel-lâ, agi humugi zlad’a hi Ma didinid’a. Mi dala: An nga ki zlad’a ki suma a nga kaka kur ambasina, kayam d’engzenga d’oze sumad’a a nga kur ambasa d’i. A wan nga ala an nAlona d’i.

Ezekiyel 38:22

An mba ni kang sariyad’a kang ki tugud’ei d’a tcho d’a tchi matna ki mat ma tchid’a mi. An mba ni salo ma kûkûna kang ki mogei ma nglona, zlapa kakud’a ki sufred’a yam andjaf suma ablau suma a nga zlapa ki sed’engâ mi.

Ezekiyel 38:8

Bugol bizad’a ablaud’a, an mba ni sirang kur sun mang nga led’a. Kur atchogoi ndata ang mba kal kur ambas sa Israel-la. Suma a nga kaka kuana ni suma a sud’ï woi avun ayî ma durîna, ni suma a buzugï woi aduk andjaf suma tetengâ, ni suma a tok a hulong kaka yam ahuniyô suma Israel suma a mbut djona adjeuna, ni suma a nga kaka kua ki halasina mi.

Jeremi 25:31

Delem mba nga d’i ngir kä d’a, ti i gak ti ndeza woi avun dabid’a handagad’id’a, kayam Ma didina nga mi le sariyad’a kandjaf suma, nga mi ka sariyad’a yam andjaf suma pet, mi tchi suma asa’atna ki mbigeu d’a fiyaka. Ma didina mi de na.

Jeremi 2:9

Ni kayam ndata ba, Ma didina mi dala: An nga ni le sariyad’a ki sed’egiya, an mba ni le sariyad’a ki grogi ngolona kua d’ei.

1 Samuel 12:7

Ki tchetchemba, agi tchologi hina djang avok Ma didina; an nga ni vagi ad’ud’a yam sun nda d’ingêr ra pet ta Ma didina mi lat ki agi kabuyogi ngolod’a.

Sawal la giled’a 74:22

Alo mana, ang tchol akulo, ang de woi yam zla manga, ang djib’er yam ngul la andjaf suma lilid’a a nga ngulung burâ ki burîd’a.

Isai 3:14

Nga mi ka sariyad’a yam mam suma nglona, yam suma avok sumina, nga mi dala: Agi b’lagagi guguzlud’a woyo, ahle suma agi hurumuzi abo suma houd’ina a nga avo hatagi mi.

Jeremi 31:2

Ma didina mi dala: An we hohowa suma a sut tei avun ayînina abagei hur fulâ. Israel-lâ a nga i ata yi mazi ma tuk tad’a.

Wana ni mbaktumba hi Oze-d’a 2:16

Kayam ndata, an mba ni lobot ni i ki sed’et abagei hur fulâ, an mba ni b’lengêt hurud’u.