Biblia Todo Logo
Bib sou entènèt

- Piblisite -




Ezekiyel 17:16 - Bible azumeina

16 Salad’a Ma didina mi dala: An Ma bei matna ni gun tan ala: Amul máma mba mi mit sä ni kur ambasa hamul ma mi tinim amulina avo Babilon, kayam mi gol gun ta d’a mi gunum tamba is, mi but vun ma djin ma a djinim aduk tazina woi mi.

Gade chapit la Kopi




Ezekiyel 17:16
25 Referans Kwoze  

An Ma didina mba ni gun dau mana kä avoromu, mba mi vumu. An mba ni im yam ambas sa Babilon-nda. Wani mam mba mi wat ti, mba mi mit sä kua.


Bugola, mi tcho ir Sedekiyas seyo, mi gum alei ma kawei ma hleuna asem mi im Babilon, mi gum dangeina gak mat mama.


Mi hle sana ad’u andjaf ma amula tu, mi djin vunam ki sed’emu, mi lum kad’enga mi gunum tamu, mi i ki suma nglo suma kur ambas ndatina,


Salad’a Ma didina mi dala: Jerusalem, ndak ka gol gun tad’a isa, ndak ka but vun man ma djinda woid’a, an mba ni la’î d’igi ndak le hina mi.


Bugola, mi tcho ir Sedekiyas seyo, mi gum alei ma kawei ma hleuna asem mi im Babilon.


Ni sama nga mi noî sama Alona mi golom isâ woina, wani mi suburî suma a nga le mandara Alonina. Vama mam gun tam kama, le mba ni vama tchona kam pî, nga mi tin vunam kam mbi.


Wani Nebukanezar mi hle Mataniya Jojakin abum ma gorâ, mi tinim amula, mi djogom simiyêm ala Sedekiyas.


Amulâ David mi yï suma Gabawon-na á dazi zlad’a. Suma Gabawon-na a nga nandjafâ hi Israel-lîna d’i; ni suma Amor suma a ar kaka adigazina. Wani Israel-lâ a djin vunazi ki sed’ezi adjeu ala a lazi va d’i. Wani Saul mi min á tchazi woi yam zlezleû d’a kurum mba yam Israel-lâ ki Juda-nid’a.


Vama ei mba lum ki sed’ezina ba wana: Ei mba arazi bei tchid’a, kayam gun nda ei gunuzi teid’a. Le d’uo ni, Ma didina hurum mba mi zal keya.


Moise mi de mi suma avok andjafâ hi Israel-lîna ala: Wana ni vun ma he ma Ma didina mi huma:


Ar ang yi simiyê an Ma didina Alo mangâ kä hawa d’ad’ar ri, kayam an mba ni ar sama mi yan simiyên kä hawa d’ad’arâ bei ngopa d’i.


Aron mi hlabom akulo yam mbiyo ma Ezipte-na. Greneûna mi buzugï woi mi, mi oî mbimbigi yam ambas sa Ezipte-d’a.


Azi ni suma asa’atna, suma bei we hohowa sumina, suma kad’ud’a, suma bei ve tazina, suma murud’umba, suma a kak djangûna ki djivid’ina.


yam suma mizeuna, yam suma bur ki ndrozi andjofîna, yam suma kul suma, yam suma ka zlad’a, yam suma gun tazi ir gurzulina, yam suma a lahle suma kak djangûna ki hat ta gagazid’ina pet mi.


Azi ni suma bei djib’er yam tcho mazid’ina, a nga djib’er yam vun mazi ma hled’a d’i. Azi ni suma bei sumad’a, ni suma bei we hohowa sumina mi.


Ma didin ma ad’engêm kal petna mi dala: An mba ni hud’ï atagi go á ka sariyad’a, mba ni b’at tan á le glangâsa yam suma kuma suma fileina ki suma mizeuna, yam suma a nga gun tazi ir gurzulina, yam suma a nga he wuraka d’uo mi suma a nga lazi sundina, yam suma a nga le ir arop suma modonod’a ki suma hokuyod’ina, yam suma a nga we angoyogeina tchet tuo na, yam suma a nga ringîn mandaran nduo na mi.


A nga de zla d’a hawa yaka, a nga gun tazi gun nda ka zlad’a, a nga djin vunaziya, wani sariyad’a mba d’i zul kazi d’igi asu ma tchona mi zul hur asinena na.


Guguzlu ndata a pat wa kä da’, na ni mba d’i ruî avogovok su? Le simet ma abo ma yorogona mi sir kad’u ni, mba mi sot tei d’uo zu? Mba d’i so woi ata yima ti wul kuana.


Ndak ndata ti mba hina ni yam zal la Ma didina hurum mi zal yam suma Jerusalem-ma ki suma Juda-nid’a gak mi digizi woi dei avoromu. Sedekiyas mi tchol huneîd’a kamul ma Babilon-na.


An mba ni he Sedekiyas amul ma Juda-na ki mam suma nglona abo mazi suma djangûna, abo suma a halazi á tchid’ina, abo azigar suma hamul ma Babilon-na suma a wal tazi woi dei ki sed’egina.


Ma didina mi dan ala:


Swiv nou:

Piblisite


Piblisite