Ezekiyel 20:20 - Bible azumeina

²⁰ Agi tinigi bur man ma sabatna iram vamu, ar mi ka’î vama taka adigagi ki anu, kayam agi wagi ala an ni Ma didina Alo magina.

Ezekiyel 20:20 Referans Kwoze

Jeremi 17:22

Ar agi yogi ahle suma avo hatagina á buzugugi woi ki sed’ezi kur bur ma sabatna d’i, ar agi lagi sunda kur ri, wani agi tinim iram vam d’igi an he vuna mabuyogi ngolo na.

Isai 58:13

Le ang d’el tang bei tita kur bur ma sabatna á le min manga kur bur man ma an tinim iram vama d’uo, le ang mbut bur ma sabatna ni bur mang ma furîd’a, ang tinim iram vam á suburun an Ma didina, le ang suburum ná tit yam min manga d’uo, á le vama ang hurung minima d’oze a de zla d’a hawa yaka d’uo mi ni,

Ezekiyel 44:24

Le zlad’a nde aduk suma ni, azi mba ka’î suma ka sariyad’a, azi mba ka ni sariya d’a d’ingêra yam gat manda. Azi mba le vun til mana yam gat manda ki vun man ma hed’a, azi mba ngom bur man ma sabatna á tinim iram vam mi.

Ezekiyel 20:12

An hazi bur man ma sabatna d’igi vama taka na adigazi ki anu, kayam azi wala an ni Ma didin ma ni tinizi irazi vazina.

Jeremi 17:27

Wani le agi humun nga d’uo, le agi tinigi nga bur ma sabatna iram vam mbuo, le agi yogi ahlena kagi á kalagi ki vun agrek ma Jerusalem-ma ni, ata yi máma an mba ni do akud’a atazi ma ngolâ, mba mi ngal azì ma nglo ma djif ma Jerusalem-ma woyo, ti mba d’i mit tei d’i.

Jeremi 17:24

Ma didina mi dala: Le agi humun gagazi, le agi kalagi nga kahlena kagi avun agre’â hazì ma ngol máma kur bur ma sabatna d’uo, le agi tinim iram vamu, le agi lagi nga sun kur ngiyeû d’uo ni,

Buzuk ka Abud’a 20:11

Kayam kur burâ karagaya, an Ma didina ni lakulod’a kandagad’a kalum ma ngolâ kahlena pet suma a nga kuruma, an tuk tan kur bur ma kid’iziyana. Ni kayam ndata ba, an b’e vunan yam bur ma sabat máma, an tinim iram vam mi an mi.

Isai 56:2

Sama mi le vama an duma, ma nga tchola ngingringâ, ma nga mi ngom bur ma sabatna á mbud’um ndjendjed’a d’uo na, ma nga mi d’el tam mbei ata tcho d’a lara ge petna, mi le furîd’a.

Ezekiyel 20:26

An mbud’uzi ndjendjed’a ki he d’a hawa mazid’a ata yima azi nga ngal grozi suma avo’â woi kakud’ina, an min le ki sed’ezi hina á mbud’uzi hohoud’a á tagazi woi ala an ni Ma didina.

Buzuk ka Abud’a 20:8

Ar ang djib’er yam bur ma sabatna, ang tinim iram vam yam anu.

Ezekiyel 22:8

Ang nga golon yi man ma an tinim iram vama is, ang nga b’lagan bur man ma sabatna mi.