Ezekiyel 20:15 - Bible azumeina

¹⁵ Ni an ba ni hlabon akulo hur fulâ, ni gunuzi tan ala an mba ni izi yam ambas sa an hazizi d’a ambira ki mbul ayuma a nga sor kä kua d’a djif fa kal ambas sa ding nga peta d’i.

Ezekiyel 20:15 Referans Kwoze

Sawal la giled’a 95:11

Ni na ba, kur hur man ma zala an gun tan ala: Azi mba kal kur ambas sa an nga hazizi á tuk tazi kuad’a d’i.

Sawal la giled’a 106:26

Mi hlabom akulo, mi gun tam kazi ala mam mba mi tchazi woi abagei hur fulâ,

Hebre-na 4:3

Ei suma hei gagazid’ina, ei nga kalei ata yima tuk ta ma Alona mi de kam ala: An hurun zal ngola, an gun tan ala: Azi mba kal ata yima azi tuk tazi kua ki sed’ena d’uo na. Mi de zla ndata nata yima mi dap sun mam mba avok ka mam le duniyad’ina.

Hebre-na 3:18

Ni suma lara ba, Alona mi gun tam kazi ala a mba kal ata yima tuk tad’a ki sed’em mbuo ge? Ni suma a kak djangûna ki sed’ema d’uo zu?

Hebre-na 3:11

An hurun zal ngola, an gun tan ala: Azi mba kal ata yima azi tuk tazi kua ki sed’ena d’i.

Ezekiyel 20:23

Ni an ba ni hlabon akulo hur fulâ, ni gun tan ala an mba ni b’rawazi woi aduk andjaf suma, an mba ni ndjoyôzi woi yam ambas sa dinga mi,

Ezekiyel 20:14

Wani an le nga hina d’i, kayambala ar azi mbud’un simiyên vama ndjendjed’a ir andjaf suma an buzuguzï woi yam ambas sa Ezipte-d’a avorozina d’uo d’a.

Ezekiyel 20:38

An mba ni wal suma a tchol huneîd’a ki suma bei hum vuna woi avoron ki sed’egiya, an mba ni buzuguzï woi kur ambas sa azi nga kaka kuad’a, wani azi mba kal kur ambas sa Israel-la d’i. Hina wani agi mba wagi ala an ni Ma didina.

Ezekiyel 20:42

Fata an igi yam andaga d’a Israel-la kur ambas sa an hlabon akulo ni gun tan á hat mabuyogi ngolod’a, agi mba wagi ala an ni Ma didina.

Ezekiyel 44:12

Wani kayamba azi le sun nda ngat buzuna avok fileina á tchuk Israel-lâ kur tchod’id’a, ni kayam ndata ba, an hlabon akulo an gun tan ala: Sum ndazina a mba zi aneka hi tcho mazid’id’a kaziya. An Salad’a Ma didina ni de na.

Ezekiyel 20:6

Kur bur máma an hlabon akulo ni gunuzi tan á buzuguzï woi yam ambas sa Ezipte-d’a, á i ki sed’ezi yam ambas sa an manat kazid’a. Nambas sa ambira ki mbul ayuma a nga sor kä kuad’a, nambas sa djif fa kal ambasa peta.