Ezekiyel 18:21 - Bible azumeina

²¹ Le sama asa’atna mi ar sun mam mba tcho d’a mi lata woi pet, le mi ngom gat manda ki d’ingêra ped’u ni, gagazi, mba mi kak karid’a, mba mi mit ti.

Ezekiyel 18:21 Referans Kwoze

Ezekiyel 33:19

Le sama asa’atna mi ar sun mam mba asa’ata woi mi tit yam d’ingêra ki gagazid’a ni, mba mi kak karid’a yam zla ndata mi.

Zla d’a d’ogolâ 28:13

Sama mi ngei yam tcho mamba kä na, nga mi fe djivid’a d’i, wani sama mi de tcho mamba woi mi arat tei mi na, a mba wum hohowomu.

Sunda hi suma a sunuzinid’a 3:19

Kayam ndata, agi mbud’ugi hurugi yam tcho magid’a, agi hud’ugi gen Alona mi, kayam mi hazagi tcho magid’a woyo.

Romê-na 8:13

Le agi tid’igi ni bugol sa magi ma adjeuna ni, agi mba bogiya. Wani le agi tchagi sunda hi sa magi ma adjeunid’a woi yam ad’enga hi Muzu’â hAloninid’a ni, agi mba kagagi karid’a.

Wana ni Zla d’a Djivi d’a Luc mi b’irita 24:47

A mba tin ad’u tchi wala ki simiyêm yam zla mbut hurâ yam tchod’a á fe hur ma vata ata Alona yam tchod’a navo Jerusalem gak i ata andjaf suma pet.

Ezekiyel 18:9

nga mi tit yam gat manda, nga mi ngom vun man ma hed’a, nga mi le sunda yam gagazid’a mi. Sama hina na ni sama d’ingêrâ; gagazi, mba mi kak karid’a mi. An Salad’a Ma didina ni de na.

Jacques 2:26

Le sana nga mi muzuk kuo ni, mi ni matna. Hina mi, he gagazi d’a bei sunuta ni matna.

Ezekiyel 18:5

Agi djib’eregi yam sama d’ingêr ma d’engzeng ma nga mi le sun nda iratina.

Ezekiyel 18:30

Agi Israel-lâ, ni kayam ndata ba, an mba ni kagi sariyad’a kagi nge nge pî yam tit mamba. An Salad’a Ma didina nga ni dagiya: Agi mbud’ugi hurugi yam tcho magid’a, agi hulongôgi tala ar tcho magid’a ti mbud’ugi vama b’lagagina d’uo d’a.

Ezekiyel 18:19

Wani agi nga dagi ala: Ni kayam me ba, gorâ mi zi tchod’a habumba d’uo ge? Wani gorâ mi tit ni yam d’ingêra ki gagazid’a, mi ngomî gat manda, mi tit kat pet. Gagazi, mba mi kak karid’a.

Sawal la giled’a 119:112

An tin hurun á le sunda yam gat manga, kayam ndat ni wurak man nda gak didinda.

Sawal la giled’a 119:80

Ar an kak d’ingêr á tit yam gat manga, kayam an mbut zulona avorong ngi.

Jacques 2:14

B’oziyona, le sana mi dala mam he gagazid’a, wani sun mata le nga d’uo ni, djivi mata ni me ge? He gagazi ndata ti ndak á sud’um zu?

Wana ni Zla d’a Djivi d’a Luc mi b’irita 1:6

Azi djak ni suma d’ingêrâ avok Alona, a ge yazi kä ad’u gata ki vun ma hed’a hi Salad’ina pet.

Ezekiyel 36:27

An mba ni hagi Muzuk mana kurugiya, an mba ni mbud’ugi suma tid’igi yam gat manda suma ngomogi vun man ma hed’ina mi.

Ezekiyel 18:17

le nga mi le sama hohoud’a tcho d’uo, le nga mi he va mi sa ki mbina d’uo, le nga mi hal mbina abo sa d’uo, le nga mi ngom vun man ma hed’a, le nga mi tit yam gat manda mi ni, sama hina na nga mi mit yam tchod’a habumba d’i. Gagazi, mba mi kak karid’a.

Ezekiyel 3:21

Wani le ang ge sama d’ingêrâ humam ala ar mi le tchod’a d’uo, le mi le nga tchod’a d’uo ni, gagazi, mba mi kak karid’a. Kayam ang gum humamu, ang tang mba sut tangû.

Sawal la giled’a 119:1

Suma a nga tit kur lovot mazi d’a d’ingêr suma a nga tit yam gata hi Ma didinid’a a le furîd’a.

Ad’u Tinda 26:5

kayam Abraham mi humun vunanu, mi ge yam kä ad’u zla manda ki vun ma he mana ki zla man nda an dumzid’a ki gat manda mi.

Jeremi 18:8

Wani le andjaf ma an de zlad’a kama mi hulong mbut hurum yam asa’at mamba ni, an mba ni ar ndak ka an ngamzi kam á lumzid’a woyo.

Ezekiyel 13:22

Agi b’lagagi hur suma d’ingêr suma an tan b’lagazi nga huruzi d’uo na ki zla magi d’a kad’a, agi nga hagi ad’enga mi suma asa’atna á d’elezi tala a hulongî woi ata tit mazi d’a tchod’a á kak karid’a d’a.

Daniel 4:27

Ni kayam ndata ba, amulâ, ar ang ve d’al ma an nga ni dangzina, ang ar tcho manga ki tchila manga woyo, ar ang le sun nda d’ingêra, ang we hohowa suma hohoud’a. Hina wani, dam kak mang nga djivid’a mba d’i i avogovok kla!

Jeremi 26:3

Dam a mba huma, nge nge pî mba mi ar sun mam mba tchod’a woi kla. Hina wani, an mba ni ar tcho d’a an ngat kurun á lazizi yam sun mazi d’a asa’at ta azi lata woyo.