Ezekiyel 2:8 - Bible azumeina

⁸ Wani ang gor sana, ang hum vama an nga ni dangzina. Ar ang mbut sama bei hum vuna d’igi azi na d’i. Ang mal vunang ngeyo, ang te vama an nga ni hangzina.

Ezekiyel 2:8 Referans Kwoze

Vama ndum mbeina 10:9

An i gen malaika máma, an dum ala mi hanï mbaktum mba gor ndata. Mi dan ala: Ang ve, ang mud’ud’u. Mba d’i mbut aglara kurungû, mba d’i mbut adj’ibeta avunang d’igi ayuma na.

Jeremi 15:16

Ma didina Alo ma ad’engêng kal petna, ata yima an fe zla mangina, an tad’u. Zla manga ti mbut hur ma hapma ki furîd’a kurunu, kayam a nga yan ki simiyêngû.

Isai 50:5

Salad’a Ma didina mi malan human ndei á humba, an ni som nga vunam mbi, an hulong nga bugol luo mi.

1 Pierre 5:3

Agi halagi á tagi yam suma Alona mi hagizi abogi á ngombina d’i, wani agi mbud’ugi ni vama simata hades mamina.

Ezekiyel 3:10

Mi dan kua ala: Ang gor sana, ang tin humang hum zla d’a an nga ni dangzid’a pet, ang vat kurungû.

Ndumba 20:24

Aron mba mi mid’a, kayam mam mba mi kal kur ambas sa an nga ni hat mi Israel-lîd’a d’i, kayam agi tchilagi yam vun man ma hed’a ata yima mbiyo ma Meriba-na.

Sunda hi suma hi Levi-nid’a 10:3

Ata yi máma Moise mi de mi Aron ala: Wana ni zla d’a Ma didina mi data: Suma a mba go ki sed’en á lan sundina, mbeî a tak kak man nda yed’eta woi abua, mbeî a suburun avok suma pet mi. Wani Aron mi kak ki vunam ma du’â.

Isai 8:11

Kid’a Ma didina mi van kabom mi dan ala: Ar ang tit kur lovota hi sum ndazinid’a d’uo d’a, mi dan kua ala: Ang dazi ala:

Jeremi 13:2

An gus d’i’â d’igi Ma didina mi dan na, an djinim furun mi.

Ezekiyel 12:2

Ang gor sana, ang nga ni kaka aduk andjaf ma bei hum vuna ma nga ki ira á gola ko ba nga mi we d’uo na, ma nga ki humba á humba ko ba nga mi hum mbuo na, kayam mam nandjaf ma bei hum vuna ba na!

Ezekiyel 33:7

Ang gor sana, an tining ma ndjola yam Israel-lâ. Ang mba hum zla d’a ndavunanda, ang mba gazi humazi yam zla d’a tcholï atanda mi.

Ezekiyel 40:4

Sa máma mi dan ala: Ang gor sana, ang mal irang ki humang ngeyo, ang gol tang djivi yam ahlena pet suma an nga ni tagangzina, kayam a mbang ka hî ná gola. Bugola, ang i väd’u ahle ndazina woi pet mi Israel-lâ.

Sawal la giled’a 105:28

Mi sunï nduvunda yam ambasa, ambasa ti mbut nduvunda i’îlik. Azi nga kak djangûna ki zla mamba d’i.

Ezekiyel 12:7

An lahle suma Ma didina mi han vun kazina, an buzuk ahle mana woi falei d’igi sama a im magombina na. Ki fladeged’a an tcho gulumuna kabonu, an nde kandjeged’a, an yo ahlena kä irazi na.

Jonas 1:3

Wani Jonas mi tchol á ring Tarsis woi dei avok Ma didina. Mi i Jafa, mi fe bato d’a i Tarsis-sa, mi wurak beged’a, mi ful kur batod’a ki suma a le sunda kurutna á i Tarsis woi dei avok Ma didina.