Ezekiyel 20:33 - Bible azumeina

³³ An Salad’a Ma didin ma bei matna mba ni te kagi kabon ma ad’engâ ki bigan nda zid’a akulo kan zid’a ki hur man ma zal ma gugulu’â.

Ezekiyel 20:33 Referans Kwoze

Jeremi 21:5

Kayam an tanda mba ni durugi ayîna kabon ma zid’a kan akulo zina ki bigan nda ad’enga ki hur ma zala ki hur ma zal ma gugulu’â ki hur ma zal ma kal lei teglesâ mi.

Ezekiyel 8:18

An mi, an mba ni lazi ki hur man ma zala na mi, an mba ni wazi hohowozi d’i, an mba ni djib’er kazi d’uo mi. Fata azi mba tchi ki delezi d’a ngola akulo humanda, an mba ni humuzi d’uo mi.

Jeremi 44:6

Ayî mana ki hur man ma zal ma gugulu’â a wet teyo, a ngal azì ma nglo ma Juda-na ki ir palum mba Jerusalem-mba suma a mbut ini ni djona ki fula d’igi a nga wazi ini na na.

Jeremi 42:18

Kayam Ma didin ma ad’engêm kal petna, Alona hi Israel-lîna, mi dala: D’igi an ni wet ayî mana ki hur man ma zal ma gugulu’â woi yam suma a nga kaka avo Jerusalem adjeuna na, le agi igi Ezipte ni, an mba ni wed’em mbei kagi na mi. Agi mba mbud’ugi ni vama ge vuna, vama atchapma, vama a golom isâ ki vama ngula. Agi mba wagi yima kä wana ki iragi d’uo d’a.

Hor ma tchina 2:4

Mi ndir yeû mamba d’igi ma djangûna na, mi zi abom ma ndjufâ woi d’igi ma tchi suma na, mi b’lak ahle suma djivid’a á golina woi pet, mi do ayî mama d’igi akud’a na ata Jerusalem.

Isai 31:3

Ezipte-na ni suma, a nga nAlona d’i. Akulumei mazina a ni hliuna, a nga ni muzu’â d’i. Ata yima Ma didina mi hlabom akulona, sama mba á ndjundina mi ka nazlard’eid’a, sama mam ndjunuma mi pu’î kä mi, azi zla tazi djak a mba ba woyo.

Jeremi 51:57

An mba ni gurut mat suma nglona, mat suma ned’a, mat suma te yamba, mat suma nglo suma ka sariyad’a ki grang matna. Sum ndazina a mba bur sen ma ki irazi fafatna, a mba zlit akulo d’uo d’a. An amul ma simiyên ala Ma didin ma ad’engên kal petna na ni de na.

Ezekiyel 6:14

An mba ni hlabon kan akulo á ngoboziya, an mba ni mbut ambas mazid’a djona, an mba ni mbud’ut fula tinï ad’ud’a hur ful ma abo ma sutna dei gak mba ata azì ma ngol na Ribla-na. A mba wala an ni Ma didina.

Ezekiyel 22:22

D’igi kawei ma hapma mi yor rei aduk akud’a na, agi mba yorogi woi kurut na mi, agi mba wagi ala an Ma didina ba ni zal hurun kagiya.

Wana ni mbaktumba hi Oze-d’a 2:14

An mba ni kizagat guguzlu mata ki tulumei mat suma ndat nga d’i dala: Wana ni wurak ka buniyôna a handji á ted’a d’a woyo. An mba ni ndjoyôzi woi aduk agud’a, azurei suma abageina a mba taziya.

Buzuk ka Abud’a 6:6

Kayam ndata, ang i de mi Israel-lâ ala: Alona mi dala: An Ma didina nga ni pad’agi woi kur sun nda anek ka Ezipte-na a tinigizi kagid’a, an nga ni pad’agi woi kur magom mba a nga lagizid’a mi. An mba ni ngobozi ngop pa tchod’a, an mba ni prud’ugi woi ki bigan nda zid’a kan akulo zid’a,

1 Amuleina 8:42

kayam mi wala simiyêng ni Ma kal teglesâ, abongî ma ad’engâ, bigang nga zid’a akulo kang zi mi, le mi tcheneng kur gong nga wanda ni,